ДӘРСА 45
Чь Те Һʹәсабе Тʹәвнәбуйине Хԝәй Кьн
Иса гот кӧ пәйчуйед ԝи гәрәке «нә пʹара дьнйайе» бьн (Йуһʹәнна 15:19). Әв те һʹәсабе, ԝәки тʹәви шьхӧлед политике у шәрʹа нәбьн. Бь рʹасти һәргав һеса нинә тʹәвнәбуйине хԝәй кьн, чьмки щарна жь бо ве йәке мәрьв дькарьн ԛәрфе хԝә мә бькьн. Гәло әм ча дькарьн тʹәвнәбуйине хԝәй кьн, һьм жи Йаһоԝа Хԝәдерʹа амьн бьминьн?
1. Ньһерʹандьна Мәсиһийед рʹаст сәр сәрԝертийа мәрьва чь щурʹәйи йә?
Мәсиһи ԛәдьре сәрԝертийе дьгьрьн. Әм ӧса дькьн чаԝа кӧ Иса гот: «Йед Ԛәйсәр ьн бьдьнә Ԛәйсәр». Демәк әм ԛанунед дәԝләте тиньн сери, мәсәлә хәрще дәԝләте дьдьн (Марԛос 12:17). Кʹьтеба Пироз дьбежә, ԝәки мәрьв сәрԝертийе дькьн, чьмки Йаһоԝа изьне дьдә (Рʹомайи 13:1). Ләма жи әм фәʹм дькьн, ԝәки сәрԝертийа мәрьва синоркьри йә у нагьһижә һʹӧкӧмәтийа Йаһоԝа. Һевийа мә тʹәне сәр Хԝәде у сәр Пʹадшатийа ԝийә әʹзмани йә, кʹижан кӧ ԝе проблемед инсанәте сафи кә.
2. Әм ча дькарьн бьдьнә кʹьфше, кӧ тʹәвнәбуйине хԝәй дькьн?
Мина Иса әм жи накʹәвьнә нав шьхӧлед политикайе. Чахе мәрьва кʹәрәмәтәкә Иса дит у хԝәстьн ԝи хԝәрʹа бькьн пʹадша, әԝ рʹази нәбу (Йуһʹәнна 6:15). Гәло чьма? Иса гот: «Пʹадшатийа мьн нә жь ве дьнйайе йә» (Йуһʹәнна 18:36). Әм жи ча шагьртед Иса, тʹәвнәбуйине хԝәй дькьн. Мәсәлә, әм начьн шәрʹ (Бьхунә Миха 4:3.) Рʹаст ә әм ԛәдьре симболед мьләтийе дьгьрьн, мәсәлә бәйрәԛе, ле әм һʹӧрмәте надьне (1 Йуһʹәнна 5:21). Әм нә жи пьшта кәсәки дьгьрьн, йе кӧ мьԛабьли партийәкә политике йан жи әндәмед ԝе йә. Ԝан дәрәщада ӧса жи дәрәщед дьнда әм дьдьнә кʹьфше, ԝәки бь тʹәмами Пʹадшатийа Хԝәдерʹа амьн ьн.
КʹУР ЛЕКОЛИН КӘ
Пебьһʹәсә дәрһәԛа һьнә дәрәща, кʹидәре кӧ дькарә чәтьн бә тʹәвнәбуйине хԝәй ки, у бьвинә ԝәки тӧ ча дькари сафикьрьнед ӧса бьки, кӧ дьле Йаһоԝа ша ки.
3. Мәсиһийед рʹаст тʹәвнәбуйине хԝәй дькьн
Иса у шагьртед ԝи бона мә мәсәлә нә. Бьхунә Рʹомайи 13:1, 5-7 у 1 Пәтрус 2:13, 14. Паше, вехә ВИДЕО, у ван пьрса шеԝьр кә:
Чьма әм гәрәке ԛәдьре сәрԝертийа мәрьва бьгьрьн?
Кʹижан һьнә дәрәщада әм гӧрʹа сәрԝертийа мәрьвада ньн?
