Әм Чьрʹа Гәрәке сәва Хьзмәткьрьне Тʹәвайи Тʹоп бьн?

1-3. а) Мәсиһийа ча данә кʹьфше кӧ әwана гәләк дьхwазьн тʹәвайи тʹоп бьн? (Бьньһерʹьн шькьле әʹwлн.) б) Әме чь шеwьр кьн wе тʹемайеда?

ЧАХЕ Корина 17 сали бу, дийа wе аксор кьрьн у шандьнә лагере у wедәре хәбата гьран wе дьданә кьрьне. Һьнә wәʹдә шунда Корина жи жь мала wе һʹәзара километра дур шандьн Сибире. Wедәре әw чаwа дил бу, у щара зоре wе дькьрьн кӧ багәра qайимда бь кʹьнще тәньк бьхәбьтә. Рʹаст ә һʹал гәләк чәтьн бу, ле йәкә Корина у хушкәкә дьн сафи кьрьн һәрʹьн щьвине.

² Корина гьли дькә: «Еваре мә хәбата хwә һишт, у чунә щийе сәкьнандьна трене, кʹижан кӧ 25 километра дур бу. Трен рʹедькʹәт шәв сьһʹәта дӧда у әм шәш сьһʹәта рʹеда бун. Паши wе йәке әм 10 километр ньга чун гьһиштьнә щьвине». Ле гәло һежа бу кӧ һаqас щәфа бькʹьшиньн? Корина гьли дькә: «Сәр щьвине әм «Бьрща Qәрәwьлийе» дәрбаз бун у мә кʹьламед Пʹадшатийе стьра. Әwе йәке әм гәләк гәш кьрьн у баwәрийа мә qәwи кьр». Рʹаст ә әw дӧ хушк се рʹожа сәр щийе хәбате нибун, ле йәкә менещера ве кʹархане нә жи тʹәхмин кьр.

³ Щьмәʹта Йаһоwа һәртʹьм qимәт дькьр әw мәщал, кӧ тʹәви һәв тʹоп бьн. Паши wе йәке ча щьват һатә сазкьрьне, пәйчуйед Иса «тʹьме . . . ль һәв дьщьвийан» (Кʹар. Шанд. 2:42). Бәле, тӧ жи дьбәкә wәк wан дьхwази тʹьме бейи сәр щьвине. Ле һәр Мәсиһи рʹасти чәтьнайа тен. Жь бо хәбата хwә, гәләк шьхӧла, у хәмед дьн, дькарә чәтьн бә һәртʹьм бенә щьвине. Ле чь wе али мә бькә кӧ wан чәтьнайа алт кьн, у һәртʹьм бенә щьвине?^[1] Чаwа әм дькарьн али wан бькьн тʹәви кʹе әм һинбуна Кʹьтеба Пироз дәрбаз дькьн у ӧса жи али йед майин, сәва бьвиньн чьqас фәрз ә бенә щьвате? Ве тʹемайеда әме шеwьр кьн дәрһәqа һʹәйшт мәʹнийа кӧ чьрʹа әм гәрәке тʹәвайи тʹоп бьн. Әwан мәʹнийа әм дькарьн пʹарәвәкьн сәр се пʹара: әм чь кʹаре дьстиньн чахе тенә щьвине, ча сәр мәрьвед дьн һʹӧкӧм дьбә чахе әм тенә щьвине, у ӧса жи ча сәр Йаһоwа һʹӧкӧм дьбә.^[2]

ЩЬВИН ЧА МӘРʹА КʹАРЕ ТИНӘ

4. Чаwа щьвин али мә дькә һе зедә дәрһәqа Йаһоwа пебьһʹәсьн?

