Чаwа Тö Дькари Рʹазибуна Хwә Һьндава Пʹешкʹеша Мәхсус Бьди Кʹьфше?

ЧАХЕ кәсәк пʹешкʹешәкә мәхсус дьдә тә, әв йәк гәрәке тә һелан кә рʹазибуна хwә бьди кʹьфше. Иса әв йәк рʹьнд нишан кьр бь мәсәла дәһә мәрьва, йед кö бь нәхwәшикә гьран нәхwәш бун у карьбун qәнщ бьн. Жь wан мәрьва тʹәне йәк «пашда вәгәрʹийа, бь дәнгәки бьльнд шькьри дьда Хwәде». Иса гот: «Нә һәр дәһ һатьнә паqьжкьрьн? Кʹа һәр нәһед дьн ль кʹö дәре нә?» (Луqа 17:12-17). Жь ве мәсәле чь те кʹьфше? Әм ча зу бир дькьн qәнщийа кö бона мә дькьн!

Кʹьрин нькарә бәрамбәри пʹешкʹешед дьн бә. Әв пʹешкʹешәкә лапә мәзьн у qимәт ә, кö нава тʹәрихийа инсанәтеда һатийә дайине. Ле тö ча хwә дьди кʹьфше һьндава тьште qимәт, кö Хwәде сәва һʹалхwәшийа тә кьрийә?

• Пебьһʹәсә дәрһәqа Кәсе кö пʹешкʹеш дайә тә. Бь хwә кʹьрин нькарә жийина һʹәта-һʹәтайе бьдә һʹәму мәрийа. Иса бь дöа Хwәдерʹа гот: «Әв ә жийина һʹәта-һʹәтайе, wәки әw тә нас кьн, чаwа Хwәдейе рʹасти бешьрики-беһәвал у öса жи Иса Мәсиһе кö тә шандийә» (Йуһʹәнна 17:3). Һәрге тәрʹа бьготана кö бьчʹуктайа тәда мәрьвәки тö жь мьрьне хьлаз кьри, һәмьки тәйе бьхwәста дәрһәqа wи һе зедә пебьһʹәсийайи у öса жи кö чьма әwи тö хьлаз кьри. Йаһоwа Хwәде пʹешкʹеша кʹьрине дайә мә, йе кö жийина мә хьлаз дькә. У әw дьхwазә wәки тö нә кö тʹәне дәрһәqа wи бьзаньби, ле öса жи незики wи би. Кʹьтеба Пироз дьбежә: «Хwә ль Хwәде бьгьрьн, Хwәде жи wе хwә ль wә бьгьрә» (Аqуб 4:8).

• 

  Баwәрийа хwә кʹьрине бинә. «Әwе кö Кöрʹ баwәр дькә, жийина wийә һʹәта-һʹәтайе һәйә» (Йуһʹәнна 3:36). Чь те һʹәсабе баwәрийа хwә кʹьрине биньн? Әв те һʹәсабе бь кьред хwә бьдьнә кʹьфше кö баwәрийа мә һәйә (Аqуб 2:17). Бь чь кьра? Пешкʹеш тʹәне һьнге дьбә йа тә, чахе тö әве һьлдьди у qәбул дьки. Демәк кʹьрʹине жи гәрәке qәбул кьн у ча бежи һьлдьн. Чь щурʹәйи? Пебьһʹәсә кö ль гора qьрара Хwәде тö чаwа гәрәке бьжийи, у паше ль гора ве йәке хwә кʹьфш кә.a Хwәдерʹа дöа бькә кö тә бьбахшинә у исафа тʹәмьз бьдә тә. Тö гәрәке баwәр бьки кö бь сайа кʹьрине әме жийина һʹәта-һʹәтайе бьстиньн у бьжин әʹдьлайеда, бехофийеда у ләзәте бьвиньн. Әw һʹәму тьшт wе бьстиньн мәрьвед кö баwәрийа хwә кʹьрине тиньн! (Ибрани 11:1).

• 

  Һазьр бә ль сәр Евара Биранина мьрьна Иса. Иса әв qәwьмандьна һәрсали кʹьфш кьр, сәва кö әм бькьнә бира хwә пʹешкʹеша qимәт демәк кʹьрʹин. Дәрһәqа дәрбазкьрьна ве qәwьмандьне Иса гот: «Ве йәке бона биранина мьн бькьн» (Луqа 22:19). Шәʹдед Йаһоwа wе мьрьна Иса биньн бира хwә ль рʹожа Сешәме, 11 Нисане сала 2017, чахе рʹо һәрʹә ава. Әв бәрнама wе сьһʹәтәке бькʹьшинә, у ль wьр wе бе шьроwәкьрьне wәки qöрбанбуна Иса чь щурʹәйи дькарә мәрʹа ньһа кʹар бә у ль ахьрийеда жи кʹәрәма бинә. Сала пар, wәкә 20 милйон мәрьв нав тʹәмамийа дьнйайе ль сәр Евара Биранине щьвйа бун. Әм бь дьл у щан wә тʹәглиф дькьн сәва кö бь ве йәке рʹазибуна хwә һьндава пʹешкʹеша Хwәдейе пʹьрʹ мәзьн бьдьнә кʹьфше.