Мьри Дькарьн Диса Вәгәрʹьн Жийине!

Мьрьна мәрьвед незик дәрдәки гәләк гьран ә. Ләма жи Кʹьтеба Пирозда те готьне кӧ мьрьн дьжмьне мә йә (1 Корьнтʹи 15:26). Дәрса 27-да әм пеһʹәсийан ԝәки Йаһоԝа ԝе мьрьнә кʹӧта кә. Ле чь ԝе бьԛәԝьмә тʹәви ԝан мәрьва, йед кӧ иди мьрьнә? Ве дәрседа тӧйе пебьһʹәси диса дәрһәԛа созәки Хԝәдейи мәхсус. Йаһоԝа соз дьдә ԝәки ԝе бь милйона мәрьва вәгәрʹинә жийине, ԝәки әԝана һʹәта-һʹәтайе бьжин! Ле гәло әв йәк ԝе бьԛәԝьмә? Әԝана ԝе кʹидәре бьжин, сәр әʹзмана йан сәр әʹрде?

1. Хԝәстьна Йаһоԝа чь йә?

Йаһоԝа гәләк дьхԝазә, ԝәки мьрийа диса вәгәрʹинә жийине. Мәрьве амьн Ибо баԝәр бу кӧ һәрге әԝ бьмьрә, Хԝәде ԝе тʹӧ щар ԝи бир нәкә. Әԝи готә Хԝәде: «Те гази мьн бьки, әзе жи [жь тʹьрбе] щаба тә бьдьм» (Бьхунә Ибо 14:13-15.)

2. Әм жь кʹӧ заньн ԝәки мьри ԝе бенә сахкьрьне?

Чахе Иса сәр әʹрде бу Хԝәде ԛәԝат дабу ԝи, ԝәки мьрийа сах кә. Иса кәчʹькәкә 12 сали у кӧрʹе жьнәбике жь мьрьне рʹакьр (Марԛос 5:41, 42; Луԛа 7:12-15). Ԝәʹдә шунда һәвале Иса Лазар мьр. Рʹаст ә ида чар рʹож бу кӧ әԝ мьрьбу, ле йәкә Иса ԝи вәгәрʹандә жийине. Иса Хԝәдерʹа дӧа кьр у кьрә гази: «Лазар, дәркʹәвә!» у «йе мьри . . . дәркʹәтә дәрва» (Йуһʹәнна 11:43, 44). Бьдә бәр чʹәʹве хԝә, кӧ шабуна һәвал у нәфәред Лазар чьԛас мәзьн бу!

3. Чь һеви һәйә бона мьрийа?

Кʹьтеба Пирозда те готьне кӧ мьри ԝе «жь мьрьне рʹабьн» (Кʹаред Шандийа 24:15). Әԝ мәрьвед кӧ Иса жь мьрьне рʹакьрьбун, нәчунә сәр әʹзмана (Йуһʹәнна 3:13). Иса әԝ мәрьв жь мьрьне рʹакьрьн, ԝәки сәр әʹрде бьжин, у әԝана гәләк ша бун бона ве йәке. Бь ԝи щурʹәйи Иса ԝе зутьрәке бь милйона мәрьва вәгәрʹинә жийине у әԝана ԝе һʹәта-һʹәтайе сәр әʹрде, Щьнәтеда жийинерʹа ша бьн. Әԝи гот кӧ «һʹәмуйед тʹьрбада», һәла һе әԝед кӧ дьбәкә бира тʹӧ кәсида нәманә жи, ԝе жь мьрьне рʹабьн, чьмки бира Хԝәдеда ньн (Йуһʹәнна 5:28, 29).

КʹУР ЛЕКОЛИН КӘ

4. Иса избат кьр кӧ әԝ дькарә мьрийа жь мьрьне рʹакә

Һе зедә пебьһʹәсә, кӧ Иса бона һәвале хԝә Лазар, чь кьр. Бьхунә Йуһʹәнна 11:14, 38-44, у паше ван пьрса шеԝьр кә:

• Әм жь кʹӧ заньн кӧ Лазар бь рʹасти мьри бу? (Бьньһерʹә рʹеза 39.)

• Ча тӧ дьфькьри, һәрге Лазар паши мьрьне бьчуйа сәр әʹзмана, Иса ԝе пашда ԝи вәгәрʹанда сәр әʹрде?

