Тӧ Дькари Щьвата Хwәда Аликʹарийе Бьди?

ПЕШИЙА wе йәке кӧ Иса һьлкʹьшә ль әʹзмен, әwи готә шагьртед хwә: «Һʹәта сәре дьне жи бьбьнә шәʹдед мьн» (Кʹар. Шанд. 1:8). Ле гәло Мәсиһийед пешьн ча дькарьбун әw тʹәми бьанийана сери?

Мартин Гудмен, професоре Университета Оксфорде, дина хwә дьдә кӧ «әw борщдарийа Мәсиһийа, wана башqә дькә жь кʹомед рʹелигийед дьн, ӧса жи жь wан Щьһуйа, кʹижан кӧ бәре, wәʹде Имперйа Рʹоме дьжитьн». Иса дьчу щурʹә-щурʹә щийа, сәва кӧ хьзмәт бькә. Мәсиһийед рʹаст чʹәʹв дьдьнә Иса, у фәʹм дькьн кӧ бәлакьрьна «мьзгинийа Пʹадшатийа Хwәде» те һʹәсабе бьгәрʹьн wан мәрьва, йед кӧ дьхwазьн рʹастийа Кʹьтеба Пироз пебьһʹәсьн (Луqа 4:43). Әwа йәк жь wан мәʹнийа йә кӧ чьрʹа qьрʹна йәкеда дь щьвата Мәсиһийада һәбун «шанди». Әв термин рʹастә-рʹаст те һʹәсабе кәсед кӧ тенә шандьне сәва кӧ мьзгине бәла кьн (Марq. 3:14). Иса тʹәми да пәйчуйед хwә: «Ньһа һәрʹьн һʹәму мьләта һин кьн» (Мәт. 28:18-20).

Рʹожа иройин 12 шандийед Иса тʹӧ йәк тʹәви мә нинә, ле йәкә гәләк хьзмәткʹаред Йаһоwа рʹӧһʹе мисйонерти дьдьнә кʹьфше. Чахе әwана тенә тʹәглифкьрьне кӧ хьзмәткьрьнеда һе зедә бькьн, әwана щаба хwә ӧса дьдьн: «А вай әз, мьн бьшинә!» (Иша. 6:8). Һьнәк, чаwа кӧ бь һʹәзара шагьртед Мәкʹтәба Гиләд, чунә wәлатед дур хәриб. Ле һьнәк жи дәрбази щики дьн дьбьн wәлате хwәда. Гәләк жи зьмане тʹәзә һин бунә, сәва кӧ аликʹарийе бьдьнә wан щьвата у кʹома, кʹижан кӧ һʹәwщә нә. Әw хушк-бьрайед кӧ дәрбази wан щийа бунә кʹидәре кӧ һʹәwщәти һәйә, йан жи әwед кӧ зьмане тʹәзә һин бунә, дьбәкә жи әw йәк wанарʹа нәһеса бу. Wанрʹа лазьм бу рʹӧһʹе хwәqӧрбанкьрьне бьдьнә кʹьфше, wәки һʹьзкьрьна хwә һьндава Йаһоwа у мәрьва нишан кьн. Wана һʹәсабе хwә кьрьнә, у сафи кьрьнә аликʹарийе бьдьн (Луqа 14:28-30). Хушк-бьред кӧ сафикьрьнед ӧса дькьн, гәләк qимәт у лазьм ьн.

Ле дәрәще һәр кәса щӧдә йә. Нә һәр кәс жь Шәʹде Йаһоwа дькарә дәрбази wи щийи бә, кʹидәре кӧ һʹәwщәти һәйә, йан жи зьманәки дьн һин бә. Ле гәло әм дькарьн щьвата хwәда рʹӧһʹе мисйонерти бьдьнә кʹьфше?

ЩЬВАТА ХWӘДА ЧАWА МИСЙОНЕР БӘ

Мәсиһийед qьрʹна йәкеда бь рʹӧһʹе мисйонерти бун, ле дьqәwьмә кӧ һʹәчʹи зәʹф жь wан шәһәре хwәда хьзмәт дькьрьн. Ле әw тʹәмийа кӧ Тимотʹейорʹа һатьбу дайине керһати бу һьн Мәсиһийед qьрʹна йәкерʹа, һьн жи һʹәму хьзмәткʹаред Хwәдерʹа: «Кьре мьзгиндар бькә, qӧльхе хwә бьqәдинә» (2 Тимтʹ. 4:5). Әw тʹәмийа кӧ мьзгинийа дәрһәqа Пʹадшатийе бәла кьн у шагьрта һазьр кьн, бона һәр Мәсиһи йә. Хенщи wе йәке, шьхӧлед кӧ мисйонер дькьн, щьвата мәда жи дькарә бе кьрьне.

