ДЬНЙА ҺʹАЛӘКИ ГЬРАНДА НӘ

2 | Пʹәрә у Һәбуне Хԝәй кьн

ЧЬМА ӘВ ЙӘК ФӘРЗ Ә

Гәләк мәрьв һәр рʹож зәʹф зәʹмәте дьвиньн, сәва кӧ ԝан тьшта ԛазанщ кьн, чьда әԝана һʹәԝщә нә. Ле йазьх, жь бо проблемед дьнйайе, әв йәк дьһа чәтьн дьбә. Чьрʹа?

Ԝан щийада кʹидәре кӧ шәрʹ-дәʹԝ у ԛәзи дьԛәԝьмьн, һәр тьшт дьһа бьһа дьбә, мәсәлә хԝарьн у хәрщед дәԝләте.
Жь бо кризисе мәрьв хәбата хԝә ӧнда дькьн йан жи һәԛе хәбате кем дьбә.
Ԛәзи дькарьн зийане бьдьнә хәбат, мал у һәбуна мәрьва, жь бо чь жи әԝана кʹәсиб дьбьн.

Тӧ Чь Гәрәке Бьзаньби

Тӧ пʹәре хԝә чьԛас һе рʹаст хәрщ ки, һаԛас һе баш тӧйе бькарьби кризиседа әʹбура хԝә бьки.
Бир нәкә ԝәки ԛимәте пʹәра у һәбуне дькарә ӧнда бә.
Һәнә тьштед ӧса жи, кʹижана кӧ тӧ нькари пе пʹәра бькʹьрʹи, мәсәлә бәхтәԝари у йәктийа малбәте.

Тӧ Чь Дькари Ньһада Бьки

Кʹьтеба Пироз дьбежә: «Ле кʹьнщ у хӧрәке мә һәбьн, бь ԝан әм рʹази бьн» (1 Тимотʹейо 6:8).

«Рʹази бьн» те һʹәсабе гәләк тьшта нәхԝазьн у ша бьн, ԝәки тьштед кӧ мәрʹа лазьм ьн, щәм мә һәнә. Әв йәк илаһи ԝи чахи фәрз ә, гава пʹәре мә һьндьк ә.

Сәва кӧ бь тьштед щәм мә һәнә, рʹази бьн, әм гәрәке һин бьн пʹәра һьндьк хәрщ кьн. Һәрге әм тʹьме пәй тьштед ӧса дькʹәвьн, бона кʹижана мәщала мә тʹӧнә бькʹьрʹьн, әме һʹале хԝә дьһа чәтьн кьн.

ЧА ԚӘԜАТЕ БЬСТИНЬН—Ширәтед Керһати

Сәва кӧ ԝәʹде чәтьнайа бькарьбьн пʹәра у һәбуне хԝәй кьн, ван ширәта һьлдьн һʹәсаб

ХӘРЩЕД ХԜӘ КЕМ КӘ

Хәрщед хԝә кем кә

Пʹәре хԝә сәр тьштед ӧса хәрщ нәкә, чь кӧ тәрʹа зәʹф нәлазьм ьн. Пьрсе бьдә хԝә: «Бе әʹрәбә әз нькарьм йолә һәрʹьм? Әз нькарьм бостанда пʹьнщарʹе у емиша бьчиньм?»
Пешийа кӧ тьштәки бькʹьрʹи, пьрсе бьдә хԝә: «Әз бь рʹасти һʹәԝще ԝи тьшти мә? Һаԛас дәсте мьнда һәйә кӧ фьлан тьшти бькʹьрʹьм?»
Һәрге ԝәлате тәда дәԝләт аликʹарийе дьдә мәрьвед дәсттәнг, әве кʹомәке бьхԝазә.

«Мә тʹәви малбәте шеԝьр кьр дәрһәԛа щурʹе жийина хԝә. Мә һʹәму щурʹә ԝәʹдәдәрбазкьрьнед кӧ пʹәрәти нә, инкʹар кьр. Мә ӧса жи дәстпекьр хԝарьна ӧса чекьн, сәр кʹижана пʹәрә зәʹф хәрщ набә» (Гифт).

