Тӧ Ча Дькари бь Зар-Зьмане Хԝә Дьле Йаһоԝа Ша ки?

Чахе Йаһоԝа әм әʹфьрандьн, әԝи пʹешкʹешәкә ԛимәт да мә. Әв һәйә фәрәсәте хәбәрдане. Гәло Йаһоԝарʹа йәкә, әм әве пʹешкʹеше ча дьдьнә хәбате? Һәмьки на! (Бьхунә Аԛуб 1:26.) Ле әм ча дькарьн ԝи фәрәсәти ӧса бьдьнә хәбате, кӧ дьле Йаһоԝа ша кьн?

1. Әм пʹешкʹеша хәбәрдане ча дькарьн бьдьнә хәбате?

Кʹьтеба Пироз дьбежә: «Дьл бьдьнә һәв у аликʹарийа һәвдӧ бькьн» (1 Тʹесалоники 5:11). Дькари бини бира хԝә ԝан һьнә мәрийа, йед кӧ һʹәԝще һеланкьрьне нә? Тӧ чь дькари бьки, кӧ әԝана хԝә дьһа баш тʹәхмин кьн? Ԝана бьдә баԝәркьрьне, ԝәки тӧ бона ԝан хәм дьки. Мәсәлә, тӧ дькари ԝанарʹа бежи, ԝәки чь нав ԝанда ԛимәт дьки. Дькари рʹезәкә ӧса бини бира хԝә, кʹижан кӧ ԝи мәрьви ԝе һелан кә? Гәләк рʹез һәнә, жь кʹижана кӧ тӧ дькари бьжбери ԝәки бьди хәбате. Бир нәкә, кӧ щурʹе хәбәрдана тә дькарә гәләк сәр мәрьва һʹӧкӧм бә. Ләма жи, тʹьме ԛәԝате бьдә хәбате, сәва кӧ бь мәʹрифәти у нәрм хәбәр ди (Мәтʹәлок 15:1).

2. Әм гәрәке хԝә жь хәбәрдана чь щурʹәйи дур бьгьрьн?

Кʹьтеба Пироз дьбежә: «Тʹӧ щар бьра жь дәве ԝә хәбәрәкә хьраб дәрнәйе» (Бьхунә Әфәси 4:29.) Әв йәк те һʹәсабе, ԝәки әм гьлийе хьраб гәрәке нәдьнә хәбате у нә жи тьштед ӧса бежьн, чь кӧ дькарьн дьле кәсәки бешиньн. Әм ӧса жи гәрәке хԝә жь гәвәстийе у бӧхданбежийе дур бьгьрьн (Бьхунә Мәтʹәлок 16:28.)

3. Чь ԝе али мә бькә, кӧ бь хәбәрдана хԝә мәрийа һелан кьн?

Гәләк щар пе хәбәрдана мә әʹйан дьбә, ԝәки бь рʹасти чь дьле мәда нә у әм дәрһәԛа чь дьфькьрьн (Луԛа 6:45). Ләма жи әм гәрәке сәр хԝә бьхәбьтьн, кӧ дина хԝә бьдьн тьштед позитив, мәсәлә чь кӧ бь һәԛийе йә, бь һʹәлалийе йә, бь хԝәшийе йә, у чь кӧ лайиԛи пәсьндайине йә (Филипи 4:8). Сәва кӧ әм бькарьбьн дина хԝә бьдьнә ԝан тьшта, гәрәке бь билани хԝәрʹа ԝәʹдәдәрбазкьрьн у һәвала бьжберьн (Мәтʹәлок 13:20). Пешийа кӧ тьштәки бежьн, лазьм ә бьфькьрьн, әме чь бежьн, ча бежьн у гьлийе мә ԝе ча сәр мәрийа һʹӧкӧм бә. Кʹьтеба Пироз дьбежә: «Һьнәк бь хәбәра мина шур мерьв бьриндар дькьн, ле зьмане сәрԝахта дәрмане дьла йә» (Мәтʹәлок 12:18).

КʹУР ЛЕКОЛИН КӘ

4. Хәбәрдана хԝә контрол кә

Щарна әм тьштед ӧса дьбежьн, кӧ паше пʹошман дьбьн (Аԛуб 3:2). Бьхунә Галати 5:22, 23, у паше ван пьрса шеԝьр кә:

• Тӧ сәва кʹижан хәйсәт-һʹӧнӧра дьхԝази дӧа бьки, йед кӧ ԝе али тә бькьн хәбәрдана хԝә контрол ки? Әв хәйсәт-һʹӧнӧр ча дькарьн али тә бькьн?

