ДӘРСА 19

Гәло Шәʹдед Йаһоԝа Мәсиһийед Рʹаст ьн?

Йе Нәшьркьри

Әм Шәʹдед Йаһоԝа баԝәр ьн, кӧ әм Мәсиһийед рʹаст ьн. Чьма? Пебьһʹәсә дәрһәԛа һʹиме һинкьрьнед мә, наве кӧ мә щӧдә дькә, у һʹьзкьрьна кӧ әм һьндава һәвда дьдьнә кʹьфше.

1. Һинкьрьнед Шәʹдед Йаһоԝа сәр һʹиме чь нә?

Иса гот: «Хәбәра [Хԝәде] рʹасти йә» (Йуһʹәнна 17:17). Шәʹдед Йаһоԝа мина Иса тʹьме ль сәр һʹиме Кʹьтеба Пироз һин дькьн. Дина хԝә бьдә тʹәрихийа мәйә модерн. Мәсәлә, сала 1870-да кʹомәкә мәрьва дәстпекьр Кʹьтеба Пироз кʹур леколин кә, ԝәки пебьһʹәсә бь рʹасти әԝ чь һин дькә. Паше ԝана дәстпекьр хԝә ль һинкьрьнед Кʹьтеба Пироз бьгьрьн һәла һе һьнге жи, гава әв йәк жь һинкьрьнед дере щӧдә дьбун. Әԝана чь кӧ педьһʹәсийан, мәрьварʹа гьли дькьрьн.a

2. Әм чьма хԝә нав дькьн Шәʹдед Йаһоԝа?

Йаһоԝа хьзмәткʹаред хԝә һʹәсаб дькә ча шәʹдед хԝә, чьмки әԝана дәрһәԛа Ԝи рʹастийе әʹйан дькьн (Ибрани 11:4–12:1). Мәсәлә, ԝәʹде бәре Хԝәде готә щьмәʹта хԝә: «Һун шәʹдед мьн ьн» (Бьхунә Ишайа 43:10.) Иса те навкьрьне «шәʹде амьн» (Әʹйанти 1:5). Ләма сала 1931-да мә әв нав, демәк Шәʹдед Йаһоԝа, да сәр хԝә. Әм фьрнаԛ дьбьн кӧ әв нав сәр мә йә.

3. Шәʹдед Йаһоԝа чь щурʹәйи чʹәʹв дьдьнә һʹьзкьрьна Иса?

Иса шагьртед хԝә мина нәфәред мала хԝә һʹьз дькьр (Бьхунә Марԛос 3:35.) Анәгори ве йәке, һʹәму Шәʹдед Йаһоԝа нав тʹәмамийа дьнйайе ча малбәтәк ьн у йәктийеда ньн. Ләма жи әм һәвдӧрʹа дьбежьн хушк у бьра (Фьлимон 1, 2). Әм ӧса жи әве тʹәмийе тиньн сери: «Хушк-бьра һʹьз бькьн» (1 Пәтрус 2:17). Шәʹдед Йаһоԝа әве һʹьзкьрьне щурʹә-щурʹә алийада дьдьнә кʹьфше. Мәсәлә, әԝана нав тʹәмамийа дьнйайе аликʹарийе дьдьн хушк-бьред хԝә, йед кӧ һʹәԝщә нә.

КʹУР ЛЕКОЛИН КӘ

Һе зедә пебьһʹәсә дәрһәԛа тʹәрихийа Шәʹдед Йаһоԝа у бьвинә избатийед зедә, ԝәки әм Мәсиһийед рʹаст ьн.

Шькьл: Шәʹдед Йаһоԝа мьзгинийе бәла дькьн. 1. Шәʹде Йаһоԝа тʹәви жьнькәке рʹуньштийә у рʹастийа Кʹьтеба Пироз ле һин дькә. 2. Шәʹде Йаһоԝа бәр стенде мерькәкирʹа рʹастийа Кʹьтеба Пироз гьли дькә. — Һинкьрьнед Мәсиһийед рʹаст сәр һʹиме Кʹьтеба Пироз ьн у дәрһәԛа ве йәке әԝана мәрьварʹа жи гьли дькьн

4. Һинкьрьнед мә сәр һʹиме Кʹьтеба Пироз ьн

Йаһоԝа пешда готьбу, кӧ фәʹмкьрьна мә дәрһәԛа Кʹьтеба Пироз ԝе һе зәлал бә. Бьхунә Данийел 12:4, у паше әве пьрсе шеԝьр кә:

Бь сайа леколина Кʹьтеба Пироз, нав щьмәʹта Хԝәдеда чь гәрәке «зедә» буйа?

Пебьһʹәсә кӧ чаԝа кʹомәкә леколинкʹаред Кʹьтеба Пироз, нава кʹижанида ӧса жи Чарлз Рассел бу, Хәбәра Хԝәде леколин дькьр. Вехә ВИДЕО, у паше әве пьрсе шеԝьр кә:

ВИДЕО: «Ԝана Рʹастийа Кʹьтеба Пироз Дит» (7:45)

Чарлз Рассел у леколинкʹаред дьн чь щурʹәйи Кʹьтеба Пироз леколин дькьрьн?

