Аликʹари ԝанарʹа, йед кӧ һе һазьр ниньн һин бьн кʹьтеба «Чь һин дькә Кʹьтеба Пироз?»

1. Гәло чьрʹа һьнә мәри Кʹьтеба Пироз ԛәбул накьн? Шьроԝәкә.

¹ Сәва кӧ мәри бьбә ԛӧльхкʹаре Йаһоԝа, әԝ гәрәке пебьһʹәсә һәла Кʹьтеба Пироз чь һин дькә. Рʹелигийа һьнә мәрийа нә йа мәсиһти йә, у әԝана һʹәсаб накьн кӧ Кʹьтеба Пироз, әԝ Хәбәра Хԝәде йә. Йед дьн жи Хԝәде баԝәр накьн у ләма Кʹьтеба Пироз ԛимәт накьн. Һәнә йед ӧса жи, йед кӧ ԛәбул накьн кʹьтеба «Чь һин дькә Кʹьтеба Пироз?» у нә жи дьхԝазьн жь ве кʹьтебе дәрһәԛа Кʹьтеба Пироз кʹур пебьһʹәсьн. Ле гәло сәва мәрьвед ӧса әм кʹижан һащәтед дьн дькарьн бьдьнә хәбате сәва кӧ али ԝан бькьн? Ширәтед жере готи, ль сәр һʹиме хәбәрдан у щабед ԛӧльхкʹара ньн, йед кӧ жь 20 щурʹә-щурʹә ԝәлата ньн.

2. Һәгәр кәсәк дьбежә кӧ әԝ Хԝәде баԝәр накә, һьнге әм гәрәке дәрһәԛа чь пебьһʹәсьн у чьрʹа?

² Әԝед кӧ Хԝәде баԝәр накьн: Чахе кәсәк дьбежә кӧ әԝ Хԝәде баԝәр накә, ԝе гәләк баш бә ԝәки әм пебьһʹәсьн, гәло мәʹнийа ве йәке чь йә. Дьбәкә әв еволусийе баԝәр дькә? Йан дьбәкә әԝ баԝәрийа хԝә һьндава Хԝәде ӧндакьрийә жь бо нәһәԛийед кӧ дьнйайеда дьԛәԝьмьн, йан жи жь бо дӧрутийа религийайе? Дьԛәԝьмә әԝ жь ԝәлатәки ӧса һатийә, кʹидәре кӧ ԛәдәхәкьрийә Хԝәде баԝәр кьн? Дьбәк әԝ нә жи инкʹар дькә кӧ Хԝәде һәйә, ле дьԛәԝьмә әԝ нә жи дьшьрмиш дьбу, кӧ һʹәԝщә йә Хԝәде баԝәр бькьн? Гәләк ԛӧльхкʹар пьрсед ӧса дьдьнә ԝан: «Һун һәр гав ӧса дьшьрмиш дьбун?» у әв йәк мәрийа һелан дькә кӧ фькьред хԝә бежьн. Гӧһ бьдә мәрийа у хәбәрдана ԝан нәбьрә. Чахе әм фәʹм дькьн, кӧ чьрʹа мәри Хԝәде баԝәр накә, һьнге әме бьзаньбьн ԝәки чаԝа щаба хԝә бьдьн у кʹижан әʹдәбйәте бьһельн (Мәтʹлк. 18:13).

3. Ча әм дькарьн нишан кьн, кӧ ԛәдьре мәрийа у баԝәрийа ԝан дьгьрьн?

³ Чахе щаба мәрийа дьди, фәсал бә кӧ хәбәрдана хԝәда нәди кʹьфше, ԝәки йан чь тӧ ԛәдьре ньһерʹандьна ԝан нагьри. Жь филиала Әмерикайе Йәкбуйи, ширәта ӧса һатьбу дайине: «Гәләк фәрз ә, ԝәки әм ԛәдьре азайа мәрийа бьгьрьн, кӧ әԝана дькарьн хԝәха сафи кьн чь баԝәр бькьн? Дәԝса кӧ перʹа-перʹа ԝанарʹа тьштәки избат ки, ԝе баш бә кӧ пьрсед ӧса бьди ԝан, ԝәки әԝана һелан бьн дьшьрмиш бьн у хԝәха бькарьбьн бенә сәр нета рʹаст». Бәрпьрсийарәки рʹеԝи дьбежә, ԝәки әԝ дьхәбьтә кӧ гӧһ бьдә ԝе йәке, һәла чаԝа хԝайе мале фькьред хԝә шьровәдькә, паше жи пьрс дькә: «Һун ԛә дьшьрмиш дьбун дәрһәԛа ԝе йәке, кӧ әв йәк дькарә бе сери?»

4. Ча әм дькарьн али будиста бькьн?

