Чʹәʹв Бьдьнә Пʹехәмбәра

ТӦ ЧА дькари чʹәʹв бьди пʹехәмбәра? Дәрхьстьна «Wәлгәрʹандьна Дьнйа Тʹәзә» йа сала 2013 тʹәзәкьрида, пʹара «Фәрһәнга Терминед Кʹьтеба Пироз», хәбәра пʹехәмбәр ӧса һатә шьровәкьрьне: «Пʹехәмбәр әw ә, бь кʹижани әʹйан дьбьн нетмәрәмед Хwәде. Пʹехәмбәр ча бежи хәбәрванед Хwәде бун, ле wана нә кӧ тʹәне пʹехәмбәрти дькьрьн, ле ӧса жи һинкьрьнед Хwәде, тʹәмийед wи у щәзакьрьна wи әʹйан дькьрьн». Рʹаст ә һун пʹехәмбәртийе накьн, ле йәкә һун дәwса Хwәде хәбәрдьдьн, чахе мәрьварʹа гьли дькьн чь кӧ дь Хәбәра wида һәйә (Мәт. 24:14).

Бона мә qәдьрәки чьqас мәзьн ә мәрьварʹа гьли кьн дәрһәqа Хwәдейе хwә Йаһоwа, у мәрьва һин кьн дәрһәqа qьрара wи һьндава мәрьва! Әм wи шьхӧлида һәвкʹарийе дькьн тʹәви «мьлйакʹәтәки . . . кӧ әʹзменда» дьфьрʹә (Әʹйан. 14:6, ИМ). Рʹожед иройин әм дькарьн рʹасти проблема бен, жь бо чь жи әм дькарьн дина хwә нәдьнә сәр тьштед фәрз. Кʹижан ьн һьнә жь wан проблема? Мәсәлә, әм дькарьн бьwәстьн, дьлтәнг бьн у хwә бекер тʹәхмин кьн. Пʹехәмбәред амьнә бәре жи рʹасти проблема дьһатьн, ле йәкә тʹӧ щар сьст нәдьбун. У Йаһоwа али wан дькьр сәва кӧ кʹьфшкьрьнед хwә биньн сери. Һьнә мәсәла шьровәкә у дьшьрмиш бә чаwа тӧ дькари чʹәʹв бьди пʹехәмбәра.

WАНА ҺʹӘМУ QӘWАТА ХWӘ ХӘРЩ ДЬКЬР

Әм рʹож бь рʹож, жь бо шьхӧле хwәйи һәр рʹожи дьwәстьн. Ләма әм дькарьн тʹәхмин кьн кӧ нькарьн һәрʹьнә хьзмәтийе. Бәле, мәрʹа лазьм ә кӧ әм һеса бьн, чьмки Иса у шагьртед wи жи һеса дьбун (Марq. 6:31). Ле бьфькьрә дәрһәqа Һәзәqел у щабдарийа wи Бабилонеда, йе кӧ әwи дьани сери нава щьмәʹта Исраеледа, кʹижан кӧ дилтийеда бун. Щарәке Хwәде Һәзәqелрʹа гот кӧ әw агурʹ һьлдә у шәһәре Оршәлиме ль сәр бьнәхьшинә. У Һәзәqел гәрәке бь симболик дора шәһәре бьчʹук бьгьрта бь wи щурʹәйи, кӧ 390 рʹожа сәр кʹеләка хwәйә чʹәпе wәләзийа у паше 40 рʹожа сәр кʹеләка хwәйә рʹасте wәләзийа. Әwе йәке гәрәке дина Исраелед дил бькʹьшанда. Йаһоwа готә Һәзәqелрʹа: «А вай, әзе бәндан [тʹога] ль тә бьхьм у һʹәта кӧ тӧ рʹожед доргьртьна хwә бьqәдини тӧйе жь алики хwә нәзьвьрʹи алийе хwәйи дьн» (Һәзqл. 4:1-8). Һәзәqел гәрәке саләке зедәтьр әw шьхӧле физикийә чәтьн бькьра. Ле Һәзәqел ча дькарьбу әwе йәке бинә сери?

Һәзәqел фәʹм кьр кӧ чьрʹа әw чаwа пʹехәмбәр һатә шандьне. Хwәде чахе Һәзәqел шанд, готә wи: «Дьхwазә бьла гӧһдари бькьн, [Исраел] дьхwазә бьла бьрʹәвьн . . . , диса wе бьзаньбьн кӧ дь нав wанда пʹехәмбәрәк һәйә» (Һәзqл. 2:5). Әwи нета щабдарийа хwә бира хwәда хwәйи дькьр. Ләма жи әwи бь һазьрбун, бь симболик дора шәһәре Оршәлиме гьрт. Әwи избат кьр кӧ әw пʹехәмбәре рʹаст ә. Һәзәqел у һәвалкʹаред ви бьһистьн кӧ: «Бажар һатә лехьстьн»! Бәле, щьмәʹта Исраел фәʹм кьр, кӧ пʹехәмбәр нав wанда йә (Һәзqл. 33:21, 33).