Ԝә заньбу?

Һеди-һеди һьнә һинкьрьнед Кʹьтеба Пироз дьһатьнә рʹасткьрьне. Чьма? Чаԝа кӧ шәԝԛа тәʹве һеди-һеди дәрте, дьдә сәр щики у әԝ щи рʹонайи дьбә, ӧса жи Хԝәде фәʹмкьрьна мә һьндава рʹастийе һеди-һеди зәлал дькә (Бьхунә Мәтʹәлок 4:18.) Рʹаст ә Кʹьтеба Пироз найе гӧһастьне, ле чахе фәʹмкьрьна мәйә Кʹьтеба Пироз зәлал дьбә, әм ньһерʹандьна хԝә ль гора ве йәке рʹаст дькьн.

5. Әм ль гора ԝи нави дьжин, кʹижан кӧ сәр мә йә

Чьрʹа әм тенә навкьрьне Шәʹдед Йаһоԝа? Вехә ВИДЕО, у паше әве пьрсе шеԝьр кә:

ВИДЕО: «Наве Лайиԛ» (2:40)

Чьма әв нав, демәк Шәʹдед Йаһоԝа, навәки лайиԛ ә?

Чьма Йаһоԝа мәрьв бьжартьн, ԝәки бьбьнә Шәʹдед ԝи? Әԝана рʹастийа дәрһәԛа ԝи әʹйан дькьн, чьмки гәләк дәрәԝ сәр ԝи һатийә готьне. Пебьһʹәсә кӧ һьнәк жь ԝан дәрәԝа кʹижан ьн.

Һьнә религийа һин дькьн, ԝәки Хԝәде дьхԝазә кӧ һʹәбандьнеда шькла бьдьнә хәбате. Ле гәло әԝ йәк рʹаст ә? Бьхунә Ԛануна Кʹаһинтийе 26:1, у паше әве пьрсе шеԝьр кә:

Йаһоԝа ча дьньһерʹә сәр һʹәбандьна бь пʹута у шькла?

Һьнә сәрԝеред религийа һин дькьн кӧ Иса Хԝәде йә. Ле гәло әԝ йәк рʹаст ә? Бьхунә Йуһʹәнна 20:17, у паше ван пьрса шеԝьр кә:

Гәло Хԝәде у Иса йәк ьн?
Ча сәр тә һʹӧкӧм дьбә гава дьфькьри, кӧ Йаһоԝа Шәʹдед хԝә шандийә, ԝәки рʹастийа дәрһәԛа ԝи у Кӧрʹе ԝи гьли кьн?

6. Әм һәвдӧ һʹьз дькьн

Кʹьтеба Пироз Мәсиһийа бәрамбәри пʹаред бәдәне дькә. Бьхунә 1 Корьнтʹи 12:25, 26, у паше ван пьрса шеԝьр кә:

Мәсиһийед рʹаст гәрәке чь бькьн чахе дьвиньн, кӧ баԝәрмәндед ԝан һʹәԝще аликʹарийе нә?
Бь дитьна тә, Шәʹдед Йаһоԝа ча һʹьзкьрьне һьндава һәвда дьдьнә кʹьфше?

Сәр тʹопраха дьнйайе чахе Шәʹдед Йаһоԝа щики дькʹәвьнә ԛәзийе, баԝәрмәндед ԝан жь тʹәмамийа дьнйальке перʹа-перʹа чьԛас дькарьн аликʹарийе дьдьнә ԝан. Дина хԝә бьдә мәсәләке, у вехә ВИДЕО. Паше әве пьрсе шеԝьр кә:

ВИДЕО: «Фьртона ‹Метʹиу› Һаитийеда» (5:29)

Әԝ йәк кӧ Шәʹдед Йаһоԝа бона аликʹарийе һазьр ьн, чь избат дькә?

Шәʹдед Йаһоԝа али де у зарʹе дькьн, йед кӧ кʹәтьнә ԛәзийе. Әԝана ләʹһефе давежьнә сәр ԝан у аве дьдьнә ԝан. — Мәсиһийед рʹаст аликʹарийе дьдьнә ԝан мәрьва, йед кӧ һʹәԝщә нә

ҺЬНӘ МӘРЬВ ДЬБЕЖЬН: «Религийа Шәʹдед Йаһоԝа тʹәзә дәркʹәтийә.»

Йаһоԝа кʹәнгеда хьзмәткʹаред хԝә нав дькә шәʹдед хԝә?

ТʹӘМАМКЬРЬН

Шәʹдед Йаһоԝа Мәсиһийед рʹаст ьн. Әм ча малбәтәкә һʹәмдьнйайе нә. Һинкьрьнед мә сәр һʹиме Кʹьтеба Пироз ьн, у әм дәрһәԛа Йаһоԝа мәрьварʹа рʹастийе гьли дькьн.