ДӘРСА 37
Кʹьтеба Пироз Дәрһәԛа Хәбате у Пʹәра Чь Дьбежә?
Ԛә тӧ рʹасти чәтьнайед ӧса һати, кӧ хәбатева йан пʹәрава гьредайи бунә? Дькарә чәтьн бә һьм бона һʹәԝщед хԝә хәм бьки, һьм жи Йаһоԝарʹа ӧса хьзмәт ки, чаԝа кӧ әԝ һежа йә. Сәва ԝе йәке Кʹьтеба Пироз ширәтед керһати дьдә, кʹижан кӧ дькарьн али тә бькьн.
1. Кʹьтеба Пироз дәрһәԛа хәбате чь дьбежә?
Хԝәде дьхԝазә әм жь хәбата хԝә ләзәте бьвиньн. Кʹьтеба Пироз дьбежә: «Жь бо мәрьва . . . шакьрьна щани йа бь кʹәде четьр тьштәк тʹӧнә» (Ԝаиз 2:24, ИМ). Йаһоԝа гәләк хәбатһʹьз ә. Чахе әм чʹәʹв дьдьнә Йаһоԝа у бь дьл у щан дьхәбьтьн, ӧса әм дьле ԝи ша дькьн у хԝәха жи шабуне дьстиньн.
Хәбат фәрз ә. Ле әм гәрәке нәһельн, ԝәки хәбат жь хьзмәтийа Йаһоԝарʹа, фәрзтьр бә (Йуһʹәнна 6:27). Йаһоԝа соз дьдә кӧ һәрге әм әʹмьре хԝәда хьзмәтийе дайньн щийе пешьн, әԝе бона һʹәԝщед мә хәм бькә.
2. Ньһерʹандьна мә сәр пʹәра гәрәке ча бә?
Рʹаст ә Кʹьтеба Пироз дьбежә, ԝәки «пʹәрә дьпарезьн», ле әԝ ӧса жи дьбежә ԝәки пʹәрә нькарә бь тʹәмами мә бәхтәԝар кә (Ԝаиз 7:12). Хәбәра Хԝәде ӧса мә һелан дькә: «Дәстед ԝәда чьԛас һәйә, рʹази бьн» (Бьхунә Ибрани 13:5.) Чахе әм рʹази нә бь ван тьшта, чь кӧ бал мә һәнә, һьнге әм аза дьбьн жь ве хәмгинийе, кӧ тьштәки мә кем ә у гәрәке һе зедә ԛазанч кьн. Һьм жи әм накʹәвьнә бьн дәйна (Мәтʹәлок 22:7). Ӧса жи әм хԝә дур дьгьрьн жь листькед хӧмаре, у жь хәбата ӧса, кӧ бе щәфа гәләк пʹәра ԛазанщ кьн, жь бо чь жи әм дькарьн бькʹәвьнә нава проблема.
3. Ча рʹаст пʹәра бьдьнә хәбате?
Йаһоԝа Хԝәдайе мәрʹд ә, у әм жи дькарьн чʹәʹв бьдьнә ԝи һәрге «мәрʹд бьн у пʹарәвәкьрьнерʹа жи һазьр» бьн (1 Тимотʹейо 6:18). Әм һьнге дькарьн пʹәра рʹаст бьдьнә хәбате, гава пьштгьрийа щьвате дькьн у аликʹарийе дьдьнә мәрьвед кӧ һʹәԝщә нә, илаһи баԝәрмәндед хԝә. Бона Йаһоԝа гәләк фәрз ә нә кӧ әм чьԛас дьдьн, ле бь чь дьли дьдьн. Чахе әм бь мәрʹданийе у жь дьл дьдьн, әм һьм хԝәха бәхтәԝар дьбьн, һьм жи дьле Йаһоԝа ша дькьн (Бьхунә Кʹаред Шандийа 20:35.)
КʹУР ЛЕКОЛИН КӘ
Пебьһʹәсә кӧ ча әм дькарьн ньһерʹандьна рʹаст һьндава хәбате хԝәй кьн у ча хәбата хԝәрʹа рʹази бьн.
4. Пе хәбата хԝә Йаһоԝа рʹумәт кә
Достийа мә тʹәви Йаһоԝа гәрәке сәр ньһерʹандьна мәйә һьндава хәбате һʹӧкӧм бә. Вехә ВИДЕО, у паше ван пьрса шеԝьр кә:
Чь тә хԝәш һат жь ньһерʹандьн у рʹабун-рʹуньштьна Щейсон һьндава хәбата ԝи?
Әԝи чь кьр, ԝәки хәбат жийина ԝида щийе пешьн нәгьрә?
Бьхунә Колоси 3:23, 24, у паше әве пьрсе шеԝьр кә:
Чьрʹа фәрз ә кӧ ньһерʹандьна мә һьндава хәбате, рʹаст бә?