Мәсәлә, мисйонер wәлате хәрибда гәрәке һини щийе тʹәзә бьн. Wәлате хәрибда гәләк тьшт wанрʹа нәнас ьн у щурʹәки майин ьн. Ле чь әм дькарьн бежьн дәрһәqа хwә, һәрге әм нькарьн дәрбази wи щийи бьн, кʹидәре кӧ һʹәwщәти һәйә? Гәло әм гәрәке бьфькьрьн кӧ һʹәму тьшти заньн дәрһәqа територйа щьвата хwә? Йан әм гәрәке бьфькьрьн wәки мәщалед тʹәзә бьгәрʹьн кӧ хәбәре бьгьһиньн мәрьва? Мәсәлә, сала 1940, бьра дьһатьнә һеланкьрьне wәки һʹәфте щарәке ль мәйданада хьзмәт кьн. Ле һун дькарьн ве йәкеда тьштәки бькьн? Йан һун дькарьн хьзмәт кьн пе стенда? Нета wан пьрса әw ьн: Һун хwәха дьньһерʹьн, һәла бона wә кʹижан рʹейед тʹәзә һәнә сәва мьзгине бәла кьн?

Ньһерʹандьна мәйә позитив wе али мә бькә кӧ әм бь дьл у щан хьзмәт кьн. Әwед кӧ бь һазьрбуне дәрбази wан щийа дьбьн кʹидәре кӧ һʹәwщәти һәйә, йан жи хьзмәт дькьн дь wан територийада кʹидәре кӧ сәр зьмане дьн хәбәрдьдьн, гәләк щерʹьбанди нә. Бь wи щурʹәйи әwана ча кʹәрәм ьн бона гәләка, мәсәлә чахе рʹебәрийа шьхӧле бәлакьрьна мьзгине һьлдьдьнә сәр хwә. Гәләк щар мисйонер рʹебәрийа дәрбазкьрьна щьвинед щьвате һьлдьдьнә сәр хwә, һʹәта кӧ ве мьһаледа бьре щерʹьбанди һәбьн. Wәки тӧ бьре ньхӧманди йи, тӧ һазьр и али хушк-бьра бьки щьвата хwәда? (1 Тимтʹ. 3:1).

БЬБӘ «ҺӘВАЛКʹАР»

Хенщи wе йәке кӧ бь хирәт хьзмәтийе бькьн, у һазьр бьн кӧ щабдарийе һьлдьн сәр хwә щьватеда, диса жи әм дькарьн дәрәщед дьнда аликʹарийе бьдьнә щьвата хwә. Ча йед щаһьл ӧса жи мәрьве әʹмьрда мәзьн, мер йан жьн дькарьн бьбьнә «һәвалкʹар» бона хушк-бьред хwә щьватеда (Колс. 4:11, ИМ).

Сәва кӧ аликʹарийе бьдьнә хушк-бьред хwә, әм гәрәке рʹьнд wана нас бькьн. Кʹьтеба Пироз мә һелан дькә кӧ бона «һәвдӧ хәм бькьн» чахе тʹоп дьбьн (Ибрн. 10:24). Әw гьли найе һʹәсабе, кӧ гәрәке бькʹәвьнә нав шьхӧле мәрьва. Ле дәwсе әм гәрәке пебьһʹәсьн у тедәрхьн һʹәwщед хушк-бьред хwә. Әw һʹәwщәти дькарә алийе материйали, емосийали у рʹӧһʹанида бә. Аликʹарийе бьдьнә хушк-бьра, нә тʹәне щабдарийа рʹуспийа у бәрдәстийед щьвате йә. Рʹаст ә һәнә дәрәщед ӧса кӧ һе баш ә wәки йәк жь wан бьра аликʹарийе бьдә (Галт. 6:1). Ле йәкә, һәр кәс жь мә дькарә али хушк-бьред әʹмьрда мәзьн бькә йан али wан малбәта, йед кӧ рʹасти чәтьнайа тен.

Мәсәлә чахе Салватор рʹасти чәтьнайед матерйали һат, әw һʹәwщә бу бизнеса хwә, мала хwә у гәләк тьштед дьн бьфьрошә. Әw гәләк бәрхwә дькʹәт дәрһәqа wе йәке кӧ малбәта wи ча wе бәр ве чәтьнайе тәйах кә. Малбәтәкә щьвата wанда һʹәwщәтийа wан дит у алийе матерйалида али wан кьрьн. Wана хәбат Салваторрʹа у жьна wирʹа дитьн, у гәләк евар wана гӧһ дьданә малбәта wи у әwана дьшьдандьн. У бь сайа wе йәке әwана бунә һәвале незик, у әw һәвалтийа wан бь сала кʹьшанд. Рʹаст ә wана чәтьнайе мәзьн дәрбаз кьрьн, ле ньһа әw һәрдӧ малбәт бь шабуне тиньн бира хwә wәʹде баш, чахе тʹәвайи дәрбаз дькьрьн.

Бона Мәсиһийед рʹаст, религийа нә тьштәки шәхси йә. Чаwа кӧ Иса мәрʹа мәсәлә һишт, әм гәрәке һәр кәсирʹа гьли кьн дәрһәqа созед баш жь Кʹьтеба Пироз. Әм дькарьн һәр тьшти бькьн чь кӧ wе кʹаре бинә йед дьненарʹа, фьрqи тʹӧнә әм дькарьн дәрбази щики дьн бьн йан на. У әм һәма ӧса дькарьн бькьн щьвата хwәда (Галт. 6:10). Чахе әм ӧса бькьн, әме шабуне жь дайине бьстиньн, у бьбьнә аликʹар кӧ «һәр qәнщикьрьнеда хwәйибәр» бьн (Колс. 1:10; Кʹар. Шанд. 20:35).