Пьштгьрийа Щьвате Бькә

Нав тʹәмамийа дьнйайеда, бь милйона мәрьв дьл-әшԛ бь һʹәзара щьватада Йаһоԝа дьһʹәбиньн. Әԝана рʹази нә бона ван рʹебәрийа йед кӧ дьстиньн, у бь дьл у щан щурʹә-щурʹә аликʹари дьдьнә щьвате. Тӧ жи ӧса ни һьндава щьвата хԝәда?

1. Чаԝа тӧ дькари пе ԝәʹде хԝә у ԛәԝата хԝә пьштгьрийа щьвате бьки?

Һәр кәс жь мә дькарә щьватеда аликʹарийе бьдә. Мәсәлә, дьԛәԝьмә һьнә хушк-бьред щьвате әʹмьрда мәзьн ьн йан жи сьһʹәт-ԛәԝатеда сьст ьн. Тӧ дькари али ԝан бьки кӧ тʹәви хԝә бьви щьвате? Йан жи тӧ дькари щурʹәки майин али ԝан бьки, мәсәлә бона ԝан һәрʹи дькʹане, йан жи мала ԝан бьди һәв? (Бьхунә Аԛуб 1:27.) Әм ӧса жи дькарьн бь рʹәзәдьли пьштгьрийа Ода Щьвате бькьн, ԝәки тʹәмьз хԝәй кьн у мьԛат бьн. Тʹӧ кәс зоре накә сәр мә, кӧ ван тьшта бькьн. Һʹьзкьрьна мәйә һьндава Хԝәде у хушк-бьре мә, мә һелан дькә ԝәки «бь рʹәзәдьли» аликʹарийе бьдьн (Зәбур 110:3).

Хьзмәткʹаред ньхӧманди дькарьн бь щурʹә-щурʹә тьшта пьштгьрийа щьвате бькьн. Бьред кӧ бь дәʹԝакьрьнед Кʹьтеба Пироз рʹебәри дьбьн, дькарьн ча бәрдәстийе щьвате хьзмәт кьн у ԝәʹдә шунда жи ча рʹуспи. Чаԝа хушк ӧса жи бьра дькарьн ча пешәнг хьзмәт кьн, у бь хирәт пьштгьрийа шьхӧле бәлакьрьна мьзгинийе бькьн. Һьнә хьзмәткʹаред дьн жи дькарьн аликʹарийе бьдьн бона авакьрьна щийе һʹәбандьна мә, йан жи дәрбази ԝан щийа бьн кʹидәре кӧ щьват һʹәԝще аликʹарийе нә.

2. Әм чаԝа дькарьн пе пʹәра пьштгьрийа щьвате бькьн?

Әм дькарьн бь «һәбука хԝәва ԛәдьре Хӧдан» бьгьрьн (Мәтʹәлок 3:9). Бона мә ԛәдьрәки мәзьн ә, кӧ әм дькарьн пе пʹәра у тьштед дьн пьштгьрийа щьвата хԝә бькьн, ӧса жи нав тʹәмамийа дьнйайеда пьштгьрийа шьхӧле бәлакьрьна мьзгинийе бькьн (Бьхунә 2 Корьнтʹи 9:7.) Пе ԛӧрбанкьрьнед хԝә әм ӧса жи дькарьн пьштгьрийа ԝан хушк-бьра бькьн, йед кӧ жь бо хәзәба зьраре кʹәтьнә. Мәсәлә гәләк жь хушк-бьра һьнә пʹәрә паш дьхьн сәва кӧ һәртʹьм ԛӧрбана бьдьн (Бьхунә 1 Корьнтʹи 16:2.) Әм чахе пʹәра ԛӧрбан дькьн, әм дькарьн бавежьнә ԛӧтʹийед кӧ щийе һʹәбандьна мәда ньн, йан жи бь онлайн сәр малпәра donate.jw.org ԛӧрбана бькьн. Бь ԝи щурʹәйи Йаһоԝа мәщале дьдә мә, кӧ әм һʹьзкьрьна хԝә һьндава ԝида бь һәбука хԝә бьдьнә кʹьфше.

КʹУР ЛЕКОЛИН КӘ

3. Әм дькарьн тьштед хԝәйә материали бьдьнә хәбате

Йаһоԝа у Иса ԝан мәрийа һʹьз дькьн, йед кӧ дәствәкьри нә у бь дьл ԛәнщийе дькьн. Мәсәлә, Иса пʹайе жьнәбике да, кʹижан кӧ кʹәсиб бу, ле диса жи Йаһоԝарʹа ԛӧрбан дьда. Бьхунә Луԛа 21:1-4, у паше ван пьрса шеԝьр кә:

• Гәло әʹсәйи йә гәләк пʹәра ԛӧрбан кьн, сәва Йаһоԝа хԝәш бен?

• Йаһоԝа у Иса ча дьньһерьн сәр ԛӧрбанед мәйә бь дьл у щан?