Рʹожа иройин, әм мәрьварʹа әʹлам дькьн кӧ хьлазийа дьнйа Шәйтʹан незик дьбә. Рʹаст ә дьбәкә әм бь физики дьwәстьн, ле йәкә әм qәwате хәрщ дькьн Хәбәра Хwәде гьли дькьн, сәрледанед дӧбарә дькьн у һинбунед Кʹьтеба Пироз дәрбаз дькьн. Пʹехәмбәрти дәрһәqа хьлазийа wе дьнйайе те сери, у әм ша нә кӧ бь сайа мә «әʹйан дьбьн нет-мәрәмед Хwәде».

ЧАХЕ ДЬЛТӘНГ ДЬБУН ЖИ ТӘЙАХ ДЬКЬРЬН

Бь рʹӧһʹе Хwәдейи пироз әм qәwат дьбьн, ле йәкә щар-щара әм дькарьн дьлтәнг бьн жь бо wе йәке кӧ мәрьв ча qәбул дькьн мьзгина, кӧ әм бәла дькьн. Әм дькарьн бькьн бира хwә мәсәла пʹехәмбәр Йерәмийа. Әw беһӧрмәт кьрьн у пе кʹәнийан, чьмки әwи дәрһәqа әʹламәтийа Хwәде Исраелийарʹа гьли дькьр. Щарәке Йерәмийа дьлтәнг бу, у һәла һе гьлийед ӧса жи гот: «Әзе wи дь бира хwәда нәйньм у еди әзе бь наве wива нәбежьм». Йерәмийа мәрьвәки мина мә бу у һәстед wи жи йед ӧса һәбун чаwа йед мә. Ле йәкә әwи бәрдәwам дькьр дәрһәqа Хәбәра Хwәде хьзмәт дькьр. Гәло чьрʹа? Әw пʹехәмбәр дьбежә: «Wе гаве дь дьле мьнда бу мина агьрәки векʹәти, дь нав һәстийед мьнда йә у әз жь бь хwә гьртьне wәстийам, еди жь дәсте мьн вә найе» (Йерәм. 20:7-9).

Бь wи щурʹәйи, әм жи дькарьн дьлтәнг бьн жь бо реаксиа мәрьвайә сәр мьзгина мә. Ле әм дькарьн пешбәри wан һәста шәрʹ кьн, һәрге әм бьфькьрьн сәр ве мьзгина кӧ әм бәла дькьн. Әw йәк дькарә wәк «агьрәки векʹәти, дь нав һәстийед» мәда бә. Хwәндьна Кʹьтеба Пирозә һәр рʹожи, дькарә али мә бькә wәки әw агьре дьле мәда нәтәмьрә.

WАНА ХWӘ ЖЬ ФЬКЬРЕД НӘБАШ ХWӘЙ ДЬКЬРЬН

Һьнә Мәсиһи тʹәвиһәв дьбун чахе щабдарийед кӧ wанрʹа нәфәʹмдари бу дьстандьн. Пʹехәмбәр Һосәйа жи дьqәwьмә әw йәк сәр хwә тʹәхмин дькьр. Йаһоwа тʹәми да wи: «Һәрә, бь пирәкәк хьрабрʹа бьзәwьщә у бьла жь wе, зарʹокед тәйи зьне чебьбьн» (Һос. 1:2). Бьдә бәр чʹәʹве хwә кӧ Хwәде тәрʹа бьгота, кӧ тӧ гәрәке жьнәкә qав бьстини! Һосәйа әw тʹәми qәбул кьр. Әwи Гомәр сьтанд у әwе wирʹа кӧрʹәк ани. Паше qизәк ани, у паши qизе диса кӧрʹәк жи ани. Те кʹьфше кӧ әw һәрдӧ зарʹед пашwәхтийе нә жь Һосәйа бун. Йаһоwа готә Һосәйа кӧ жьна wи «wе бь пей достькед [йаред, ДТʹ] хwә бькʹәвә». Дина хwә бьдьнә wе йәке кӧ хәбәра «йаред» гәләканида те готьне. У паше әw гәрәке пашда вәгәрʹә бал Һосәйа. Һәрге тӧ дәwса wи пʹехәмбәри буйайи, тәйе әw жьн пашда бьанийа? Әw һәма әw бу, чь кӧ Йаһоwа готә Һосәйа кӧ бькә! Һе сәрда жи, пʹехәмбәр һәла һе һәqе мәзьн жи да, сәва кӧ wе жьне пашда wәгәрʹинә (Һос. 2:7; 3:1-5).

Дьбәкә Һосәйа дьхwаст пебьһʹәсийа, гәло кʹара wе йәке чь йә, һәрге әw ӧса бькә. Йәкә, Һосәйа Хwәдерʹа амьн ма у ӧса кьр ча Хwәде жерʹа гот. Кьре Һосәйа али мә дькә, кӧ әм фәʹм кьн Хwәде чь еш сәр хwә тʹәхмин кьр чахе Исраели wирʹа нә амьн ман. Ле йәкә, һьнә Исраелед дьлтʹәмьз пашда вәгәрʹийанә бал Хwәде.

