ПʹАРА 3
Жь дәркʹәтьна Мьсьре һʹәта пʹадше Исраеле пешьн
Чахе Муса исраелийа жь Мьсьре дәрхьст, әԝи щьмәʹт бьрә бәр бь чʹийайе Синайе. Ль ԝьр Хԝәде ԛануна дьдә ԝан. Пашԝәхтийе Муса 12 мера дьшинә кӧ әԝана әʹрде Кәнане щәʹсусийе бькьн. Пәй вәгәрʹьнера 10 щәʹсуса дәрһәԛа ԝи әʹрди тʹәне хьравийе дьготьн. Чахе исраелийа гьлийе ԝан бьһистьн, ԝана пашда хԝәстьн вәгәрʹийана Мьсьре. Ләма жи Хԝәде сәва кембаԝәрийа исраелийа, 40 сала ԝана дь бәрʹийеда чоле хьст у бь ԝе йәке ԝана щәза кьр.
Ԝәʹдә шунда Хԝәде дь Исраеледа Йешу кьрә сәрԝер. Әԝи гәрәке исраелийа бьвьра әʹрде Кәнане. Йаһоԝа бь гәлә кʹәрәмәта али щьмәʹта хԝә дькьр, сәва кӧ әԝана бькарьбьн ԝи әʹрди бьстиньн. Дәрбәке Хԝәде ӧса кьр кӧ чʹәме Урдӧне һатә сәкьнандьне, диԝаред Әриһайе жи жорда һатьн хԝаре у һурдәхԝәши бун, у тʹәмамийа рʹоже рʹо нәдьчу ава. Паши шәш сала исраели әв әʹрд жь Кәнанийа йәкә стандьн.
Дәстпебуйи жь Йешу 356 сала дь Исраеледа һʹакьм сәрԝерти дькьрьн. Дәрһәԛа һьнә жь ԝан һʹакьма навед кʹижани: Барак, Гидәон, Йефта, Шьмшон, у Самуйел бу, паше әме һе зедә пебьһʹәсьн. Ӧса жи әме дәрһәԛа жьнед ӧса бьхуньн, навед кʹижани Рʹәхаб, Дәбора, Йаел, Рʹутʹ, Наһоми, у Дәлила бу. Дь Пʹара СЬСЙАДА те гьли кьрьне дәрһәԛа 396 сале тʹәрихийа ван мәрийа.