ПЬРСЕД КʹЬТЕБА ПИРОЗВА ГЬРЕДАЙИ
Гәло зӧлми жь кʹидәре һат?
Кʹе һелан да иса кӧ тьштәки нәрʹаст бькә? (Мәтта 4:8-10)
Мәрьв кӧ дьхԝазьн әʹдьл, һʹәлал у ԛәнщ бьн әԝ йәк тʹәбийәти йә. Ле иро чьрʹа әм тʹьме дьвиньн зорбәтийе, нәһәԛийе, у зӧлмийе? Әм һәр рʹож дәнг у бәʹсед дәрһәԛа ԝан тьштед хьраб дьбьһен. Ле һәйә кәсәк кӧ мәрьва һелан дькә тьштед хьраб бькьн? (Бьхунә 1 Йуһʹәнна 5:19.)
Гәло Хԝәде мәрьв ӧса әʹфьрандийә кӧ зӧлми нава ԝанда һәбә? На. Йаһоԝа Хԝәде мәрьв әʹфьранд бь щурʹе хԝә, у фәрәсәте ӧса да ԝан кӧ мәрьв дькарьн чʹәʹв бьдьнә һʹьзкьрьна ԝи (Дәстпебун 1:27; Ибо 34:10). Ле Хԝәде мәрьв ӧса жи бь азабуне әʹфьранд. Чахе де-баве мәйи пешьн Адәм у Һеԝайе жьбартьна нәрʹаст кьрьн, ԝана чʹәʹв нәдан мәсәла Хԝәде у бунә нәԛәданди. Ле мә чаԝа рʹькʹьнйата ԝан, жь ԝан гӧнә станд. (Бьхунә Ԛануна Дӧщари 32:4, 5.)
Гәло зӧлми ԝе тʹьме һәбә?
Хԝәде дьхԝазә кӧ әм шәрʹ кьн мьԛабьли фәрәсәтед хԝәйи хьраб (Мәтʹәлок 27:11). Ләма әԝ мә һин дькә кӧ чаԝа тьштед хьраб нәкьн, у чаԝа бькарьбьн бәхтәԝарийа рʹаст бьвиньн. Ле ньһа әм нькарьн бь тʹәмами чʹәʹв бьдьнә һʹьзкьрьна Хԝәде. (Бьхунә Зәбур 32:8.)
Иро дьне тʹьжә йә бь зӧлмийе. Хԝәде әԝ йәк ԝәʹдәлу һишт, сәва кӧ мәрьв хԝәха бьвиньн, зӧлми чьԛас бәред хьраб тинә (2 Пәтрус 3:7-9). Ле зутьрәке, әʹрд ԝе тʹьжә бә бь мәрьвед бәхтәԝар, кʹижан кӧ гӧрʹа Хԝәде дькьн. (Бьхунә Зәбур 37:9-11.)