Сәва пебьһʹәси кӧ ча ԛӧрбанед мә тенә хәбьтандьне, вехә ВИДЕО, у паше әве пьрсе шеԝьр кә:

ВИДЕО: «Пʹешкʹеша Мә сәва Йаһоԝа» (4:47)

• Тʹәмамийа дьнйайеда ԛӧрбанед мә бона кʹара щьвата, ча тенә хәбьтандьне?

4. Әм дькарьн бь рʹәзәдьли аликʹарийе бьдьн

Ԝәʹде бәре хьзмәткʹаред Йаһоԝа бь хирәт һәр тьшт дькьрьн, сәва кӧ мьԛати щийед хԝәйә һʹәбандьне бьн. Нә кӧ тʹәне ԛӧрбанкьрьна пʹәра дькʹәтьнә нава ве йәке, ле һе зедә тьшт. Бьхунә 2 Дирок 34:9-11, у паше әве пьрсе шеԝьр кә:

• Исраелийа чь дькьрьн, ԝәки мьԛати мала Йаһоԝа бьн, демәк щийе һʹәбандьне?

Сәва кӧ пебьһʹәси чаԝа Шәʹдед Йаһоԝа чʹәʹв дьдьнә Исраелийа, вехә ВИДЕО, у паше ван пьрса шеԝьр кә:

ВИДЕО: «Мьԛати Щийед Һʹәбандьна Хԝә Дьбьн» (3:31)

• Чьрʹа фәрз ә Ода Щьвате тʹәмьз хԝәй кьн у мьԛат бьн?

• Тӧ чь щурʹәйи дькари аликʹарийе бьди?

5. Бьра дькарьн нете дайньн пешийа хԝә, ԝәки һе зедә щабдарийа һьлдьн сәр хԝә

Ньвисаред Пироз бьра һелан дькә нете дайньн пешийа хԝә, ԝәки чьԛас дькарьн, пьштгьрийа щьвате бькьн. Сәва кӧ дәрһәԛа ве йәке һе зедә пебьһʹәси, вехә ВИДЕО, у паше щаба ве пьрсе бьдә:

ВИДЕО: «Бьра, Хԝә ль Шьхӧләки Ԛәнщ Дьгьртьн» (5:19)

• Чаԝа жь видеойе һатә кʹьфше, Рийан чь кьр, ԝәки бь тʹәмами пьштгьрийа щьвате бькә?

Кʹьтеба Пироз шьровәдькә кӧ чь те дәʹԝакьрьне жь ԝан бьра, йед кӧ ча бәрдәстийед щьвате у рʹуспи хьзмәт дькьн? Бьхунә 1 Тимотʹейо 3:1-13, у паше ван пьрса шеԝьр кә:

• Чь те дәʹԝакьрьне жь ԝан бьра, йед кӧ дьхԝазьн ча бәрдәстийед щьвате у рʹуспи хьзмәт кьн?

• Жь нәфәред ԝан чь те дәʹԝакьрьне? (Бьньһерʹә рʹеза 4 у 11.)

• Щьват чь кʹаре дьстинә, чахе бьра хԝә ль ԝан дәʹԝакьрьна дьгьрьн?

ТʹӘМАМКЬРЬН

Йаһоԝа гәләк ԛимәт дькә чахе әм чьԛас дькарьн, бь ԝәʹде хԝә, ԛәԝата хԝә у бь тьштед хԝәйә материали пьштгьрийа щьвате дькьн.

Ԝәкʹьландьн

• Әм ча дькарьн ԝәʹдә у ԛәԝата хԝә бьдьнә хәбате, ԝәки пьштгьрийа щьвате бькьн?

• Әм ча дькарьн бь тьштед материали пьштгьрийа щьвате бькьн?

• Тӧ чь щурʹәйи дьхԝази пьштгьрийа щьвате бьки?

ҺЕ ЗЕДӘ ПЕБЬҺʹӘСӘ

Пебьһʹәсә кӧ Хԝәде чьрʹа жь хьзмәткʹаред хԝә ида дәһәка дәʹԝа накә.

«Кʹьтеба Пироз Дәрһәԛа Дәһәка Чь Дьбежә?» (Готара жь малпәре)

Кʹьтеба Пироз һьнә щабдарийа дьдә бьред ньхӧманди. Ле хушкед ньхӧманди гәрәке чь бькьн, чахе лазьм ә, ԝәки әԝана ван щабдарийа биньн сери?

«Сәре Щьвате Мәсиһ ә» («Бьрща Ԛәрәԝьлийе», 15 Чьлә, 2021)

Пебьһʹәсә кӧ һьнә бьра чь зәʹмәта дьвиньн, сәва кӧ әʹдәбйәта бьгьһиньн баԝәрмәндед хԝә.

«Әʹдәбйәтед кӧ сәр Һʹиме Кʹьтеба Пироз ьн, Дьгьһижьнә Һʹәта Конгойе» (4:25)

Пебьһʹәсә кӧ хәрщед шьхӧле мә ча тенә дадане у ве йәкеда әм жь религийед дьн ча щӧдә дьбьн.

«Чаԝа Хәрщед Шьхӧле Шәʹдед Йаһоԝа Тенә Дадане?» (Готара жь малпәре)