ПʹАРА 9

Әʹрд Кʹәнге ԝе Бьбә Щьнәт?

Проблемед ве дьнйайе избат дькьн, кӧ Пʹадшатийа Хԝәде зутьрәке ԝе һʹале дьнйайе бьгӧһезә. Луԛа 21:10, 11; 2 Тимотʹейо 3:1-5

Чәтьнайед ван рʹожед хьлазийеда—хӧмарбази, шәрʹ, нәхԝәши, бьрʹчибун, нә гӧрʹа де-бавада, у зорбәти малда

Кʹьтеба Пирозда пешда һатьбу готьне дәрһәԛа ван тьшта кӧ иро дьԛәԝьмьн. Мәсәлә, мәри ԝе бьбьнә пʹәрәһʹәз, рʹьһʹәтиһʹәз, зӧлмкʹар у нә гӧрʹа де-бавада.

Пʹехәмбәртийа дәрһәԛа шәрʹа, әʹрдһʹәжа, бьрʹчибуне у нәхԝәшийед бәлабуйи, иро рʹасти жи те сери.

Шәʹдәки Йаһоԝа мәрьвәкирʹа дәрһәԛа мьзгинийа Пʹадшатийе гьли дькә

Иса ӧса жи гот, кӧ мьзгинийа хере дәрһәԛа Пʹадшатийа Хԝәде сәр тʹәмамийа дьнйайе ԝе бе бәлакьрьне (Мәтта 24:14).

Пʹадшатийа Хԝәде ԝе дьнйайе жь һʹәму зӧлмийе тʹәмьз кә. 2 Пәтрус 3:13

Мәрьвед зӧлм Һармәгәдонеда тенә ԛьрʹкьрьне, паше Шәйтʹан у щьнед ԝи тенә щәзакьрьне

Зутьрәке Йаһоԝа ԝе ԛьрʹа һʹәму мәрьвед нәһәԛ бинә.

Шәйтʹан у щьнед ԝи ԝе бенә диԝанкьрьне у ԝе щәза хԝә бьстиньн.

Иса сәр тʹәхте хԝәйи әʹзмани рʹуньштийә у мәрьвед жь щурʹә-щурʹә мьләта ша дьбьн

Әԝед кӧ гӧһ дьдьнә Хԝәде ԝе хьлаз бьн у дьнйа тʹәзәда бьжин, кʹидәре ԝе ида тьрс у хоф тʹӧнә бә, ле итʹбари у һʹәзкьрьн һәбә.