⁴ Щьвин мә һин дькьн. Һәр щьвин али мә дькә һе зедә пебьһʹәсьн дәрһәqа Хwәдейе мә Йаһоwа. Мәсәлә, wан пашwәхтийа гәләк щьватада кʹьтеба бь наве «Незики Хwәде бә» дәрбаз дьбун. Һинбуна дәрһәqа һʹӧнӧред Хwәде у щабед хушк-бьред мә, һе qәwи дькьн һʹьзкьрьна мә һьндава Баве мәйи әʹзмана. Әм ӧса жи занәбуна хwә һьндава Хәбәра Хwәде зедә дькьн, wи чахи гава гӧһ дьдьн тʹемайа, тʹәмаша у хwәндьна Кʹьтеба Пироз (Нәһәм. 8:8). Мәсәлә, бьфькьрә дәрһәqа wан хьзнед рʹӧһʹани, кʹижан тӧ педьһʹәси һәр һʹәфти чахе һазьр дьби бона хwәндьна Кʹьтеба Пироз щьватеда у сәр щьвате дьбьһейи фькьред жьбарти!

5. Чаwа щьвина али тә кьрьн кӧ бьди хәбате чь кӧ жь Кʹьтеба Пироз пеһʹәсийайи у хьзмәтийа хwә һе баш ки?

⁵ Щьвин мә һин дькьн кӧ ча принсипед Кʹьтеба Пироз бьдьнә хәбате әʹмьре хwәда (1 Тʹеслн. 4:9, 10). Һинбуна «Бьрща Qәрәwьлийе» qә һелан дайә тә кӧ хьзмәткьрьнеда һе зедә бона Йаһоwа бьки, һазьр би бьбахшини хушк-бьра у дӧайед хwә һе баш ки? Щьвина мәйә һәр һʹәфти «Мина Иса Мәсиһ Бьжин у Хьзмәт кьн», мә һин дькә кӧ чаwа хьзмәтийа хwә һе баш кьн. Ӧса жи әм педьһʹәсьн кӧ чаwа мьзгине бәла кьн, у ча һе керһати йед дьн һин кьн дәрһәqа принсипед Кʹьтеба Пироз (Мәт. 28:19, 20).

6. Щьвинед мә ча мә гәш дькьн у али мә дькьн кӧ qәwи бьминьн?

⁶ Щьвин мә гәш дькьн. Әw дьнйа дькарә мәжуйе мә бьwәстинә, у емосйалида у рʹӧһʹанида сьст кә. Ле щьват мә qәwи дькьн у мә гәш дькьн. (Бьхунә Кʹаред Шандийа 15:30-32.) Сәр гәләк щьвина әм шеwьр дькьн дәрһәqа wе йәке, кӧ ча пʹехәмбәртийед жь Кʹьтеба Пироз тенә сери. Әw йәк баwәрийа мә qәwи дькә, кӧ Йаһоwа чь соз дайә мә бона ахьрийе, әw соз жи wе әʹсә бенә сери. Бәле, әм ӧса жи гәләк qәwи дьбьн чахе бьра пе готара дәртен. Ле щьватеда диса хушкбьред дьн жи мә дьшьдиньн, мәсәлә пе щабед хwә, йан чахе пе дәрса дәртен, у чахе бь дьл кʹьлама дьстьрен (1 Корн. 14:26). У ӧса жи чахе әм тʹәви хушк-бьра хәбәрдьдьн пешийа у паши щьвине, әм тʹәхмин дькьн кӧ әwана бона мә хәм дькьн у әм гәш дьбьн (1 Корн. 16:17, 18).

7. Чьрʹа гәләк фәрз ә бенә сәр щьвина?

⁷ Сәр щьвина әм бьн рʹӧһʹе пирозда ньн. Иса Мәсиһ гот: «Әwе кӧ гӧһед wи һәнә, бьра бьбьһе кӧ рʹӧһʹ чь дьбежә щьвина» (Әʹйан. 2:7). Бәле, Иса бь рʹӧһʹе пироз рʹебәрийа щьвата Мәсиһийа дькә. Мәрʹа рʹӧһʹе пироз лазьм ә, сәва әм бькарьбьн щерʹьбандьнада тәйах кьн, бь мерхаси хьзмәт кьн, у ӧса жи сәва сафикьрьнед рʹаст бькьн. Ләма жи әм гәрәке һәр тьшти бькьн, wәки һәртʹьм һәрʹьнә щьвине, сәва кӧ рʹӧһʹе пироз бьстиньн.