Ԝәʹде шәрʹ һьнә ԝәлат хԝә ӧса дьдьнә кʹьфше, йанчь тʹәвнәбуйине хԝәй дькьн, ле хԝәха пьштгьрийа һәрд алийа жи дькьн. Гәло бь рʹасти чь те һʹәсабе тʹәвнәбуйине хԝәй кьн? Бьхунә Йуһʹәнна 17:16. Паше, вехә ВИДЕО у әве пьрсе шеԝьр кә:
Чь те һʹәсабе тʹәвнәбуйине хԝәй кьн?
Тӧйе чь бьки, һәрге һʹӧкӧмәти жь тә дәʹԝа дькә, кӧ тьштәки ӧса бьки, чь кӧ мьԛабьли ԛануна Хԝәде йә? Бьхунә Кʹаред Шандийа 5:28, 29. Паше, вехә ВИДЕО у ван пьрса шеԝьр кә:
Һәрге ԛануна дәԝләте мьԛабьли ԛануна Хԝәде нә, һьнге тӧйе гӧрʹа ԛануна кʹе бьки?
Кʹижан дәрәщада, Мәсиһи дькарә гӧрʹа һʹӧкӧмәтийа дәԝләте нәкә?
4. Фькьр у рʹабун-рʹуньштьна хԝәда тʹәвнәбуйине хԝәй кә
Бьхунә 1 Йуһʹәнна 5:21. Паше, вехә ВИДЕО у ван пьрса шеԝьр кә:
Ча жь видеойе һатә кʹьфше, чьма Айенге нәхԝәст бьбә әндәме партийәкә политике, у нә жи тʹәви шьхӧлед ԝан бу, мәсәлә һӧрмәт нәда бәйрәԛе?
Ча тӧ дьфькьри сафикьрьна ԝи рʹаст бу йан на?
Кʹижан дәрәщед дьнда дькарә тʹәвнәбуйина мә бе щерʹьбандьне? Вехә ВИДЕО, у паше ван пьрса шеԝьр кә:
Әм ча дькарьн тʹәвнәбуйине хԝәй кьн, чахе листькед спортед һʹәмдьнйайе дьньһерʹьн, гава әԝана һәврʹа дькʹәвьнә ләще?
Әм ча дькарьн тʹәвнәбуйине хԝәй кьн, чахе сафикьрьнед мәрьвед политикайе, сәр мә һʹӧкӧм дькьн?
Чаԝа дәнг-бәʹс у мәрьвед дәр-дор дькарьн сәр тʹәвнәбуйина мә һʹӧкӧм кьн?
Кʹижан дәрәщада Мәсиһи гәрәке пе фькьр у рʹабун-рʹуньштьна хԝә тʹәвнәбуйине хԝәй кә?
ДЬБӘКӘ ҺЬНӘ МӘРЬВ ПЬРСӘКӘ ӦСА БЬДЬН: «Тӧ чьма һӧрмәте нади бәйраԛе у нә жи гимне дьстьрейи?»
Тӧйе ча щаба хԝә бьди?
ТʹӘМАМКЬРЬН
Мәсиһи һʹәму тьшти дькьн, ԝәки бь фькьр, зар-зьман у кьред хԝә, пьштгьрийа политике нәкьн.
Ԝәкʹьландьн
Әм чьда бәр дәԝләте борщдар ьн?
Әм чьма тʹәвнәбуйине хԝәй дькьн?
Кʹижан дәрәщада тʹәвнәбуйина мә дькарә бе щерʹьбандьне?
ҺЕ ЗЕДӘ ПЕБЬҺʹӘСӘ
Дьбәкә мәрʹа чь лазьм бә бькьн, сәва кӧ тʹәвнәбуйине хԝәй кьн?
Малбәт ча дькарьн пешда хԝә һазьр кьн, сәва кӧ тʹәвнәбуйине хԝәй кьн, гава бькʹәвьнә щерʹьбандьна?
Әм чьрʹа дькарьн бежьн, кӧ парастьна ԝәлат, һӧрмәтәкә лапә мәзьн нинә кӧ мәрьв дькарә ԛазанщ кә? Ле тьштәки дьһа фәрз һәйә.
Пебьһʹәсә, кӧ әм ча дькарьн нәбьнә пʹара «ве дьнйайе», гава сафикьрьнед хәбатева гьредайи дькьн.
«Һәр Кәсе Хӧрща Хԝә Һьлгьрә» («Бьрща Ԛәрәԝьлийе», 15 Адаре, 2006)