ПʹАРА 10
Мәрьвед кӧ Гӧрʹа Хԝәде Дькьн, ԝе Чаԝа Бенә Кʹәрәмкьрьне?
Һʹәчʹи зәʹф ԝе жь мьрьне рʹабьн у сәр әʹрде бьжин. Кʹаред Шандийа 24:15
Дә бьдә бәр чʹәʹве хԝә ԝан кʹәрәма, йед кӧ те бьстини һәрге гӧрʹа Хԝәде бьки! Сьһʹәт-ԛәԝата тә ԝе гәләк баш у беԛьсур бә. Тʹӧ кәс ԝе нәбежә, кӧ әз бекʹеф ьм йан жи нәхԝәш ьм. Тӧйе бькарьби итʹбарийа хԝә һʹәму мәрьва бини, чьмки мәрьвед хьраб ида ԝе тʹӧнә бьн.
Нә гьри, нә кӧл у дәрд, нә жи еш-ешук ԝе тʹӧнә бьн. Ида ԝе тʹӧ кәс кал-пир нәбә у нәмьрә.
Мәрьвед тәйи незик ԝе кʹеләка тә бьжин у һәвал жи дор-бәре тә бьн. Жийин Щьнәтеда ԝе гәләк шабуне тәрʹа бинә.
Тьрс у хоф ида ԝе тʹӧнә бә. Мәрьв ԝе бь рʹасти жи бәхтәԝар бьн.