Әwе, Дьле Баве Хwә у Йаһоwа Ша кьр

Тö кәчʹьке ль сәр шькьл дьвини?~ Әw qиза мерәки йә, наве кʹижани кö Йәфтаһ ә. Кʹьтеба Пироз набежә дәрһәqа наве ве кәчʹьке, ле әм заньн кö әwе, дьле баве хwә у Йаһоwа ша кьр. Wәре әм дәрһәqа wе у баве wе Йәфтаһ, пебьһʹәсьн.

Йәфтаһ мерәки баш бу у гәләк wәʹдә тʹәви qиза хwә дәрбаз дькьр, сәва кö дәрһәqа Йаһоwа wе һин кә. Йәфтаһ öса жи мерәки qәwи у сәркʹарәки баш бу. Ләма жи Исрайели хwәстьн, wәки әw рʹебәрийа wан бькә сәва кö тʹәви дьжмьна шәрʹ бькьн.

Йәфтаһ Йаһоwарʹа дöа кьр сәва кö әw али wи бькә, wәки шәрʹда алт кә. Йәфтаһ соз дабу Йаһоwа, кö һәрге әw дь ви шәрʹида алт кә, һьнге чахе әw вәгәрʹә мал, wе wи мәрьви пʹешкʹеши Хwәде бькә, йе кö пешийа һʹәмуйа жь мала wи дәркʹәвә у рʹасти wи бе. Әw мәрьве кö пʹешкʹеши Йаһоwа дькьрьн, гәрәке тʹәмамийа әʹмьре хwә дь коне Хwәдеда дәрбаз кьра у бьжита. Кон әw щи бу, кʹидәре кö wәʹде бәре мәрьв Хwәдерʹа qöльх дькьрьн. Ахьрийе Йәфтаһ дь шәрʹда алт кьр! Ле тö зани чахе Йәфтаһ жь шәрʹ вәгәрʹийа мал, кʹи пешийа һʹәмуйа жь мала wи дәркʹәт у рʹасти wи һат?~

Бәле, әв qиза Йәфтаһ бу! Әw зарʹа wийә тайе-тʹәне бу. У бьдә һʹәсабе хwә кö Йәфтаһрʹа ньһа чьqас чәтьн бу, wәки жь qиза хwә бьqәтә. Жь бо ве йәке әw гәләк дьлтәнг бу. Ле те бира тә, wәки әwи ида соз дабу. Һьнге qиза wи готе: ‹Баво, һәрге тә соз дайә Йаһоwа, бьра öса бә›.

Дь конда, qиза Йәфтаһ гәрәке мер нәкьра у зарʹ нәанийа, ләма жь бо ве йәке әw жи дьлтәнг бу. Ле әwе гәләк дьхwәст созе баве хwә бинә сери, у дьле Йаһоwа ша кә. Әв йәк сәва wе һе фәрз бу, нә кö wәки мер кә у зарʹа бинә. Ләма жи әwе мала хwә һишт, у тʹәмамийа әʹмьре хwә дь конда дьжит.

Ча тö дьшьрмиш дьби, чахе qиза Йәфтаһ сафи кьр öса бькә, баве wе у Йаһоwа ша бун?~ Бәле, әwана ша бун. Һәрге тö гöһдар и у Йаһоwа һʹьз дьки, тö дькари мина qиза Йәфтаһ би. Тöйе жи бькарьби дьле де-баве хwә у Йаһоwа, гәләк ша ки.