Мьрьна Иса Мәсиһ бона Тә Чь те Һʹәсабе?

Иса мьр, ԝәки әм бькарьбьн бьжин. Йуһʹәнна 3:16

Се рʹож шунда, паши мьрьна Иса, чәнд кʹӧлфәт чубунә бәр тʹьрба ԝи у дитьбун кӧ шкәфтеда кәс тʹӧнә. Йаһоԝа Иса жь мьрийа рʹакьр.

Иса паше шагьртарʹа хӧйа бу.

Йаһоԝа жийина тʹәзә да Иса. Әԝ бу әʹфрине рʹӧһʹанийи гәләк ԛәԝи, йе кӧ тʹӧ щар ԝе нәмьрә. Шагьртед ԝи пе чʹәʹве хԝә дитьн, ча Иса һьлкʹьшийа ль әʹзмен.

Йаһоԝа Иса сах кьр у кьрә Пʹадша Пʹадшатийа хԝәда. Данийел 7:13, 14

Иса әʹмьре хԝә бәрва да, ԝәки мә жь гӧнә аза кә у хьлаз кә (Мәтта 20:28). Бь сайа ве ԛӧрбане, Хԝәде мәщал да мә, ԝәки әм һʹәта-һʹәтайе бьжин.

Йаһоԝа Иса ча пʹадша сәр тʹәмамийа дьнйайе кʹьфш кьр. Тʹәви Иса 144 000 мәрьвед амьн ԝе пʹадшатийе бькьн, йе кӧ сәва әʹмьре ль әʹзмана һатьнә сахкьрьне. Демәк, Пʹадшатийа Йаһоԝада Иса у 144 000 мәрьв ԝе сәрԝертийе бькьн (Әʹйанти 14:1-3).

Пʹадшатийа Хԝәде тʹәмамийа әʹрде ԝе бькә щьнәт. Ԝе нә шәрʹ, нә нәһәԛи, нә бьрʹчибун у нә жи кʹәсиббун һәбә. Мәрьв ԝе бь рʹасти жи бәхтәԝар бьн (Зәбур 145:16).