ШАГЬРТА ҺАЗЬР КЬН
ДӘРСА 11
Һеса Һин кьн
Принсип: «Һәгәр бь зьмен хәбәрәкә фәʹмдари нәбежьн, ԝе чаԝа бьзаньбьн һун чь дьбежьн?» (1 Корн. 14:9).
Мәсәла Иса
1. Бьньһерʹьн ВИДЕО, йан жи бьхуньн Мәтта 6:25-27. Паше ван пьрса шеԝьр кьн:
а. Иса чаԝа бь мәсәла да кʹьфше, ԝәки Йаһоԝа бона мә хәм дькә?
б. Рʹаст ә, Иса гәләк тьшт дәрһәԛа чʹьвика заньбу, ле әԝи дина хԝә да кʹижан тьштед һур? Чьрʹа әв метода һинкьрьне, баш бу?
Әм жь Иса Чь Һин Дьбьн?
2. Һәрге әм бь щурʹе һеса мәрьва һин кьн, мәрьв ԝе бира хԝәда хԝәй кьн, чь кӧ әм ԝана һин дькьн у әв йәк ԝе дьле ԝан бьгьрә.
Чʹәʹв Бьдьнә Иса
3. Гәләк хәбәр нәдьн. Дәԝса кӧ һун һәр тьшти чь кӧ дәрһәԛа ве тʹемайе заньн, бежьн, дьһа баш ә ве йәке шеԝьр кьн, чь кӧ дәрседа те готьне. Гава һун пьрсе дьдьнә шагьрте хԝә, бь сәбьр һивийе бьн һʹәта кӧ әԝ щаба хԝә бьдә. Һәрге әԝ щаба пьрсе ньзанә, йан жи щабәкә ӧса дьдә йа кӧ нә ль гора Кʹьтеба Пироз ә, ԝи чахи пьрсед зедә бьдьне, ԝәки әԝ мәʹна ве йәке фәʹм бькә. Чахе әԝ ве фькьре фәʹм бькә, дәрсе бәрдәԝам кьн.
4. Али шагьрте хԝә бькьн, ԝәки әԝ тьштед тʹәзә тʹәви ве йәке гьре дә, чь кӧ ида занә. Мәсәлә, пешийа кӧ тʹәви ԝи дәрса дәрһәԛа сахкьрьна мьрийа дәстпекьн, ԝе баш бә ԝәки һун кьн дина хԝә бьдьнә ве йәке, чь кӧ әԝ ида дәрһәԛа һʹале мьрийа пеһʹәсийа йә.
5. Мәсәлед рʹаст бьжберьн. Пешийа кӧ мәсәләке биньн, жь хԝә бьпьрсьн:
а. «Гәло әва мәсәләкә һеса йә?»
б. «Гәло шагьрте мьн ԝе һеса фәʹм бькә?»
щ. «Гәло әв мәсәлә ԝе али шагьрте мьн бькә, кӧ фькьра сәрәкә бира хԝәда хԝәй кә, нә кӧ тʹәне ве мәсәле?»