Ча Һинбуна Кʹьтеба Пироз Дәрбаз кьн бь Сайа Кʹьтеба Ша бә Жийинерʹа Һʹәта-Һʹәтайе!

Пешийа һинбуне

1. 

   1. Бь тʹәмами хԝә һазьр кьн. Ԝәʹде һазьрбуне, бьфькьрьн дәрһәԛа һʹәԝщед шагьрте хԝә, дәрәща ԝи у ньһерʹандьна ԝи. Бьфькьрьн дәрһәԛа ԝан тьшта, чь дькарә бона ԝи чәтьн бә фәʹм кә, йан жи бьдә хәбате. Ӧса жи дьшьрмиш бьн, кӧ ча пʹара «Һе Зедә Пебьһʹәсә» дькарә али шагьрте ԝә бькә. Һазьр бьн ԝәʹде һинбуне әве пʹаре бьдьнә хәбате ль гора һʹәԝще шагьрте хԝә.

Ԝәʹде һинбуне

1. 2. Һәрге шагьрте ԝә ԛайил ә, пешийа у паши һинбуне дӧа бькьн.

2. 

   3. Ԝәʹде һинбуне гәләк хәбәр нәдьн. Дина хԝә бьдьнә тʹемайе, йа кӧ һун дәрбаз дьбьн у бьра шагьрт фькьред хԝә бежә.

3. 4. Чахе пʹара тʹәзә дәстпедькьн, пешхәбәра ве пʹаре бьхуньн у наве чәнд сәрийа шеԝьр кьн.

4. 5. Чахе һун әве пʹаре хьлаз кьн, бьдьнә хәбате пʹара «ԝәкʹьландьн», ԝәки али шагьрте хԝә бькьн ԝан рʹастийа бира хԝәда хԝәй кә, чь кӧ әԝ пеһʹәсийа.

5. 6. Ԝәʹде һинбуна һәр сәрики, тʹәви шагьрте хԝә:

   1. а. Абзасе бьхуньн.

   2. б. Ԝан рʹеза бьхуньн, кʹидәре ньвисийә «Бьхунә».

   3. щ. Һәрге лазьм бә, рʹезед дьн жи бьхуньн.

   4. 

      ч. Һʹәму видеойа бьньһерʹьн, кʹидәре кӧ ньвисийә «Вехә» (һәрге те стандьне).

   5. чʹ. Һәр пьрсед кӧ һатьнә дайине бьдьнә шагьрт.

   6. д. Дина шагьрте хԝә бьдьнә һʹәму шькьла жь пʹара «Кʹур Лекʹолин кә» у бьра әԝ ԝан шькьла шьровәкә.

   7. ә. Пʹара «Нет» бьдьнә хәбате, ԝәки али шагьрте хԝә бькьн рʹӧһʹанида пешда һәрʹә. Һун дькарьн ԝи һелан кьн, ԝәки ве нете бьдә пешийа хԝә, йа кӧ һатийә дайине, кӧ бькарьбә бьгьһижә нетед хԝәйә дьн жи.

   8. әʹ. Жь шагьрте хԝә бьпьрсьн, кӧ жь пʹара «Һе Зедә Пебьһʹәсә» чь гәләк ԝи хԝәш һат, гава әԝи хԝә бона дәрсе һазьр дькьр.

   9. е. Һәрге те стандьне щарәкерʹа дәрсәке дәрбаз кьн.

Паши һинбуне

1. 

   7. Бәрдәԝам кьн дәрһәԛа шагьрте хԝә бьфькьрьн. Йаһоԝарʹа дӧа кьн, ԝәки пешдачуйина шагьрте ԝә кʹәрәм кә у биланийе бьдә ԝә, кӧ бьзаньбьн ча али ԝи бькьн.