Иро Хwәде тӧ кәсирʹа набежә кӧ жьнәкә «хьрабрʹа» бьзәwьщә. Ле әм чь дәрсе дькарьн хwәрʹа һьлдьн жь кьре Һосәйа, кʹижан әwи бь һазьрбуне ани сери? Дәрсәк әw ә, кӧ бь һазьрбуне мьзгина дәрһәqа Пʹадшатийа Хwәде «ашкәрә мал бь мал» бәла кьн, һәрге мәрʹа чәтьн бә жи (Кʹар. Шанд. 20:20). Дьбәкә, һьнә щурʹед хьзмәтийе бона тә нәһеса бә. Гәләк мәрьвед кӧ Шәʹдед Йаһоwа тʹәви wан һинбуна Кʹьтеба Пироз дәрбаз дькьн, дьбежьн кӧ әw һинбун wан хwәш те, ле әwана wе тʹӧ щар мал бь мал хьзмәт нәкьн. Жь wана гәләка паше дәстпекьрьнә бькьн wе йәке, чь кӧ wана тʹьре wе нькарьбьн. Тӧ жь wе йәке сәва хwә дәрсе дьвини?

Жь мәсәла Һосәйа әм ӧса жи дькарьн дәрсе хwәрʹа һьлдьн, кӧ әwи ча qәбул кьр әw шьхӧле гьран. Гәләк мәʹнийед wи һәбун, сәва кӧ әwи әw шьхӧл нәанийа сери. Һʹәта кӧ Һосәйа дәрһәqа wе йәке нәньвисийа, мәрьв wе ча пебьһʹәсийана? Әм жи дькарьн бькʹәвьнә дәрәщәкә ӧса, кʹидәре кӧ мәщала мә һәбә гьли кьн дәрһәqа Йаһоwа, ле бона wе мәщале кәсәк wе ньзаньбә. Дәрәщәкә ӧса qәwьми тʹәви Аннайе, кʹижан кӧ һин дьбә мәкʹтәба Дәwләтед Йәкбуйида дәрсхана бьльндда. Щарәке дәрсдаре шагьртарʹа гот, кӧ әwана готаре һазьр кьн, кʹидәре кӧ гәрәке гьли кьн дәрһәqа баwәрийа хwә, у паше әwана гәрәке шагьртарʹа избат кьн, кӧ әw йәк рʹаст ә. Аннайе дькарьбу әw мәщал бәрда у шәʹдәти нәда. Ле әwе тʹәхмин кьрьбу, кӧ әw мәщал жь Йаһоwа йә. Әwе дьда бәр чʹәʹве хwә кӧ реаксиа шагьрта wе ча бә, у сәва wе йәке Йаһоwарʹа дӧа кьр. У ләма хwәстьна wе һе гәләк мәзьн бу кӧ әwе мәщәле бьдә хәбате. Наве готара wе ӧса бу «Еволусиа: Шеwьр кьн Избаткьрьна».

Чахе Аннайе готара хwә гот, кәчʹька кӧ еволусиа баwәр дькьр, гәләк пьрс да Аннайе, сәва избат кә кӧ Анна нәрʹаст ә. Ле Аннайе гәләк избаткьрьнед баш ани, чь жи кʹар ани. Дәрсдара wе зәндәгьрти ма, у ләма әwе ле хәлат кьр бь wе йәке кӧ һʹәсаб кьр wәки готара wе йа лапә баш ә. Паши wе йәке Аннайе һе гәләк щар дәрһәqа әʹфрандьне хәбәр дьда тʹәви wе кәчʹьке. Әw мәщал жь Йаһоwа бу кӧ Аннайе дәрсәкә ӧса сьтанд, чьмки әwе карьбу дәрһәqа Йаһоwа дәрсханеда һʹәмуйарʹа гьли кә. Аннайе хwәха жи заньбу кӧ әw йәк жь Хwәде йә. Анна дьбежә: «Әз ньһа бь мерхасийе у бе тьрс мьзгине бәла дькьм».

Рʹаст ә, әм пʹехәмбәр ниньн, ле йәкә әм дькарьн чʹәʹв бьдьнә wан рʹӧһʹе wани хwәqӧрбанкьрьне бьдьнә кʹьфше, мәсәлә Һәзәqел, Йерәмийа у Һосәйа, әме жи бькарьбьн бь һазьрбуне тʹәмийед Хwәде биньн сери! Wе баш бә кӧ әм wәʹде һинбуна Кʹьтеба Пирозә тʹәви малбәте, йан жи һинбуна шәхси, дәрһәqа пʹехәмбәред бәре бьхуньн, у бьфькьрьн кӧ әм ча дькарьн чʹәʹв бьдьнә wан?