К′ЬТЕБХАНӘЙА ОНЛАЙН йа Бьрща Qәрәwьлийе
К′ЬТЕБХАНӘЙА ОНЛАЙН
Йа Бьрща Qәрәwьлийе
К′öрди Кöрманщи (Кирили)
ö
  • һ
  • ә
  • w
  • q
  • ö
  • К′ЬТЕБА ПИРОЗ
  • Ә′ДӘБЙӘТ
  • ЩЬВАТ
  • ijwbq готар 166
  • Гәло Пʹәрә Канийа Һәр Щурʹә Хьрабийе йә?

Дәрһәqа wе йәке т′ö видео т′öнә

Бьбахшиньн, wәʹде вехьстьна видео шаши пешда һат.

  • Гәло Пʹәрә Канийа Һәр Щурʹә Хьрабийе йә?
  • Пьрсед Кʹьтеба Пирозва Гьредайи
  • Бьнсәри
  • Т′емед Мина Wе
  • Щаба Кʹьтеба Пироз
  • Кʹьтеба Пироз дәрһәԛа пʹәра чь дьбежә?
  • Чьма Кʹьтеба Пироз дьбежә, ԝәки пʹәрәһʹьз нибьн?
  • Жь ширәтед Кʹьтеба Пироз пʹәрава гьредайи, әм чь кʹаре дькарьн бьстиньн?
  • Чаԝа Рʹаст Пʹәра Хәрщ кьн
    Малбәта ԝә Дькарә Бәхтәԝар бә!
  • Кʹьтеба Пироз Дәрһәԛа Хәбате у Пʹәра Чь Дьбежә?
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз
Пьрсед Кʹьтеба Пирозва Гьредайи
ijwbq готар 166
Мерәк бь тьмайе дәсте хԝә давежә пʹәра.

Гәло, Пʹәрә Канийа Һәр Щурʹә Хьрабийе йә?

Щаба Кʹьтеба Пироз

Һәмьки на. Кʹьтеба Пироз набежә, ԝәки пʹәрә хьраб ә у һʹәсаб накә, кӧ һʹәму тьштед хьраб рʹуйе пʹәрада пешда тен. Әв гьли-готьна кӧ мәрьв дьдьнә хәбате «пʹәрә канийа һәр щурʹә хьрабийе йә», бь тʹәмами сәр һʹиме Кʹьтеба Пироз нинә у дьхальфинә. Бь рʹасти Кʹьтеба Пироз дьбежә: «Пʹәрәһʹьзи каникә һәр щурʹә хьрабийе йә» (1 Тимотʹейо 6:10).

  • Кʹьтеба Пироз дәрһәԛа пʹәра чь дьбежә?

  • Чьма Кʹьтеба Пироз дьбежә, ԝәки пʹәрәһʹьз нибьн?

  • Жь ширәтед Кʹьтеба Пироз пʹәрава гьредайи, әм чь кʹаре дькарьн бьстиньн?

  • Рʹезед Кʹьтеба Пироз дәрһәԛа пʹәра

Кʹьтеба Пироз дәрһәԛа пʹәра чь дьбежә?

Кʹьтеба Пироз дьбежә, кӧ һәрге бь билани пʹәра бьдьнә хәбате, әв дькарә кʹаре бинә у мә хԝәй кә жи (Ԝаиз 7:12). Хенщи ве йәке Кʹьтеба Пироз пʹайе ԝан мәрьва дьдә, кʹи кӧ һьндава мәрьвед дьн мәрʹд ә у пе пʹәра кʹомәке дьдә ԝан (Мәтʹәлок 11:25).

Ӧса жи Кʹьтеба Пироз дьбежә, кӧ һʹьш-аԛьле хԝә нәдьнә сәр ве йәке, ԝәки тʹәне пʹәра ԛазанщ кьн. Әв дьбежә: «Пʹәрәһʹьзи бьра нава жийина ԝәда щи нәгьрә у дәстед ԝәда чьԛас һәйә, рʹази бьн» (Ибрани 13:5). Демәк әм гәрәке бь билани пʹәра хәрщ кьн у пәй һәбуке нәкʹәвьн. Дәԝсе әм гәрәке рʹази бьн бь ван тьшта чь кӧ жийина мәда фәрз ьн, мәсәлә кʹьнщ у хӧрәк (1 Тимотʹейо 6:8).

Чьма Кʹьтеба Пироз дьбежә, ԝәки пʹәрәһʹьз нибьн?

