Бәрдәԝам кә Достийа Хԝә Тʹәви Йаһоԝа Ԛәԝи кә

Бь сайа һинбуна ве кʹьтебе, тӧ гәләк тьшт дәрһәԛа Йаһоԝа пеһʹәсийайи. Һьм жи һʹьзкьрьна тә һьндава Йаһоԝада дьһа ԛәԝи бу, чь кӧ тӧ һелан кьри, ԝәки хԝә тʹәсмили ԝи бьки у бейи ньхӧмандьне. Һәрге жи на, дьбә кӧ тӧ ида дәрһәԛа ве йәке дьфькьри. Ле һәмьки паши ньхӧмандьне жи, тӧйе бәрдәԝам ки дьһа незики Йаһоԝа би, чьмки әв йәк һʹәта-һʹәтайе дькʹьшинә. Чь щурʹәйи?

1. Тӧ чьма гәрәке бәрдәԝам ки достийа хԝә тʹәви Йаһоԝа ԛәԝи ки?

Әм гәрәке ԛәԝате бьдьнә хәбате, сәва кӧ диса жи достийа хԝә тʹәви Йаһоԝа һе ԛәԝи кьн. Ле чьма? Сәва кӧ әм «нәхальфьн» (Ибрани 2:1). Чь дькарә али мә бькә, кӧ бәрдәԝам бькьн бь амьни Йаһоԝарʹа хьзмәт бькьн? Әм дькарьн бәлакьрьна мьзгинийеда дьһа хирәт бьн у мәщала бьвиньн, ԝәки һе зедә Хԝәдайе хԝәрʹа хьзмәт кьн (Бьхунә Филипи 3:16.) Тʹӧ тьшт бәрамбәри хьзмәткьрьна Йаһоԝарʹа набә! (Зәбур 84:10)

2. Тӧ диса чь гәрәке бәрдәԝам ки бьки?

Рʹаст ә тӧ курса һинкьрьна Кʹьтеба Пироз ида хьлаз дьки, ле жийина тәйә Мәсиһити диса жи бәрдәԝам дьбә. Кʹьтеба Пироз дьбежә, ԝәки әм «мәрьве ну ль сәр хԝә ԝәргьрьн» (Әфәси 4:23, 24). Чьԛас тӧ бәрдәԝам ки Хәбәра Хԝәде леколин ки у бейи сәр щьвата, һаԛас һе зедә тӧйе гәләк тьштед тʹәзә дәрһәԛа Йаһоԝа у һʹӧнӧред ԝи пебьһʹәси. Бьфькьрә кӧ тӧ жийина хԝәда ча дькари һе рʹьнд чʹәʹв бьди Йаһоԝа. Гӧһастьна нав хԝәда бькә, кӧ дьле Йаһоԝа ша ки.

3. Йаһоԝа ԝе ча али тә бькә, ԝәки бәрдәԝам ки рʹӧһʹанида пешда һәрʹи?

Кʹьтеба Пироз дәрһәԛа Хԝәде ӧса дьбежә: «Ԝе хԝәха ԝә кʹамьл кә, бьшьдинә, ԛәԝат кә, хԝәйибьнгәһ кә» (1 Пәтрус 5:10). Һәр кәс жь мә те щерʹьбандьне. Ле Йаһоԝа али мә дькә, кӧ нава ԝан щерʹьбандьнада ԛәԝи бьсәкьньн (Зәбур 139:23, 24). Әԝ соз дьдә, ԝәки һьм хԝәстьн һьм жи ԛәԝате бьдә ԝә, кӧ бькарьбьн бь амьни ԝирʹа хьзмәт кьн (Бьхунә Филипи 2:13.)

КʹУР ЛЕКОЛИН КӘ

4. Бәрдәԝам кә тʹәви Досте хԝәйи лапи баш хәбәр дәу гӧһ бьдә ԝи

Дӧа у һинбуна Кʹьтеба Пироз али тә кьрьн, ԝәки незики Йаһоԝа би. Ле әв дӧ тьшт ча дькарьн али тә бькьн, ԝәки бәрдәԝам ки һе зедә незики Ԝи би?

Бьхунә Зәбур 62:8, у паше әве пьрсе шеԝьр кә:

• Тӧ ча дькари дӧайед хԝә һе баш ки, сәва кӧ достийа хԝә тʹәви Йаһоԝа дьһа ԛәԝи ки?

Бьхунә Зәбур 1:2, у паше әве пьрсе шеԝьр кә:

• Тӧ ча дькари хԝәндьна хԝәйә Кʹьтеба Пироз һе баш ки, сәва кӧ достийа хԝә тʹәви Йаһоԝа дьһа ԛәԝи ки?

