МИНА ИСА БЬЖИН
Әʹдәбйәта «Ша бә Жийинерʹа Һʹәта-Һʹәтайе!» Хьзмәтийеда Бьдьнә Хәбате
Әм гәләк ша нә кӧ брошур у кʹьтеба тʹәзә һатьнә дәрхьстьне бона дәрбазкьрьна һинбунед Кʹьтеба Пироз! Әм Йаһоԝарʹа дӧа дькьн, ԝәки кʹәрәм кә ве ԛәԝата кӧ әм дьдьнә хәбате, сәва кӧ һе зедә шагьрта һазьр кьн (Мт. 28:18-20; 1 Кр. 3:6-9). Әм ве һащәта тʹәзә ча дьдьнә хәбате?
«Ша бә Жийинерʹа Һʹәта-Һʹәтайе!», әԝ һәйә курса һинкьрьна Кʹьтеба Пироз бь метода тʹәзә. Жере рʹебәри тенә дайине кӧ ча бона һинбуне һазьр бьн у чаԝа дәрбаз кьн.a
Дәрсе бьхунә у пьрса шеԝьр кә
Бьхунә рʹезед кӧ кʹьфшкьри нә «бьхунә» у али хԝәндәкʹар бькә шьровәкьрьна ԝан рʹеза фәʹм бькә
Видеойа вехә у бь сайа пьрсед кӧ һатьнә дайине, ван видеойа шеԝьр кә
Ԝе баш бә, ԝәки щарәкерʹа дәрсәке дәрбаз ки
Хьзмәтийеда пешийе брошуре мәрьврʹа бьһелә, ԝәки тедәрхи һәла бь рʹасти һʹәԝаса ԝи һәйә һе зедә пебьһʹәсә йан на (Бьньһерʹә чаргошә «Чаԝа Брошура ‹Ша бә Жийинерʹа Һʹәта-Һʹәтайе!› Ԝәʹде Сәрледана Пешьн Пʹешкʹеш кьн»). Һәрге тә тʹәви мәрьв һинбуна пе брошуре хьлаз кьр у әԝ дьхԝазә һинбуне бәрдәԝам бькә, ԝи чахи дәрбази сәр кʹьтебе бә у жь дәрса 04 дәстпекә. Ле һәрге тӧ ньһа тʹәви хԝәндәкʹаре хԝә һинбуне пе кʹьтеба «Чь Һин Дькә Кʹьтеба Пироз?» йан «Нава Һʹьзкьрьна Хԝәдеда Бьминә» дәрбаз дьки, ида дәрбаз бә сәр кʹьтеба тʹәзә «Ша бә Жийинерʹа Һʹәта-Һʹәтайе!» у хԝәха сафи кә жь кʹижан дәрсе бәрдәԝам ки.
БЬНЬҺЕРʹЬН ВИДЕО «ЖЬ ҺИНБУНА ХԜӘЙӘ КʹЬТЕБА ПИРОЗ ШАБУНЕ БЬСТИНӘ» У ПАШЕ ЩАБА ԜАН ПЬРСА БЬДЬН:
Хԝәндәкʹар жь кʹьтеба тʹәзә ԝе чь һин бә?
Чьма лазьм ә, ԝәки тӧ ве видеойе нишани хԝәндәкʹаре тʹәзә бьки?
Тӧ дькари хԝәндәкʹаре хԝә бәрбь кʹижан нета һелан ки? Бьньһерʹә нәхш «Нета Һәр Пʹарәкә ве Кʹьтебе»
a СПАРТЬН: Рʹаст ә шеԝьркьрьна пʹара «Һе Зедә Пебьһʹәсә» әʹсәйи нинә, ле диса жи гава тӧ бона һинбуне һазьр дьби, ве пʹаре жи леколин бькә. Ԝи чахи тӧйе бьзаньби чь дькарә дина хԝәндәкʹаре тә бькʹьшинә у бона ԝи керһати бә. Кʹьтебеда бь щурʹе әләктроник линк сәр видео у информасийед зедә һәнә.
НЕТА ҺӘР ПʹАРӘКӘ ВЕ КʹЬТЕБЕ |
|||
|---|---|---|---|
ДӘРС |
ТʹЕМА СӘРӘКӘ |
НЕТЕД БОНА ХԜӘНДӘКʹАР |
|
01-12 |
Дина хԝәндәкʹар бьдә, кӧ чаԝа Кʹьтеба Пироз дькарә али ԝи бькә у ча әԝ дькарә Авторе ве кʹьтебе нас бькә |
Хԝәндәкʹар һелан кә, ԝәки Кʹьтеба Пироз бьхунә, бона һәр дәрсе хԝә һазьр кә у бе сәр щьвата |
|
13-33 |
Пебьһʹәсә Хԝәде чь бона мә кьрийә у әԝ чь щурʹә һʹәбандьн ԛәбул дькә |
Хԝәндәкʹар һелан кә, ԝәки мьзгине мәрьварʹа гьли кә у бьбә мьзгинване нәньхӧманди |
|
34-47 |
Пебьһʹәсә Хԝәде жь хьзмәткʹаред хԝә чь дәʹԝа дькә |
Хԝәндәкʹар һелан кә, ԝәки әʹмьре хԝә тʹәсмили Йаһоԝа кә у бе ньхӧмандьне |
|
48-60 |
Пебьһʹәсә ча нава һʹьзкьрьна Хԝәдеда бьмини |
Хԝәндәкʹар һин кә, ԝәки чаԝа ԛәнщийе у хьрабийе жь һәв дәрхә у рʹӧһʹанида пешда һәрʹә |
|