Ԛӧтʹийа Пьрса

◼ Гәло чахе хушк тʹәви бьра һинбуна Кʹьтеба Пироз бәр дәри дәрбаз дькә, әԝ гәрәке сәре хԝә гьредә, йан на?

Һәгәр щәм хушкәке һинбуна Кʹьтеба Пирозә һәр гав һәйә, у ԝәʹде һинбуне бьра тʹәви ԝе йә, һьнге хушк гәрәке сәре хԝә гьредә (1 Корн. 11:3-10). Дь «Бьрща Ԛәрәԝьлийе» да йа 15 тирмәһе (йуиен), сала 2002, ль сәр рʹупʹела 27 (ru), ӧса те шьровәкьрьне: «Әв һинбуна Кʹьтеба Пирозә кʹьфшкьри йә, у кʹи кӧ һинбуне дәрбаз дькә, дь ве дәрәщеда рʹебәр ә. Бь ви щурʹәйи һинбуна Кʹьтеба Пироз, дьбә пʹарәк жь щьвате. Һәгәр хушка ньхӧманди дәрбаз дькә һинбуна Кʹьтеба Пирозә ӧса, у бьре ньхӧманди жи тʹәви ԝе йә, һьнге әԝ гәрәке сәре хԝә гьредә». Әв принсип ԝи чахи жи те хәбьтандьне, чахе бьре нәньхӧманди жи тʹәви хушке дьчә сәр һинбуне. У фьрԛи тʹӧнә кӧ һинбун малда ԝе дәрбаз бә, бәр дәри, йан жи щийе дьн.

Хенщи ԝе йәке, һәгәр һинбуна Кʹьтеба Пирозә бәр дәри, һе нәһатийе кʹьфшкьрьне, ԝи чахи лазьм нинә кӧ хушк сәре хԝә гьредә, чахе тʹәви бьра дьчә сәр сәрледана дӧбарә. Хушк һәла һе ԝи чахи жи дькарә сәре хԝә гьренәдә, һәгәр нета сәрледана дӧбарә әԝ ә, кӧ нишан кә ԝәки чаԝа һинбуна Кʹьтеба Пироз дәрбаз дьбә, йан жи чахе шеԝьр дькә дәрһәԛа тʹемәке жь әʹдәбйәтед сәва һинбуне. Һинбуна Кʹьтеба Пирозә бәр дәри гәләк щар һеди-һеди дәстпедьбә, бь аликʹарийа сәрледанед дӧбарә, кʹижан кӧ бь хирәт тенә кьрьне. Даннасинкʹаррʹа лазьм ә һьлдә һʹәсаб һʹәму дәрәща, у сәрԝахт бә сәва кӧ бькарьбә те дәрхә, һәла кʹәнге сәре хԝә гәрәке гьредә.