Чь гӧман һәйә сәва мьрийа?

1. Чь мьзгини һәйә дәрһәqа мьрийа?

Чахе Иса Мәсиһ ль Бәйтанйайе незики Оршәлиме бу, әw пеһʹәсийа кӧ һәвале wи Лазар ида чар рʹож ә мьри йә. Wи чахи Иса тʹәви хушкед Лазар Мәртʹа у Мәрйәме, чу ль wи щийи кʹидәре кӧ Лазар һатьбу дәфьнкьрьне. Һьнәк wәʹдә шунда ль wи щийи әʹлаләт тʹоп бу. Бьдә бәр чʹәʹве хwә шабуна Мәртʹа у Мәрйәме, чахе Иса Лазар жь мьрьне рʹакьр! Бьхунә Йуһʹәнна 11:21-24, 38-44.

Ль wи чахи Мәртʹайе ида заньбу, кӧ мьзгинийа дәрһәqа мьрийа чь йә. Әwе заньбу кӧ Йаһоwа Хwәде wе мьрийа сах кә, сәва кӧ әwана диса ль сәр әʹрде бьжин. Бьхунә Ибо 14:14, 15.

2. Мьри ль чь һʹалида ньн?

Мәрьв жь аха әʹрде һатийә чекьрьне (Дәстпебун 2:7; 3:19). Паши мьрьне, тьштәк жь мәрийа дәрнакʹәвә у нажи. Чахе мәри дьмьрә, һʹьше wи жи дьмьрә, wе дәме һʹәму нет-фькьред wи дьшьрмишбуна wи, бәтавәдьбьн. Чахе Лазар һатә сахкьрьне, әwи тʹӧ тьшт нәгот кӧ чь тʹәви wи дьqәwьми паши мьрьне, чьмки рʹасти жи чахе мәрьв дьмьрә, әw тʹӧ тьшти тʹәхмин накә у нә жи дькарә дьшьрмиш бә. Бьхунә Зәбур 146:4; Wаиз 9:5, 6, 10.

Гәло әв рʹаст ә кӧ дьбежьн, wәки паши мьрьне Хwәде мәрийа дь агьре щәʹньмеда дьчәрчьринә? Ча әм жь Кʹьтеба Пироз пеһʹәсийан паши мьрьне мәрьв тʹӧ тьшти тʹәхмин накә у нә жи дьшьрмиш дьбә. Ләма жи һинкьрьн дәрһәqа агьре щәʹньме дәрәw ә, бь ве һинкьрьне шәрʹ ль Хwәде те гьликьрьне. Әв һинкьрьн кӧ паши мьрьне мәри дьчәрчьрә, бәр чʹәʹве Хwәде рʹәш ә. Бьхунә Йерәмйа 7:31.

Видео: Мьри Чь Һалида ньн?

3. Гәло мьри рʹасти дькарьн тʹәви мә хәбәр дьн?

Мьри нә дькарьн хәбәр дьн, нә жи бьбьһен (Зәбур 115:17). Ле әм заньн кӧ һьнә мьлйакʹәт мьqабьли Хwәде дәркʹәтьн, у әwана дькарьн хәбәр дьн тʹәви мәрийа у хwә дәwса мьрийед wан дайньн (2 Пәтрус 2:4). Ләма жи Йаһоwа Хwәде изьне надә мәрийа, wәки әwана бьщерʹьбиньн тʹәви мьрийа хәбәр дьн. Бьхунә Qануна Дӧщари 18:10, 11.

4. Кʹи wе бенә сахкьрьне?

Бь гәләк милйона мьри wе бенә рʹакьрьне, сәва кӧ ль сәр әʹрде бьжин. Һәла һе әw мәри жи wе бенә сахкьрьне, йед кӧ Хwәде нас нәдькьрьн у гәләк хьраби жи дькьрьн. Бьхунә Луqа 23:43; Кʹаред Шандийа 24:15.

Йед кӧ жь мьрьне рʹабьн wе мәщале бьстиньн, wәки пебьһʹәсьн рʹастийе дәрһәqа Хwәде, у баwәрийа хwә һьндава Иса Мәсиһ бь гӧһдарикьрьне әʹйан кьн (Әʹйанти 20:11-13). Әw кʹи кӧ жь мьрийа бе рʹакьрьне у тʹәне qәнщийе бькә, wе бькарьбә бьжи ль сәр әʹрде һʹәта-һʹәтайе. Бьхунә Йуһʹәнна 5:28, 29.

5. Жь мьзгинийа дәрһәqа рʹакьрьна мьрийа, әм чь педьһʹәсьн дәрһәqа Хwәде?

Хwәде кӧрʹе хwәйи тайе тʹәне кьрә qӧрбан, у бь сайа ве йәке мьри дькарьн жь мьрьне бенә рʹакьрьне. Әв йәк әʹйан дькә һʹәзкьрьна Хwәде у ӧса жи рʹәʹмтийа wи, йед кӧ әм бь кʹәрәма wи бе һәq дьстиньн. Чахе мьри сах бьн, тӧ дьхwази илаһи кʹе бьбини? Бьхунә Йуһʹәнна 3:16; Рʹомайи 6:23.