ПʹАРА 1

Ча Әм Дькарьн Гӧһ Бьдьнә Хԝәде?

Хԝәде пе Кʹьтеба Пироз тʹәви мә хәбәр дьдә. 2 Тимотʹейо 3:16

Йаһоԝа жь тʹәхте хԝәйи әʹзмани, рʹӧһʹе хԝәйи пироз дьдә мәрьва кӧ Кʹьтеба Пироз бьньвисьн

Хԝәдайе рʹаст фькьред хԝә бь дәсте мәрьва кʹьтебәкеда ньвисийә. Әв кʹьтеб Кʹьтеба Пироз ә. Ве кʹьтебеда әʹламәтийа фәрз һәйә, йа кӧ Хԝәде дьхԝазә кӧ һәр кәс жь мә бьзаньбә.

Хԝәде жь һʹәмушка билантьр ә, ләма жи тʹәне Әԝ занә чь бона мә һе баш ә. Әԝе кӧ гӧрʹа Хԝәде бькә, биланийа рʹаст ԝе бьстинә (Мәтʹәлок 1:5).

Кʹьтеба Пироз сәр гәләк зьмана; мәрьвәк сәр зьмане хԝә Кʹьтеба Пироз дьхунә

Хԝәде дьхԝазә, кӧ һʹәму мәрьв Кʹьтеба Пироз бьхуньн. Иро әв кʹьтеб сәр гәләк зьмана һәйә.

Һәрге тӧ дьхԝази гӧһ бьди Хԝәде, тӧ гәрәке Кʹьтеба Пироз бьхуни у фәʹм бьки.

Мәрьвед жь һʹәму мьләта гӧһ дьдьнә Хԝәде. Мәтта 28:19

Шәʹдәки Йаһоԝа мәрьвәкирʹа рʹезәк жь Кʹьтеба Пироз дьхунә, у паше Кʹьтеба Пироз тʹәви ԝи һин дьбә

Шәʹдед Йаһоԝа һазьр ьн аликʹарийе бьдьнә тә, ԝәки тӧ Хәбәра Хԝәде һин би у тәрʹа фәʹмдари бә.

Әԝана сәр тʹәмамийа дьнйайе дәрһәԛа Хԝәде рʹастийе һин дькьн.

Әв һинкьрьн бепʹәрә йә. Тӧ һьм жи дькари бей сәр щьвата Шәʹдед Йаһоԝа у дәрһәԛа Хԝәде һин би.