Чьма Ԛәдьр Кем Буйә Һьндава Мәрьва?

ЧЬМА ФӘРЗ Ә ԚӘДЬР БЬДЬНӘ КʹЬФШЕ ҺЬНДАВА МӘРЬВАДА

• Кʹьтеба Пирозда те готьне: «Щаба нәрм һерсе датинә, ле готьна һʹьшк һерсе рʹадькә» (Мәтʹәлок 15:1). Хәбәрдан йан кьред беԛәдьр агьр һе гӧрʹ дькьн у дьбьнә бәрбь ахьрийа хьраб.

• Иса гот: «Дьл бь чь тʹьжә йә, зьман әве жи дьбежә» (Мәтта 12:34). Хәбәрдана беԛәдьр әʹйан дькә, кӧ әм чь щурʹәйи хԝә дьдьнә кʹьфше һьндава мәрьвед кӧ бь мьләте хԝә, бәрәка хԝә, йан бь щурʹе әʹмьре хԝә жь мә щӧдә дьбьн.

  Ль гора лекʹолина пашьн, йа кӧ 28 ԝәлатада дәрбаз бу, жь 32 000 мәрьва 65 сәләфа готьн, ԝәки һьмбәри бәре ԛәдьр нав мәрьвада иро гәләк кем буйә.

ТӦ ЧЬ ДЬКАРИ БЬКИ

Сәр хәбате йан жи мәкʹтәбеда ԝи чахи жи ԛәдьре мәрьва бьгьрә, һәрге ньһерʹандьна тә жь йа ԝан щӧдә дьбә. Дина хԝә бьдә ԝан тьшта, чьда тӧ дькари тʹәви ԝан рʹази би. Әв йәк ԝе али тә бькә мәрьва сущдар нәки.

Һьндава мәрьвада ӧса бә, чаԝа тӧ дьхԝази ԝәки әԝана һьндава тәда бьн. Һәрге тӧ һьндава мәрьвада һʹәйф у һәԛ би, әԝана жи ԝе һьндава тәда ӧса бьн.

Бьбахшинә мәрьва. Нетед мәрьва нәкә бьн шьке, чьмки дьԛәԝьмә ԝана нәдьхԝәст пе хәбәр йан кьред хԝә дьле тә бешиньн.

ШӘʹДЕД ЙАҺОԜА ЧЬ ДЬКЬН

Шәʹдед Йаһоԝа кʹидәре нибьн жи, ԛәдьр дьдьнә кʹьфше һьндава һʹәму мәрьвед дор-бәре хԝә.

Әм бепʹәрә һинбуна Кʹьтеба Пироз тʹәви һʹәму мәрьва дәрбаз дькьн, ле әм зоре мәрьва накьн кӧ баԝәри йан фькьред ԝан мина йед мә бьн. Дәԝсе, әм ширәта жь Кʹьтеба Пироз дьдьнә хәбате, кӧ мьзгинийа хере «бь хоф у мьлуктийе» бәла дькьн (1 Пәтрус 3:15; 2 Тимотʹейо 2:24).

Әм фьрԛийе накьнә ортʹа мәрьва у ша дьбьн гава мәрьвед жь щурʹә-щурʹә мьләта тенә щьватед мә у дьхԝазьн һе зедә дәрһәԛа Кʹьтеба Пироз һин бьн. Әм «ԛәдьре һʹәмуйа» дьгьрьн у һьндава мәрьвада бь сәбьр ьн (1 Пәтрус 2:17).

Әм ԛәдьре һʹӧкӧмәтийа ԝи ԝәлати дьгьрьн кʹидәре дьжин (Рʹомайи 13:1). Әм гӧрʹа ԛануна дькьн у хәрще дәԝләте дьдьн. Хенщи ве йәке, әм тʹәвнәбуйине хԝәй дькьн у ӧса жи ԛәдьре мафе мәрьва дьгьрьн, йед кӧ бона шьхӧлед политикева гьредайи сафикьрьна дькьн.