Пешхәбәра Пʹара 7

Ве пʹареда әме пебьһʹәсьн дәрһәԛа ԝан сәрһатийа, кʹижан кӧ нава 80 салада ԛәԝьми нә. Әԝ ԝе дәрһәԛа ԝи ԝәʹдәйи бә, кʹәнге Шаԝул у Даԝьд Пʹадшатийе дькьрьн. Сәре-серида Шаԝул мәрьвәки мьлук бу у тьрса Хԝәде дьле ԝида бу, ле ԝәʹдәки кьнда әԝ һатә гӧһастьне у нәдьхԝәст гӧһ бьдә рʹебәрийа Йаһоԝа. Ләма жи Йаһоԝа ԝи инкʹар кьр у готә Самуйел, ԝәки Даԝьд кʹьфш кә ча пʹадше тʹәзә Исраеледа. Шаԝул дәстпекьр һʹәвсудийе бькә у ләма жи мәщал дьгәрʹийа, ԝәки Даԝьд бькӧжә. Ле сәва ԝе йәке Даԝьд ԝи нәфрʹәт нәдькьр. Йонатʹан, кӧрʹе Шаԝул, һьндава Даԝьд амьн бу, чьмки заньбу, ԝәки Йаһоԝа ԝи жьбартийә. Даԝьд чәнд гӧне гьран кьр, ле диса жи тʹәмийед Йаһоԝа инкʹар нәдькьр. Һәрге зарʹед ԝә һәнә, али ԝан бькьн фәʹм кьн, ԝәки гәләк фәрз ә гӧрʹа ԝан бькьн, йед кӧ жь Йаһоԝа һатьнә жьбартьне.