Тӧ чь дькари бьки, сәва кӧ һинбуна тәйә шәхси дьһа зәʹф кʹаре бьдә тә? Сәва кӧ һе зедә дәрһәԛа ве йәке пебьһʹәси, вехә ВИДЕО, у паше ван пьрса шеԝьр кә:

ВИДЕО: «Һинбуна Шәхсида Пешда Һәрʹьн» (5:22)

• Чаԝа кӧ видеойеда һатә кʹьфше, тӧ кʹижан жь ԝан метода дьхԝази бьди хәбате?

• Тӧ кʹижан пьрса дьхԝази леколин ки?

5. Нетед рʹӧһʹани дайнә пешийа хԝә

Нетед рʹӧһʹани ԝе али тә бькьн, ԝәки рʹӧһʹанида дьһа пешда һәрʹи. Вехә ВИДЕО, у паше әве пьрсе шеԝьр кә:

ВИДЕО: «Әʹмьрәки Лапи Баш» (3:31)

• Камерон жь нетед хԝәйә рʹӧһʹани чь кʹар станд?

Һәмьки һʹәму кәс нькарьн дәрбази ԝәлате дьн бьн, кӧ мьзгинийе бәла кьн. Ле чь жи һәбә, әм дькарьн нетед ӧса дайньн пешийа хԝә, кӧ бькарьбьн биньн сери. Бьхунә Мәтʹәлок 21:5, у паше бьфькьрә, кӧ кʹижан нета дьхԝази дайни пешийа хԝә . . .

• щьватеда

• хьзмәтеда

Принсипа ве рʹезе ча дькарә али тә бькә, кӧ бьгьһижи нетед хԝә?

Дькари нетед ӧса дайни пешийа хԝә:

• Дӧайед хԝә һе баш кә.

• Кʹьтеба Пироз бь тʹәмами бьхунә.

• Щьватеда тʹәви һәр кәси бьбә нас.

• Һинбуна Кʹьтеба Пироз тʹәви кәсәки дәстпекә.

• Ча пешәнге ԝәʹдәлу йан пешәнге һәртʹьм хьзмәт кә.

• Һәрге тӧ бьра йи, нете дайнә пешийа хԝә кӧ бьби бәрдәстийе щьвате.

ТʹӘМАМКЬРЬН

Бәрдәԝам кә достийа хԝә тʹәви Йаһоԝа ԛәԝи кә у нетед рʹӧһʹани дайнә пешийа хԝә. Һьнге тӧйе жийинерʹа һʹәта-һʹәтайе ша би!

Ԝәкʹьландьн

• Тӧ чьма дькари баԝәр би, кӧ Йаһоԝа ԝе али тә бькә, ԝәки бь амьни ԝирʹа хьзмәт ки?

• Тӧ ча дькари достийа хԝә тʹәви Йаһоԝа ԛәԝи ки?

• Ча нетед рʹӧһʹани дькарьн али тә бькьн, ԝәки рʹӧһʹанида пешда һәрʹи?

ҺЕ ЗЕДӘ ПЕБЬҺʹӘСӘ

Йаһоԝа чь дьһа ԛимәт дькә, ве йәке кӧ әм тʹәне щарәке пьрсәкә фәрзда амьнийа хԝә ԝирʹа избат дькьн, йан гава нава тʹәмамийа жийина хԝәда ԝирʹа амьн дьминьн?

«Мина Бьраһим Амьн бә» (9:20)

Һәла һе хьзмәткʹаред Йаһоԝайи амьн жи дькарьн шабуна хԝә ӧнда кьн. Пебьһʹәсә, кӧ әм ча дькарьн шабуна хԝә вәгәрʹиньн.

«Бь Сайа Һинбуне у Фькьрандьне, Шабун Диса Кʹәтә Дьле Мьн» (5:25)

Тӧ ча дькари нетед рʹӧһʹани дайни пешийа хԝә у бьгьһижи ԝан нета?

«Бь Нетед Хԝәйә Рʹӧһʹани Әʹфьрандар Рʹумәт кә» («Бьрща Ԛәрәԝьлийе», 15 Тирмәһе, 2004)

Чьма фәрз ә, кӧ әм рʹӧһʹанида гьһишти бьн, у бона ве йәке тӧ чь дькари бьки?

«Рʹӧһʹанида Пешда Һәрʹьн; Рʹожа Йаһоԝа Незик ә» («Бьрща Ԛәрәԝьлийе», 15 Гӧлане, 2009)