ПʹӘРӘ У ХӘРЩ ПЕШДА ҺʹӘСАБ КӘ

Пʹәрә у хәрщ пешда һʹәсаб кә

Кʹьтеба Пироз дьбежә: «Тʹьвдира мәрьве хирәт әʹсә кʹаре тинә, ле һәр кәсе ләз кʹәти әʹсә зьраре тинә» (Мәтʹәлок 21:5). Һәрге тӧ пʹәра у хәрщед хԝә пешда һʹәсаб ки, тӧйе хәрщед зедә нәки.

Пешийе бьньвисә, кӧ тӧйе мәһе чьԛас пʹәрә бьстини.
Паше һʹәсаб кә, кӧ тӧ чьԛас пʹәрә хәрщ дьки у сәр чь хәрщ дьки.
Хьлазийе, хәрщед хԝә у пʹәре кӧ тӧ дьстини, бәрамбәри һәв кә. Һәрге тӧ дьвини кӧ пʹәре тә зедә наминә, һьнге хәрщед хԝәйә нәфәрз кем кә.

«Һәр мәһ әм хԝәрʹа дьньвисьн, кӧ чьԛас пʹәрә дькʹәвә дәсте мә у чьԛас хәрщ дьбә. Әм һьнә пʹәре хԝә бона охьрмед гьран башԛә дькьн у бона хәрщед ахьрийе жи дьфькьрьн. Ӧса әм ида зәʹф хәмгин набьн, чьмки әм пешда заньн кӧ пʹәред хԝә ча хәрщ кьн» (Карлос).

ДӘЙНА НӘКӘ / ПʹӘРА ТʹОП КӘ

Дәйна нәкә / пʹәра тʹоп кә

Сафи кә кӧ чь бьки, сәва кӧ нәкʹәви бьн дәйна. Һәрге те стандьне, ԛә пʹәра дәйни һьлнәдә. Дәԝсе, пʹәра хԝәрʹа тʹоп кә, кӧ бькарьби ԝан тьшта бькʹьрʹи, чьда тӧ һʹәԝщә йи.
Һәр мәһ һьнә пʹәрә хԝәрʹа башԛә дайнә, бона хәрщед хԝәйә ахьрийе у йед кӧ дькарьн ньшкева пешда бен.

ХӘБАТҺʹЬЗ БӘ / ХӘБАТЕ ХԜӘЙ КӘ

Кʹьтеба Пироз дьбежә: «Һәр шьхӧлида кʹар һәйә» (Мәтʹәлок 14:23).

Хәбатһʹьз бә / хәбате хԝәй кә

Һьндава хәбатеда ньһерʹандьна баш хԝәй кә. Һәрге хәбата тә әԝ нинә, кʹижан кӧ тә дьхԝәст, әԝ диса жи али тә дькә, кӧ әʹбура хԝә бьки.
Сәр хԝә бьхәбьтә кӧ хәбатһʹьз би у кӧ мәрьв итʹбарийа хԝә тә биньн. Әв йәк ԝе али тә бькә, ԝәки хәбата хԝә хԝәй ки, у һәрге ӧнда ки жи, тӧйе һеса хԝәрʹа хәбатәкә дьн бьвини.

«Әз һʹәму щурʹә хәбат ԛәбул дькьм у фьрԛи тʹӧнә әв хәбат у һәԛе ԝе мьн хԝәш те йан на. Әз тʹьме бь дьл у щан дьхәбьтьм у хәбата хԝә ӧса баш дькьм, ча бона хԝә» (Дмитри).

Һәрге тӧ хәбате дьгәрʹи . . .

Жь алийе хԝәда һәр тьшти бькә. Дәрһәԛа хәбате мәзьнед хәбатарʹа тʹеле хә, һәрге жи тӧ сәд сәләфи ньзани ԝе хәбате бьдьнә тә йан на. Пьсмам у һәвалед хԝәрʹа бежә, кӧ тӧ хәбате дьгәрʹи.
Хәбате инкʹар нәкә. Дьбә кӧ тӧ хәбатәкә ӧса нәвини, кʹижан кӧ һʹәму алийава тә хԝәш бе.