Фәрз ә бьхәбьтьн. Ле әм гәрәке нәһельн, ԝәки бона мә хәбат жь хьзмәтийа Йаһоԝарʹа, фәрзтьр бә
5. Ньһерʹандьна рʹаст кʹаре тинә
Гәләк мәрьв дьхԝазьн чьԛас дькарьн, пʹәра зәʹф ԛазанщ кьн. Ле Кʹьтеба Пироз ширәтәкә дьн дьдә. Бьхунә 1 Тимотʹейо 6:6-8, у паше әве пьрсе шеԝьр кә:
Кʹьтеба Пироз мә бәрбь чь һелан дькә?
Һәрге жи дәсте мәда зәʹф тʹӧнә, йәкә әм дькарьн бәхтәԝар бьн. Вехә ВИДЕО, у паше әве пьрсе шеԝьр кә:
Рʹаст ә әԝ малбәт дәсттәнг ьн, ле йәкә чь ԝана бәхтәԝар дькә?
Ле чь бькьн һәрге әм дәсттәнг ниньн, ле диса жи дьхԝазьн һе зедә пʹәра ԛазанщ кьн? Иса мәсәләк ани жь кʹижани һатә кʹьфше, ԝәки әв йәк чьԛас хоф ә. Бьхунә Луԛа 12:15-21, у паше әве пьрсе шеԝьр кә:
Мәсәла Иса тә чь һин дькә? (Бьньһерʹә рʹеза 15.)
Бьхунә у бәрамбәри һәв кә Мәтʹәлок 10:22 у 1 Тимотʹейо 6:10, у паше ван пьрса шеԝьр кә:
Тӧ ча дьфькьри, чь дьһа фәрз ә, достийа мә тʹәви Йаһоԝа йан ԛазанщкьрьна гәләк пʹәра? Шьровәкә.
Ԛазанщкьрьна гәләк пʹәра чь проблема дькарә пәй хԝә бинә?
6. Йаһоԝа ԝе бона һʹәԝщед мә хәм бькә
Чәтьнайед кӧ хәбатева йан пʹәрава гьредайи нә, дькарьн баԝәрийа мә һьндава Йаһоԝада сьст кьн. Вехә ВИДЕО кӧ пебьһʹәси ԝәки ԝәʹде ԝан чәтьнайа тӧ чь дькари бьки, у паше ван пьрса шеԝьр кә:
Ча жь видеойе һатә кʹьфше, бьра рʹасти чь чәтьнайа һат?
Әԝи ча чәтьнайед хԝә сафи кьр?
Бьхунә Мәтта 6:25-34, у паше әве пьрсе шеԝьр кә:
Йаһоԝа чь соз дьдә ԝан мәрийа, кʹижан кӧ әʹмьре хԝәда Ԝи датиньн щийе пешьн?
ҺЬНӘ МӘРЬВ ДЬБЕЖЬН: «Әз гәрәке гәләк бьхәбьтьм, ԝәки әʹбура малбәта хԝә бькьм, ләма жи әз нькарьм һәр һʹәфти һәрʹьмә щьвата.»
Кʹижан рʹез тә дьдә баԝәркьрьне, кӧ чахе хьзмәткьрьна Йаһоԝарʹа әʹмьре хԝәда дьди щийе пешьн, әв тʹьме сафикьрьнәкә һәрә баш ә?
ТʹӘМАМКЬРЬН
Хәбат у пʹәрә фәрз ьн, ле әв тʹӧ щар гәрәке мә жь хьзмәткьрьна Йаһоԝарʹа дур нәхьн.
Ԝәкʹьландьн
Чь дькарә али тә бькә, ԝәки һьндава хәбате ньһерʹандьна рʹаст хԝәй ки?
Ньһерʹандьна рʹаст чь кʹаре тәрʹа тинә?
Тӧ ча дькари баԝәрийа хԝә һьндава созе Йаһоԝа бьди кʹьфше, ԝәки ԝе бона щьмәʹта хԝә хәм бькә?
ҺЕ ЗЕДӘ ПЕБЬҺʹӘСӘ
Пебьһʹәсә һәла ль гора Кʹьтеба Пироз пʹәрә канийа хьрабийе йә, йан на.
«Гәло Пʹәрә Канийа Һәр Щурʹә Хьрабийе йә?» (Готара жь малпәре)
Пебьһʹәсә әм ча гәрәке пʹәра бьдьнә хәбате, ԝәки Хԝәде хԝәш бе.
«Кʹьтеба Пироз Дәрһәԛа Мәрʹданийе Чь Дьбежә?» (Готара жь малпәре)
Гәло хӧмарбази зийане тинә?
«Ньһерʹандьна Кʹьтеба Пироз; Хӧмарбази» («Һʹьшйар Бьн!», Адар, 2015)
Пебьһʹәсә кӧ чь али мәрьвәки кьр, ԝәки тʹәрка хӧмарбазийе у ԛачахтийе бьдә.
«Мьн Гәләк Ләщед Һәспа Һʹьз Дькьр» («Бьрща Ԛәрәԝьлийе», 1 Мьждаре, 2011)