Әм Дькарьн Чь Пʹешкʹеш Бьдьнә Йаһоwа?

ЩАРӘКЕ Иса гот: «Хwәзи ль дайийа, нә кö ль стандийа» (Кʹар. Шанд. 20:35). Әw рʹез öса жи гьредайи йә тʹәви һәләqәтийа мә тʹәви Йаһоwа. Ле чьрʹа? Йаһоwа гәләк пʹешкʹеша дьдә мә, кижан кö мә бәхтәwар дькьн, ле әм дькарьн һе зедә бәхтәwар бьн, һәрге әм жи пʹешкʹеша бьдьнә Йаһоwа. Ле әм чь дькарьн бьдьнә wи? Мәтʹәлок 3:9 дьбежә: «Һәбука хwәва qәдьре Хöдан бьгьрә». Нава «һәбука» мәда нә, öса жи wәʹдә, фәрәсәт, qәwат у тьштед мәйи qимәт дькʹәвә. Чахе әм wан тьшта бона хьзмәтийа мәйә Хwәдерʹа дьдьнә хәбате, әм пʹешкʹеш дьдьнә Йаһоwа. Әw йәк мә гәләк дьлша у бәхтәwар дькә.

Ле wе чь али мә бькә сәва әм бир нәкьн, wәки жь һәбуна хwә жи пʹешкʹеш бьдьнә Йаһоwа? Паwлосе шанди готә Мәсиһийед Коринтʹи, wәки бона qöрбанкьрьне «дәсте хwәрʹа паш» хьн (1 Корн. 16:2). Һе зедә информасийа кö чаwа һун дькарьн wәлате хwәда пʹәра qöрбан кьн, жь кʹәрәма хwә бьньһерʹьн чаргоша жере.

Һʹәму wәлатада онлайн пʹәрәqöрбанкьрьн найе стандьне. Ле бона һе зедә информасийа кö чаwа пʹәрә qöрбан кьн, сәр wеб рʹупʹела пʹәрәqöрбанкьрьне һәйә. Һьнә wәлатада, сәр ве рʹупʹеле щабед пьрсед пʹәрәqöрбанкьрьнева гьредайи һәнә.