ЩЬВИН ЧА ЙЕД ДЬНРʹА КʹАРЕ ТИНӘ

8. Чахе хушк-бьред мә дьвиньн кӧ әм тенә щьвина, у ча щабед хwә дьдьн, у дьстьрен, әw йәк чьда али wан дькә? (Ӧса жи бьньһерʹә чаргошә бь наве «Әw Тʹьме Паши Щьвате Хwә Баш Тʹәхмин Дькә».)

⁸ Щьвин мәщале дьдьнә мә, сәва кӧ әм хушк-бьрарʹа һʹьзкьрьна хwә бьдьнә кʹьфше. Бьфькьрә дәрһәqа чәтьнайед хушк-бьред щьвата хwәда. Паwлосе шанди гот: «Бьра әм бона һәвдӧ хәм бькьн». Паши wе йәке Паwлос шьровәдькә, кӧ әм дькарьн дьлбинийе бьдьн хушк-бьра, һәрге әм «дәст жь льһәвщьвине нәкʹьшиньн» (Ибрн. 10:24, 25). Һатьна тә ль сәр щьвине дьдә кʹьфше кӧ тӧ дәрһәqа хушк-бьра дьшьрмиш дьби у һазьр и wәʹде хwә бона wан хәрщ ки, гӧһ бьди wан у бона wан хәм ки. У ӧса жи чахе тӧ бь дьл у щан щаба хwә дьди у кʹьлама дьстьрейи, бь wе йәке тӧ хушк-бьра qәwи дьки (Колс. 3:16).

9, 10. а) Шьровәкьн кӧ ча гьлийед Иса Йуһʹәнна 10:16-да, али мә дькьн фәʹм кьн кӧ чьqас фәрз ә тʹәви хушк-бьра тʹоп бьн. б) Һәрге әм тʹьме тенә сәр щьвине, бь ве йәке әм ча дькарьн али wан бькьн, йед кӧ алийе нәфәре хwәда һатьнә инкʹаркьрьне?

⁹ Щьвин мә хушк-бьра тʹәвайи дькә йәктийе. (Бьхунә Йуһʹәнна 10:16.) Иса хwә бәрамбәри шьван кьр, ле шагьртед хwә бәрамбәри кәрийед пез кьр. Һәла дьшьрмиш бә дәрһәqа wе йәке: Һәгәр дӧ пәз сәр тʹәпә нә, дӧдӧ чоле нә, йәк жи щики дьн ә, гәло әм әван пенщ пәза дькарьн һʹәсаб кьн ча кәрийе пез? Тʹәбийәти йә wәки кәрийе пез гәрәке тʹәви һәв бьн, бьн рʹебәрийа шьванда. Бь wи щурʹәйи һәрге әм жи хwә жь хушк-бьра дур дьгьрьн, әме нькарьбьн пәй Шьване хwә һәрʹьн. Әм гәрәке тʹәви Мәсиһийа тʹәвайи тʹоп бьн, сәва бьбьнә пʹара «кәрик» пез, бьн рʹебәрийа «шьванәки».

¹⁰ Чахе әм тенә щьвине, бь wе йәке әм йәктийе тʹәви хушк-бьра хwәй дькьн (Зәб. 133:1). Һьнә хушк-бьред мә сәва рʹастийе һатьнә инкʹаркьрьне жь де-баве хwә, йан жь хушк-бьред хwәйи һәлал. Ле Иса соз дайә wан, кӧ малбәта рʹӧһʹани бьдә wан, кʹижан кӧ wе wана һʹьз кә у бона wан хәм кә (Марq. 10:29, 30). Демәк чахе һун һәртʹьм тенә щьвине, һун дькарьн бона wан хушкбьред дәлал бьбьнә де, бав, хушк, йан бьра! Чахе әм дәрһәqа wе йәке дьфькьрьн, гәло әм һелан набьн кӧ тʹьме бенә щьвине?

ӘМЕ ДЬЛЕ ЙАҺОWА ША КЬН

11. Чаwа һатьна мә сәр щьвине мәщале дьдә мә бьдьнә Йаһоwа чь кӧ әw һежа йә?