Мәрьвед тьма ԝе әʹмьре һʹәта-һʹәтайе ԝар нәбьн (Әфәси 5:5). Мәʹник әв ә, ԝәки тьмайи бәрамбәри пʹутпʹарстийе дьбә (Колоси 3:5). Мәʹнийа дьн әв ә, кӧ чахе мәрьве тьма пәй хԝәстьнед хԝә дькʹәвә, әԝ гәләк щар принсипед Хԝәде найнә сери. Мәтʹәлок 28:20 дьбежә: «Йе дьләзинә дәԝләти бә, бе бәла наминә». Мәрьвед пʹәрәһʹьз дәстпедькьн ԛачахтийе бькьн, мәрьва дьшелиньн, мәрьва дьдьзьн у пʹәра жь мәрьвед ԝан дьчʹопиньн у һәла һе мәрьва дькӧжьн жи.

Дьбәкә жи мәрьвед пʹәрәһʹьз кьред ви щурʹәйи хьраб нәкьн, ле йәкә әв дькарә бәр бь кьред нәрʹаст бьбә. Кʹьтеба Пироз дьбежә: «Әԝед кӧ дьхԝазьн дәԝләти бьн, тенә щерʹьбандьне, дькʹәвьнә тʹәләка у гәләк тәмед ахмах у зийанкʹар» (1 Тимотʹейо 6:9).

Жь ширәтед Кʹьтеба Пироз пʹәрава гьредайи, әм чь кʹаре дькарьн бьстиньн?

Һәрге әм жь бо пʹәра мьԛабьли нормед Хԝәде дәрнакʹәвьн, исафа мә ԝе тʹәмьз бә у Хԝәде жи ԝе жь мә рʹази бә. Әԝ мәрьвед кӧ һәр тьшти дькьн, ԝәки дьле Хԝәде ша кьн, Хԝәде соз дьдә ԝан: «Әзе тʹӧ щар жь тә нәчьм у тʹӧ щар тә бәрʹнадьм» (Ибрани 13:5, 6). Әԝ дәрһәԛа мәрьвед ӧса дьбежә: «Әԝ мәрьв амьн ә, хԝәйе хер у бәрәк›әт ә» (Мәтʹәлок 28:20).

Рʹезед Кʹьтеба Пироз Дәрһәԛа Пʹәра

Ԝаиз 7:12: «Пʹәрә дьпарезьн, ДТʹ».

Әв чь те һʹәсабе: Һәрге әм бь билани пʹәра бьдьн хәбате, әв дькарьн кʹаре мәрʹа биньн у мә бьпарезьн.

Луԛа 12:15: «Әʹмьре инсен һәбука ԝива гьредайи нинә».

Әв чь те һʹәсабе: Пʹәрә әʹмьре мәда тьштәки лапә фәрз нинә, у әв нькарә мә хьлаз кә.

1 Тимотʹейо 6:10: «Пʹәрәһʹьзи каникә һәр щурʹә хьрабийе йә. Һьнәка хԝә данә ԝе, жь баԝәрийе хальфин у хԝә кьрьнә хԝәйе кӧл у дәрда».

Әв чь те һʹәсабе: Тьштәк хьраб пʹәрада тʹӧнәйә, ле чахе мәрьв дьбә пʹәрәһʹьз, тʹьме пәй пʹәра дькʹәвә, әԝ дьбә хԝәйе кӧл-дәрда, малбәта хԝә ӧнда дькә у сьһʹәт-ԛәԝата хԝә жи хьраб дькә.

Ибрани 13:5: «Пʹәрәһʹьзи бьра нава жийина ԝәда щи нәгьрә у дәстед ԝәда чьԛас һәйә, рʹази бьн».

Әв чь те һʹәсабе: Дәԝса кӧ пәй пʹәра кʹәвьн, дьһа билани йә бь ван тьшта рʹази бьн, чь кӧ бал мә һәнә.

Мәтта 19:24: «Дәвә ԝе ԛӧла дәрзийерʹа һе рʹьһʹәт дәрбаз бә, нә кӧ дәԝләти бькʹәвә Пʹадшатийа Хԝәде».

Әв чь те һʹәсабе: Иса хорте щаһьл у дәԝләти тʹәглиф кьр, кӧ пәй ԝи һәрʹә. Әԝ ԛайил нәбу, чьмки һәбуна хԝә гәләк һʹьз дькьр. Ләма жи Иса гот, ԝәки әԝе кӧ жийина хԝәда һәбуне датинә сәр щийе пешийе, нә кӧ Пʹадшатийа Хԝәде, дькарә әʹмьре һʹәта-һʹәтайе ӧнда кә.

    Әʹдәбйәтед Кʹӧрди Кӧрманщи (2011-2025)
    Дәрк′әвьн
    Бьк′әвьн
    • К′öрди Кöрманщи (Кирили)
    • Бьшиньн
    • Бьqәйдәкьрьн
    • Copyright © 2025 Watch Tower Bible and Tract Society of Pennsylvania
    • Qәйде Хәбьтандьне
    • Политика Конфиденсийалийе
    • Гöһастьна Конфиденсийалийе
    • JW.ORG
    • Бьк′әвьн
    Шандьн