Щәм Йошийа Һәвалед Баш Һәбун

Ча тö дьшьрмиш дьби, чәтьн ә бьки әw чь кö рʹаст ә?~ Гәләк мәри дьшьрмиш дьбьн, wәки чәтьн ә. Мәсәлә дь Кʹьтеба Пирозда те гьликьрьне дәрһәqа гәдәки, кʹижанирʹа кö гәләк чәтьн бу бькә әw чь кö рʹаст бу. Наве wи Йошийа бу. Ле щәм Йошийа һәвалед баш һәбун. У әwана али wи дькьрьн. Wәре әм һе зедә пебьһʹәсьн дәрһәqа Йошийа у һәвалед wи.

Баве Йошийа, Амон бу. Амон пʹадше Щьһудайе бу. Амон йәки гәләк зöлм бу у сәре хwә бәр пʹута датани. Чахе Амон мьр, кöрʹе wи Йошийа бу пʹадше Щьһудайе. Ле һьнге Йошийа һʹәйшт сали бу! Ча тö дьшьрмиш дьби, Йошийа жи мина баве хwә йәки зöлм бу?~ На, әw йәки öса нибу!

Рʹаст ә Йошийа һе зарʹ бу, ле йәкә әwи дьхwәст гöра Йаһоwа бькә. Ләма жи Йошийа һәвалед öса хwәрʹа дьжбарт, йед кö Йаһоwа һʹьз дькьрьн. Әwана али Йошийа кьрьн, wәки бькә әw чь кö рʹаст бу. Ле гәло һәвалед wи кʹи бун?

Йәк жь wан, Сефанийа бу. Сефанийа пʹехәмбәр бу. У әwи әʹлами мәрьвед Щьһудайе дькьр, wәки сәре хwә бәр пʹута данәйньн, йане на, wе тьштәки хьраб бе сәре wан. Йошийа гöһ да Сефанийа у сәре хwә бәр Йаһоwа датани, нә кö бәр пʹута.

Ле һәвале Йошийа дьн жи, Йерәмийа бу. Йерәмийа у Йошийа, салада wәкә һәв бун. Әwана öса жи незики һәв дьман у тʹәвайи мәзьн дьбун. Бь рʹастийе жи әwана һәвалед гәләк баш бун. Чьмки чахе Йошийа мьр, Йерәмийа кʹьлам сәр wи ньвиси дәрһәqа wе йәке, кö чьqас дьле wи сәр Йошийа дьшәwьтә. Йерәмийа у Йошийа али һәв дькьрьн, wәки бькьн әw чь кö рʹаст бу. Wана öса жи гöра Йаһоwа дькьр.

Чь тö дькари жь Йошийа һин би?~ Рʹаст ә Йошийа һе бьчʹук бу, ле йәкә әwи дьхwәст бькә әw чь кö рʹаст бу. Әwи öса жи заньбу, wәки тʹәви wан мәрийа гәрәке һәвалтийе бькә, йед кö Йаһоwа һʹьз дькьн. Тö жи һәвалед öса хwәрʹа бьжберә, йед кö Йаһоwа һʹьз дькьн у дькарьн али тә бькьн, wәки бьки әw чь кö рʹаст ә!