¹¹ Чахе әм тенә щьвине, әм дьдьнә Йаһоwа әwе йәке чь кӧ әw һежа йә. Чаwа Әʹфьрандаре мә, Йаһоwа һежайи пәсьна, һӧрмәте, рʹумәте у рʹазибуне йә. (Бьхунә Әʹйанти 7:12.) Гава әм щьвинеда дӧа дькьн, кʹьлама дьстьрен, у дәрһәqа Йаһоwа хәбәрдьдьн, әм дьдьнә wи әwе йәке чь кӧ һежайи wи йә, демәк әм wи дьһʹәбиньн. Әм гәләк qимәт дькьн wи qәдьри, кӧ дькарьн пәсьна бьдьнә Wи, кʹижан кӧ гәләк тьшт кьрийә бона мә.

12. Йаһоwа ча дьньһерʹә сәр мә, чахе дьвинә кӧ әм гӧрʹа тʹәмийа wи дькьн у дьчьнә щьвине?

¹² Йаһоwа ӧса жи һежа йә кӧ әм гӧрʹа wи бькьн. Әwи тʹәми дайә мә, кӧ щьвине бәрнәдьн, илаһи wан рʹожед хьлазийеда. Чахе әм бь һазьрбуне гӧһ дьдьнә wе тʹәмийе, Йаһоwа ша дьбә (1 Йуһʹн. 3:22). Әw дьвинә у qимәт дькә qәwата мә, йа кӧ әм дьдьн хәбате сәва тʹьме һәрʹьн щьвине (Ибрн. 6:10).

13, 14. Чахе әм тенә щьвина, әм ча незики Йаһоwа у Иса дьбьн?

¹³ Чахе әм тенә сәр щьвате бь ве йәке әм нишан дькьн, кӧ дьхwазьн незики Йаһоwа у Кӧрʹе wи бьн. Щьвинеда Һинкʹаре мәйи гьринг бь сайа Хәбәра хwә мә һин дькә (Иша. 30:20, 21). Һәла һе йед нәбаwәрмәнд жи, кӧ тенә сәр щьвине дьбежьн кӧ «Хwәде нав wәда йә!» (1 Корн. 14:23-25). Йаһоwа бь рʹӧһʹе хwәйи пироз щьвине кʹәрәм дькә у әw һинкьрьна кӧ әм дьстиньн жь Хәбәра wийә. Ль сәр щьвине әм гӧһ дьдьнә хәбәред Йаһоwа у тʹәхмин дькьн һʹьзкьрьна wи. Бь wи щурʹәйи әм незики wи дьбьн.

¹⁴ Иса гот: «Кʹидәре дӧ йан се мәрьв бь наве мьн бьщьвьн, әз ль wьр нава wанда мә» (Мәт. 18:20). Әw йәк Иса дәрһәqа щьвате гот. Сәре щьвине Мәсиһ нава щьвата щьмәʹта Хwәдеда «дьгәрʹә» (Әʹйан. 1:20–2:1). Дәрһәqа wе йәке бьфькьрә! Йаһоwа у Иса мә qәwи дькьн бь сайа щьвина. Ча тӧ дьшьрмиш дьби, Йаһоwа чь тʹәхмин дькә чахе дьвинә, кӧ әм дьхwазьн незики wи у Кӧрʹе wи бьн?

15. Ча һатьна мә сәр щьвате дьдә кʹьфше, кӧ әм дьхwазьн гӧрʹа Хwәде бькьн?