Бьхунә 1 Корьнтʹи 15:33, у паше әве пьрсе шеԝьр кә:

• Чаԝа һәвал у ԝәʹдәдәрбазкьрьнед тә дькарьн сәр щурʹе хәбәрдана тә һʹӧкӧм кьн?

Бьхунә Ԝаиз 3:1, 7, у паше әве пьрсе шеԝьр кә:

• Чьма ԝе бь билани бә, кӧ хԝә кәрʹ ки у һивийа ԝәʹдәки баш би, сәва кӧ тьштәки бежи?

5. Дәрһәԛа мәрьва баш хәбәр дә

ВИДЕО: «Бьра Хәбәрдана Ԝә Ԛәнщ у Керһати бә» (4:07)

• Ча жь видеойе һатә кʹьфше, чьрʹа бьрак һелан бу, кӧ щурʹе хәбәрдана хԝәйә дәрһәԛа мәрьва, бьгӧһезә?

• Әԝи чь кьр, кӧ бе гӧһастьне?

Бьхунә Ԝаиз 7:16, у паше әве пьрсе шеԝьр кә:

• Әм чь гәрәке биньн бира хԝә, чахе дәрһәԛа кәсәки дьхԝазьн хьраб хәбәр дьн?

Бьхунә Ԝаиз 7:21, 22, у паше әве пьрсе шеԝьр кә:

• Әв рʹез ча дькарьн али тә бькьн ԝәки һерс нәкʹәви, гава педьһʹәси кӧ кәсәк дәрһәԛа тә хьраб хәбәр дьдә?

6. Нәфәред мала хԝәрʹа ширьн хәбәр дә

ВИДЕО: «Һʹьзкьрьн у Ԛәдьргьртьн, Йәктийа Малбәте Хԝәй Дькә» (3:08)

• Чь ԝе али тә бькә, кӧ нәфәред мала хԝәрʹа, ширьн хәбәр ди?

Бьхунә Әфәси 4:31, 32, у паше әве пьрсе шеԝьр кә:

• Хәбәрдана чь щурʹәйи дькарә малбәте гәш кә?

Йаһоԝа һәстед хԝә һьндава кӧрʹе хԝә Иса, әʹйан кьр. Бьхунә Мәтта 17:5, у паше әве пьрсе шеԝьр кә:

• Чаԝа тӧ дькари ве йәкеда чʹәʹв бьди Йаһоԝа, кӧ чь щурʹәйи тʹәви малбәта хԝә хәбәр ди?

ТʹӘМАМКЬРЬН

Гьлийе мә дькарьн дьле мәрьва йан ԛәнщ кьн, йан жи бьриндар кьн. Ләма жи әм гәрәке рʹьнд бьфькьрьн, кӧ әме чь бежьн, чь чах бежьн, у ча бежьн?

Ԝәкʹьландьн

• Кʹижан һьнә дәрәщада тӧ дькари бь хәбәрдана хԝә, али мәрийа бьки?

• Тӧ дьхԝази хԝә жь кʹижан щурʹе хәбәрдане дур бьгьри?

• Чь дькарә али мә бькә, ԝәки хәбәрдана мә тʹьме бь һәԛи у ширьн бә?

ҺЕ ЗЕДӘ ПЕБЬҺʹӘСӘ

Чь дькарә али мә бькә, кӧ хәбәрдана мә позитив бә?

«‹Зьмане Сәрԝахта› Нав Хԝәда Пешда Биньн» (8:04)

Пебьһʹәсә, кӧ чь дькарә али тә бькә, кӧ хԝә жь хәбәрдана хьраб дур бьгьри.

«Чʹерʹкьрьн Чьрʹа Хьраб ә?» (Готара жь малпәре)

Бьньһерʹә, кӧ тӧ чь дькари бьки, ԝәки жь гәвәстийе дур би?

«Гәвәсти Чаԝа Бьдьнә Сәкьнандьне?» (2:36)

Пебьһʹәсә, кӧ чаԝа Йаһоԝа али мәрьвәки кьр, ԝәки зьмане хԝә контрол кә у чʹерʹа нәкә.

«Мьн Дәстпекьр Кʹур Бьфькьрьм кӧ Әз Чьрʹа Дьжим» («Бьрща Ԛәрәԝьлийе», 1 Тʹәбахе, 2013)