Рʹӧһʹанийа Тә
Готара пешьнда һатьбу готьне, ԝәки гәләк мәрьв Хәбәра Хԝәде һʹәсаб дькьн, ча кʹьтебәкә пироз. Ԝана тедәрхьстийә, кӧ чахе Кʹьтеба Пироз дьхуньн у рʹебәрийа ве жийина хԝәда дьдьнә хәбате, әԝана хԝә дьһа незики Хԝәде тʹәхмин дькьн у ԛьрара ԝи фәʹм дькьн.
Мәрьве рʹӧһʹани принсипед Хԝәде ԛимәт дькә у бь ԝан принсипа рʹебәри дьбә (Щьһуда 18, 19). Мәрьвед кӧ нахԝазьн рʹебәрийа Хԝәде бьстиньн, әԝана хԝәда итʹбар ьн, ле әԝед кӧ рʹебәрийа Хԝәде дьгәрʹьн, әве йәке ԛимәт дькьн (Әфәси 5:1).
ҺЕВИ
ПРИНСИПА КʹЬТЕБА ПИРОЗ: «Һәгәр тӧ тәнгасийеда дьлсьст би, кӧ ӧса йә тӧ нә хӧрт и» (Мәтʹәлок 24:10).
ӘВ ЧЬ ТЕ ҺʹӘСАБЕ: Жь бо дьлтәнгийе әм дькарьн ԛӧдум бькʹәвьн, жь бо чь жи ԝе мәрʹа чәтьн бә проблемада тәйах кьн. Хенщи ԝе йәке, һеви дькарә мә ԛәԝи кә, ԝәки хԝә ԛайим бьгьрьн. Гава һевийа мә ԛәԝи йә, әм фәʹм дькьн, кӧ проблемед мә ԝәʹдәлу нә. Бь рʹасти тьштед баш пешийа мә нә.
ТӦ ЧЬ ДЬКАРИ БЬКИ: Бьхәбьтә кӧ дәрһәԛа тьштед баш бьфькьри, кӧ ахьрийеда һивийа мә нә. Дәԝса кӧ бәрхԝәкʹәви дәрһәԛа ԝе йәке кӧ чь дькарә бьԛәԝьмә, ԝе баш бә бьхәбьти кӧ бьгьһижи нетед хԝә. Бир нәкә, ԝәки тʹӧ кәс жь ԝәхт у ԛәԝьмандьна хԝәйкьри нинә (Ԝаиз 9:11). Бь рʹасти бежьн, гәләк щар һʹәму тьшт баш дәрбаз дьбә, нә кӧ ӧса чаԝа әм дьфькьрин. Дәрһәԛа ве йәке Кʹьтеба Пирозда мәсәләк һатийә дайине: «Тʹова хԝә сьбәһе бьчинә у һʹәта еваре арамийе нәдә дәсте хԝә; жь бәр кӧ тӧйе ньзаньби әв ан әԝ ԝе ԛәнщ бьбьн, ан жи һәр дӧ пʹәврʹа дь йәк дәрәщеда ԝе ԛәнщ бьбьн» (Ԝаиз 11:6).
ЩАБЕД ПЬРСЕД ГЬРИНГ
ПРИНСИПА КʹЬТЕБА ПИРОЗ: «Тӧ шәһрәзайи бьдә . . .пәйвед тә рʹасти нә» (Зәбур 119:144, 160).
ӘВ ЧЬ ТЕ ҺʹӘСАБЕ: Кʹьтеба Пироз щаба ԝан пьрса дьдә, кʹижан кӧ гәләк мәрьв дьдьн. Мәсәлә әв щаба пьрсед ӧса дьдә:
Чьма әм дьне кʹәтьнә?
Чьма әм дьчәрчьрьн?
Чь дьԛәԝьмә паши мьрьне?
Ль ахьрийе чь һивийа мә йә?
Бь милйона мәрьв нав тʹәмамийа дьнйайеда, жийина хԝәда дьһа бәхтәԝар бунә, гава бь Кʹьтеба Пироз щаба ԝан пьрса стандьнә.
ТӦ ЧЬ ДЬКАРИ БЬКИ: Пебьһʹәсә һәла Кʹьтеба Пироз чь һин дькә. Жь Шәʹдед Йаһоԝа бьхԝазә кӧ али тә бькьн Кʹьтеба Пироз фәʹм бьки. Бькʹәвә малпәра мә jw.org, йан жи ԝәрә сәр щьватед мә, кʹижан кӧ бепʹәрә нә у дәри сәва һʹәмуйа вәкьри нә.
ПРИНСИПЕД ДЬН ЖЬ КʹЬТЕБА ПИРОЗ
Бьньһерʹә видео «Чьрʹа Һин бьн Кʹьтеба Пироз?» Әв ль сәр 880 зьмана зедәтьр һәйә
ҺʹӘԜЩЕД ХԜӘЙИ РʹӦҺʹАНИ ТЕДӘРХӘ.
«Бәхтәԝар ьн әԝ, йед кӧ әʹм дькьн һʹәԝщәтийа хԝәйә рʹӧһʹани» (МӘТТА 5:3).
ҺЕ ЗЕДӘ ДӘРҺӘԚА ХԜӘДЕ ПЕБЬҺʹӘСӘ.
«Ԝи бьгәрʹьн . . . бәлки бьп′әлиньн бьбиньн . . . Хԝәде жь мә һәр кәси нә дур ә» (КʹАРЕД ШАНДИЙА 17:27).
КʹЬТЕБА ПИРОЗ БЬХУНӘ У СӘР БЬФЬКЬРӘ.
«Ле зәԝԛа ԝи, тʹьм дь Йасайен [Ԛанунед] Йаһоԝада йәa; бь шәв у рʹож ль сәр Йасайен ԝи кʹур дьфькьрә. . . . У һәр кʹарен кӧ бь кʹар тинә жи баш дьмәшә» (ЗӘБУР 1:2, 3, ДО).
a Йаһоԝа наве Хԝәде йә, дәрһәԛа кʹижани кӧ дь Кʹьтеба Пирозда ньвисар ә.