Пʹадшати, йа кö ль сәр Тʹәмамийа Дьнйайе wе Пʹадшатийе Бькә

Һәла тö дькари бежи, әм дәрһәqа кʹижан Пʹадшатийе хәбәр дьдьн?~ Әре, әв Пʹадшатийа Хwәде йә. У әв Пʹадшати wе әʹрде бькә щьнәт. Тö дьхwази дәрһәqа ве Пʹадшатийе һе зедә пебьһʹәси?~

Дь һәр пʹадшатийеда һәйә пʹадша. У пʹадша ль сәр щьмәʹта хwә, әʹрде хwәда пʹадшатийе дькә. Ле тö зани, wәки дь Пʹадшатийа Хwәдеда кʹи йә пʹадша?~ Иса Мәсиһ. Әw ль сәр әʹзмана йә. У зутьрәке әwе ль сәр һʹәмуйа бьбә пʹадша! Ле ча тö дьшьрмиш дьби, чахе Иса ль сәр тʹәмамийа дьнйайе пʹадшатийе бькә, һьнге әме бәхтәwар бьн?~

Бәле, әме гәләк бәхтәwар бьн! Дь щьнәтеда мәри тʹәви һәв wе шәрʹ нәкьн. Һәр кәс wе һәвдö һʹьз бькьн. Тʹö кәс wе ида нәхwәш нәкʹәвә у нә жи бьмьрә. Чʹәʹве кора wе вәбьн, кәр wе бьбьһен. У еwед кö нькарьн рʹе һәрʹьн, wе бькарьбьн рʹе һәрʹьн у бьрʹәвьн. Хwарьна һәр кәси wе тʹер тʹьжә бә. Һʹәйwан wе һәврʹа бьлизьн, у әме жи тʹәви wан бьлизьн. Әw мәри йед кö мьрьнә, wе диса вәгәрʹьн жийине. Те бира тә, жь ве брошуре тә дәрһәqа гәләк мер у жьна пеһʹәсийайи. Мәсәла Рәбәка, Рәхаб, Даwьд у Әлйас. Тö зани wәки әwана жи wе вәгәрʹьн жийине! Ле чахе әwана вәгәрʹьнә жийине, тö дьхwази wана бьвини?~

Йаһоwа тә һʹьз дькә у дьхwазә wәки тö бәхтәwар би. Һәрге тö бәрдәwан ки дәрһәqа Йаһоwа пебьһʹәси у тʹьме гора wи бьки, тöйе бькарьби дь щьнәта бәдәwда һʹәта-һʹәтайе бьжи! Тö дьхwази дь щьнәтеда бьжи?~