¹⁵ Һатьна мә ль сәр щьвине нишан дькә, кӧ әм пьштгьрийа һʹӧкӧмәтийа Хwәде дькьн. Рʹаст ә Йаһоwа тʹәмийе дьдә мә кӧ әм һәрʹьн щьвине, ле әw тʹӧ щар зоре мә накә (Иша. 43:23). Ләма жи әм чахе әм сафи дькьн кӧ гӧрʹа wи бькьн, демәк бенә сәр щьвине, әм дьдьнә кʹьфше кӧ Йаһоwа бь дьл у щан һʹьз дькьн, qәдьре һʹӧкӧмәтийа wи дьгьрьн (Рʹом. 6:17). Мәсәлә, мәзьне хәбате дькарә жь мә дәʹwа кә, wәки дәwса кӧ әм һәрʹьнә щьвине, әwи wәʹдәйи хәрщ кьн сәва хәбате. Йан дьбәкә һʹӧкӧмәтийа wәлат мә бьдә тьрсандьне, кӧ һәгәр әм тʹәви һәв тʹоп бьн сәва хьзмәт кьн, әме йан щьрме бьдьн, йан һәрʹьнә кәле, йан жи тьштед wан хьрабтьр. Йан жи дьбәкә дәwса кӧ һәрʹьнә щьвате, әм дьхwазьн һеса бьн кӧ wәʹдә дәрбаз кьн. Wан һәр дәрәщада, әм бәр бьжартьне нә гӧрʹа кʹе бькьн (Кʹар. Шанд. 5:29). Чахе әм дьжберьн кӧ гӧрʹа Йаһоwа бькьн, әм дьле wи ша дькьн (Мәтʹлк. 27:11).

БӘРДӘWАМ КӘ ТʹЬМЕ ХWӘ ЛЬ ЩЬВИНЕ БЬГЬРӘ

16, 17. а) Әм жь кʹӧ заньн кӧ щьвин бона Мәсиһийед qьрʹна йәкеда гәләк фәрз бу? б) Бьре мәйи Щорщ Гангас ча дьньһерʹи сәр щьвине?

¹⁶ Мәсиһийед qьрʹна йәкеда, паши ве кʹәрәмәта кӧ сала 33 Д.М. рʹожа Пенщийе Һʹәсабе qәwьми, диса бәрдәwам дькьрьн дьщьвийан. Wана «тʹьме хwә ль һинкьрьна шандийа дьгьрт, ль һәв дьщьвийан» (Кʹар. Шанд. 2:42). Wи чахи Мәсиһи дьжитьн бьн һʹӧкӧме Рʹоме у сәрwеред религийа Щьһуйада, у wанрʹа нәһеса бу кӧ һәрʹьнә щьвине. Ле йәкә, әwана тʹьме дьчунә щьвине.

¹⁷ Иро жи гәләк хьзмәткʹаред Йаһоwа рʹазибуна хwә дьдьнә кʹьфше бона щьвата. Щорщ Гангас, кʹижан кӧ 22 сала хьзмәт дькьр Кʹома Рʹебәрийеда, гот: «Әʹмьре мьнда тʹопбуйина тʹәви хушкбьра шабун у qәwикьрьна гәләк мәзьн ә бона мьн. Әз һʹьз дькьм зу бемә Ода Щьвате у дәрәнг һәрʹьм, һәрге те сьтандьн. Әз шабунәкә мәзьн дьстиньм, чахе тʹәви щьмәʹта Хwәде хәбәрдьдьм. Чахе әз нав wанда мә, әз тʹәхмин дькьм те бежи әз нав нәфәре хwәда мә, щьнәта рʹӧһʹанида». Әw зедә дькә: «Чаwа кӧ компос һәртʹьм алийе бакʹуре нишан дькә, бь wи щурʹәйи тʹьме фькьр у хwәстьна мьн wи алида йә кӧ һәрʹьмә щьвате».

18. Тӧ чь дьфькьри дәрһәqа щьвинед мә, у тӧ чь сафи дьки кӧ бьки?

¹⁸ Тӧ жи әwе йәке сәр хwә тʹәхмин дьки, чахе әм тʹәвайи тʹоп дьбьн кӧ Йаһоwарʹа хьзмәт кьн? Һәрге әре, һәр тьшти бькә сәва һәртʹьм бейи сәр щьвине. Бь wи щурʹәйи те нишан ки, кӧ тӧ тʹәви гьлийед Даwьд Пʹадша qайил и, кӧ гот: «Әз һʹьз дькьм йа Хӧдан жь мала тә» (Зәб. 26:8, ИМ).