Вехә ВИДЕО.

ВИДЕО: «Иса Лазар Сах Дькә» (1:16)

5. Бь милйона мәрьв ԝе диса вәгәрʹьнә жийине!

Бьхунә Зәбур 37:29, у паше әве пьрсе шеԝьр кә:

• Мәрьвед кӧ жь мьрьне рʹабьн, ԝе кʹидәре бьжин?

Иса ԝе нә тʹәне ԝан мәрьва жь мьрьне рʹакә, йед кӧ Йаһоԝа дьһʹәбандьн, ле ӧса жи гәләк мәрьвед дьн. Бьхунә Кʹаред Шандийа 24:15, у паше әве пьрсе шеԝьр кә:

• Чахе мәрьв жь мьрьне рʹабьн, тӧ гьшка зәʹфтьр кʹе дьхԝази бьвини?

Бьфькьрә дәрһәԛа ԝе йәке: Чаԝа кӧ бав дькарә кӧрʹе хԝә жь хәԝе һʹьшйар кә, ӧса жи Иса дькарә һеса мәрьва жь мьрьне рʹакә

6. Занәбуна дәрһәԛа рʹабуна мьрийа дькарә дьлбинийе у һевийе бьдә тә

Сәрһатийа дәрһәԛа ԛиза Йайиро, дьлбини дайә гәләк мәрьвед дьлшкәсти. Әве сәрһатийе Луԛа 8:40-42, 49-56-да бьхунә.

Иса пешийа кӧ ԛиза Йайиро жь мьрьне рʹакьра, ӧса готә баве ԝе: «Нәтьрсә, тʹәне баԝәр бькә» (Бьньһерʹә рʹеза 50.) Һевийа дәрһәԛа сахкьрьне ча дькарә али тә бькә . . .

• һәрге тә мәрьве хԝәйи незик ӧнда кьрийә?

• һәрге әʹмьре тә бьн хофийеда нә?

Вехә ВИДЕО, у паше әве пьрсе шеԝьр кә:

ВИДЕО: «Чаԝа Созе Хԝәде Дәрһәԛа Рʹабуна Мьрийа Мә Ԛәԝи Дькә?» (3:21)

• Һевийа дәрһәԛа рʹабуна мьрийа ча дьлбини да де-баве Фелисити у әԝана ча ԛәԝи бун?

ТʹӘМАМКЬРЬН

Кʹьтеба Пироз соз дьдә, ԝәки бь милйона мәрьв ԝе жь мьрьне рʹабьн. Йаһоԝа дьхԝазә ԝәки әԝана диса бьжин, ләма әԝи ԛәԝат дайә Иса, сәва кӧ ԝана жь мьрьне рʹакә.

Ԝәкʹьландьн

• Нета Йаһоԝа у Иса һьндава мәрьвед мьри чь йә? Шьровәкә

• Мәрьвед кӧ жь мьрьне рʹабьн ԝе кʹидәре бьжин, сәр әʹзмана йан сәр әʹрде? Шьровәкә.

• Чь тә дьдә баԝәркьрьне, ԝәки мьри ԝе диса рʹабьн?

ҺЕ ЗЕДӘ ПЕБЬҺʹӘСӘ

Пебьһʹәсә тӧ чь дькари бьки, ԝәки бәр дәрде хԝә тәйах ки.

«Аликʹари бона Ԝан, йед кӧ Мәрьвед Хԝә Ӧнда Кьрьнә» («Һʹьшйар Бьн!» № 3, 2018)

Гәло принсипед Кʹьтеба Пироз дькарьн али мәрьвед дьлшкәсти бькьн?

«Ча Тәйах кьн Бәр Дәрде Мьрьна Мәрьве Незик» (5:06)

Зарʹ ча дькарьн тәйах кьн бәр дәрде мьрьна мәрьвед хԝәйә незик?

«Ԛӧрбанбуна Иса Мәсиһ» (2:07)

Гәло кәсәк ԝе бона жийина сәр әʹзмана бе сахкьрьне? Кʹи ԝе нәйе сахкьрьне?

«Рʹабуна Мьрийа Чь Те Һʹәсабе?» (Готара жь малпәре)