К′ЬТЕБХАНӘЙА ОНЛАЙН йа Бьрща Qәрәwьлийе
К′ЬТЕБХАНӘЙА ОНЛАЙН
Йа Бьрща Qәрәwьлийе
К′öрди Кöрманщи (Кирили)
ö
  • һ
  • ә
  • w
  • q
  • ö
  • К′ЬТЕБА ПИРОЗ
  • Ә′ДӘБЙӘТ
  • ЩЬВАТ
  • lfb дәрса 55 рʹупʹ. 132
  • Мәләке Йаһоԝа, Һьзԛийа Хԝәй кьр

Дәрһәqа wе йәке т′ö видео т′öнә

Бьбахшиньн, wәʹде вехьстьна видео шаши пешда һат.

  • Мәләке Йаһоԝа, Һьзԛийа Хԝәй кьр
  • Дәрсед ԛимәт жь Хәбәра Хԝәде
  • Т′емед Мина Wе
  • Хԝәде Али Һьзԛийа Пʹадша Дькә
    Сәрһатийед Кʹьтеба Пироз
  • Баwәрийа Һьзqийа Һатә Хәлаткьрьне
    Мина Иса Мәсиһ Бьжин у Хьзмәт кьн—Бәрнама Щьвине (2017)
Дәрсед ԛимәт жь Хәбәра Хԝәде
lfb дәрса 55 рʹупʹ. 132
Мәләк дьчә пешбәри әскәред Ашуре

ДӘРСА 55

Мәләке Йаһоԝа Һьзԛийа Хԝәй кьр

Имперйа Ашуре дәһә бәрәкед Исраеле кьрә бьн дәсте хԝә. Санһәриб, пʹадше Ашуре, ӧса жи дьхԝәст дӧ бәрәкед пʹадшатийа Щьһудайе бькә бьн дәсте хԝә. Әԝи шәһәред Щьһудайе йәк пәй йәке зәфт дькьр. Ле дьһа зәʹф әԝи дьхԝәст Оршәлиме зәфт кә. Ле Санһәриб ньзаньбу дәрһәԛа ԝе йәке, ԝәки чʹәʹве Йаһоԝа сәр Оршәлиме йә.

Һьзԛийа, пʹадше Щьһудайе, гәләк пʹәрә да Санһәриб, ԝәки әԝ дәсте хԝә нәдә Оршәлиме. Рʹаст ә Санһәриб пʹәрә һьлда, ле әԝи диса жи әскәред хԝә дьшанд, ԝәки пешбәри Оршәлиме дәрен. Щьмәʹта Оршәлиме бьн тьрседа бун, чьмки әскәред Ашурʹа һеди-һеди незики Оршәлиме дьбун. Һьнге Һьзԛийа готә ԝан: «Нәтьрсьн. Рʹаст ә, Ашур ԛәԝат ьн, ле Йаһоԝа ԝе мә дьһа ԛәԝат кә».

Санһәриб Рабшак шандә Оршәлиме, ԝәки ԛәрфе хԝә щьмәʹте бькә. Рабшак бәр дәргәһе шәһәр сәкьни бу у бь дәнге бьльнд дьгот: «Йаһоԝа нькарә али ԝә бькә. Нәһельн, ԝәки Һьзԛийа ԝә бьхапинә. Тʹӧ хӧданәк нькарә ԝә жь дәсте мә хьлаз кә».

Һьзԛийа жь Йаһоԝа пьрси чь әԝ гәрәке бькә. Йаһоԝа щаб да у гот: «Хәм нәкә бона готьнед Рабшак. Әзе Оршәлиме нәдьмә дәсте Санһәриб». Паши ԝе йәке, Һьзԛийа нәʹма жь Санһәриб станд. Нәʹмеда ньвиси бу: «Тʹәсмили мьн бьн. Йаһоԝа нькарә ԝә хьлаз кә». Һьзԛийа дӧа дькьр: «Йаһоԝа, лава дькьм, мә хьлаз кә, сәва кӧ һәр кәс бьзаньбә, ԝәки тʹәне тӧ йи Хԝәдайе рʹаст». Йаһоԝа гот: «Пʹадше Ашуре ԝе нәкʹәвә Оршәлиме. Әзе шәһәре хԝә хԝәй кьм».

Сәнһәриб баԝәр бу, ԝәки Оршәлим ԝе бькʹәвә дәсте ԝи. Ле шәвәке Йаһоԝа мәләке хԝә шандә мәйдана әскәра, йед кӧ незики шәһәр щивар бьбун. Әԝи мәләки 185 000 әскәр кӧшт! Сәнһәриб Пʹадша, әскәред хԝәйи ԛәԝи ӧнда кьр. Әԝ бь шәрми вәгәрʹийа мала хԝә. Чаԝа Йаһоԝа соз дабу, ԝәки ԝе Һьзԛийа у Оршәлиме хԝәй кә, әԝи һәма ӧса жи кьр. Һәрге тӧ ԝи чахи Оршәлимеда буйайи, тәйе жи итʹбарийа хԝә Йаһоԝа бьанийа?

«Мьлйакʹәте Хӧдан тʹәви хофкʹешед Ԝи йә, пьшта ԝан дьгьрә у ԝан хьлаз дькә» (Зәбур 34:7).

Пьрс: Чаԝа Йаһоԝа Оршәлим хԝәй кьр? Чаԝа тӧ дьшьрмиш дьби, Йаһоԝа ԝе тә хԝәй кә?

(2 Пʹадшати 17:1-6; 18:13-37; 19:1-37; 2 Дирок 32:1-23).

    Әʹдәбйәтед Кʹӧрди Кӧрманщи (2011-2025)
    Дәрк′әвьн
    Бьк′әвьн
    • К′öрди Кöрманщи (Кирили)
    • Бьшиньн
    • Бьqәйдәкьрьн
    • Copyright © 2025 Watch Tower Bible and Tract Society of Pennsylvania
    • Qәйде Хәбьтандьне
    • Политика Конфиденсийалийе
    • Гöһастьна Конфиденсийалийе
    • JW.ORG
    • Бьк′әвьн
    Шандьн