ПЬРСЕД КʹЬТЕБА ПИРОЗВА ГЬРЕДАЙИ
Чь һивийа инсанәте йә?
Чаԝа Мьрьна Иса Мәщал Чекьр, Ԝәки Инсанәт Бь Һʹәлали Бона Һәв Хәм Бькьн?
Мәрьв зандарийеда гәләк пешда чунә у һе пешда дьчьн. Ле пьрс пешда те, ԝе бькарьбьн ӧса бькьн ԝәки мәрьв бь дьл у щан бона һәв хәм бькьн? На. Чьмки рʹожа иро мәрьв хԝәһʹьз у тьма нә. Ле Хԝәде бона мә ахьрикә баш һазьр кьрийә. (Бьхунә 2 Пәтрус 3:13.)
Хәбәра Хԝәдеда ньвисар ә дәрһәԛа ԝе инсанәте кʹижан кӧ ԝе бь рʹастийе һәв һʹьз бькьн. Мәрьв ԝе бе хоф бьжин, у тʹӧ кәс ԝе зийане нәдә ԝан. (Бьхунә Миха 4:3, 4.)
Чаԝа хԝәһʹьзи ԝе бе алткьрьне?
Хԝәде мәрьв ӧса ченәкьрийә кӧ хԝәһʹьз бьн. Нәгӧһдарикьрьна һьндава Хԝәде‚ Адәм кьрә нәԛәданди. Ләма жи хԝәһʹьзи ча миратʹ дәрбази сәр мә бу. Ле Хԝәде ԝе бь аликʹарийа Иса, диса беԛӧсуртийе бьдә мә. (Бьхунә Рʹомайи 7:21, 24, 25.)
Иса бь ԛьрара Хԝәде хԝә кьрә ԛӧрбан, ԝәки һʹәму тьштед кӧ жь нәгӧһдарикьрьна Адәм пешда һатьбун, бьдә һьлдане (Рʹомайи 5:19). Бь ԝе йәке Иса һʹиме ԛәԝи дани бона ахьрийе, кʹидәре кӧ инсанәт ԝе аза бә жь хԝәһʹьзийе, йа кӧ мәрийа һелан дькә бәрбь хьрабийе. (Бьхунә Зәбур 37:9-11.)