⁴ Будист, фәʹмкьрьна ӧса, чаԝа Хԝәде, хәриб һʹәсаб дькьн. Һьнә ԛӧльхкʹар дь Британида, чахе мәрьвед ӧсарʹа даннасин дькьн, брошура ӧса дьдьнә хәбате« «Прочный мир и счастье-как их найти». Паше ԝе йәке чахе әԝана дина хԝә дане ль сәр һьнә әʹламәтийа дь брошуреда, мәрийарʹа тʹемәкә ӧса дь брошуреда нишан дькьн «Существует ли Всевышний Бог и Создатель?»a у паше жи «Полезное руководство для всего человечества». Паше ве йәке ԛӧльхкʹар дькарә нишан кә кʹьтеба «Чь һин дькә Кʹьтеба Пироз?» у ӧса бежә хԝайе мале: «Һәгәр һун Хԝәде баԝәр накьн жи, һинбуна Кʹьтеба Пироз йәкә керһати йә, чьмки ль вьр гәләк ширәтед лазьм тенә дайине». Пешәнгәкb дь Әмерикайе Йәкбуйида, йе кӧ дь мьһала йа ль сәр зьмане чинайа ԛӧльх дькә, ӧса дьбежә: «Гәләка дь мьһала мәда, хԝәндьне һʹәз дькьн. Ләма жи чахе әм щара дӧда тенә щәм мәрийа, әԝана әԝ әʹдәбйәт кӧ мә ԝанарʹа һишт, педа ида хԝандьнә. Ле әԝана дьбәк нә жи фәʹм дькьн нета һинбуна Кʹьтеба Пироз. Ләма жи мьрʹа һʹәԝас ә, кӧ щара пешьн дина ԝан бьдьме ль сәр брошура, «Мьзгинийа Хԝәде сәва мәрийа», чьмки әв брошур ӧса һатийә ньвисаре кӧ мәрийа һелан кә шеԝьр бькьн.» Бәрпьрсийаре мьһале дь Әмерикайе Йәкбуйида, йе кӧ дь мьһала йа ль сәр зьмане чинайа ԛӧльх дькә, дьбежә, кӧ дькарьн ԝәʹде сәрледана хԝәйә пешьн дина мәрийа бьдьнә ль сәр кʹьтеба «Чь һин дькә Кʹьтеба Пироз?» Ләма жи ԝе һе баш бә дәстпекьн шеԝьр бькьн дәрһәԛа сәре 2, кʹижан кӧ дәрһәԛа Кʹьтеба Пироз гьли дькә, нә кӧ сәре 1, йе кӧ дәрһәԛа Хԝәде гьли дькә.

5. Чьрʹа фәрз ә сәбьркьрьн?

⁵ Бь рʹастийе жи ԝәʹдә лазьм ә, сәва кӧ али мәрийа бьки кӧ әԝана дәстпекьн баԝәрийа хԝә Хԝәде биньн. Сәва ве йәке сәбьркьрьн лазьм ә. Ԝәʹде сәрледана мәйә пешьн, мәри дьԛәԝьмә нә жи ԛайил бә бь ԝе йәке, кӧ Әʹфьрандар һәйә. Ле дьбәк һьнә ԝәʹдә шунда, әԝ ԝе ԛайил бә кӧ бь рʹастийе Әʹфьрандар һәйә. Йан жи әԝ дькарә бежә, кӧ фәʹм дькә ԝәки чьрʹа кәсәк дькарә ӧса дьшьрмиш бә.

6. Чьрʹа һьнә мәри итʹбарийа хԝә Кʹьтеба Пироз найиньн, йан жи һʹәԝаса ԝан ве кʹьтеберʹа найе?

⁶ Әԝед кӧ итʹбарийа хԝә Кʹьтеба Пироз найиньн: Һәр щар кʹи кӧ бь дӧдьлийе дьбежә ԝәки Хԝәде һәйә, ԝирʹа нә жи һʹәԝас ә пебьһʹәсә кӧ чь Кʹьтеба Пироз дьбежә, чьмки әԝ баԝәр накә кӧ әԝ Хәбәра Хԝәде йә. Дьбәк мәрьв, йан жи малбәта ԝи жь ԝәлатед нәмәсиһийа дәрбази ԝәлате мә бу, у әԝ дьбежә кӧ Кʹьтеба Пироз әв кʹьтеба мәсиһийа йә. Йан жи дьбәкә әԝ жь ԝәлатәки ӧса нә, йе кӧ те навкьрьне ча ԝәлате мәсиһти, ле бь рʹастийе әв ԝәлат нә жи дькә ӧса, чаԝа кӧ ԝе лайиԛи мәсиһийа бә, ләма жи мәри дькарә дьшьрмиш бә кӧ Кʹьтеба Пироз сәва ԝи керһати нибә. Ле гәло чаԝа әм дькарьн али мәрьвед ӧса бькьн, сәва кӧ әԝана бьхԝазьн дәрһәԛа Кʹьтеба Пироз пебьһʹәсьн. У ӧса жи кӧ бькарьбьн итʹбарийа хԝә ле биньн, у ль ахьрийе жи ԛәбул кьн дәрбаз бьн һинбуне, бь кʹьтеба «Чь һин дькә Кʹьтеба Пироз?»

7. Чь әм щарна дькарьн бькьн, сәва кӧ һʹәԝаса мәрийа һьндава Кʹьтеба Пироз мәзьн кьн?

⁷ Филиала Йунаньстане ӧса ньвиси: «Сәва кӧ бькарьби һʹәԝаса мәрийа һьндава Кʹьтеба Пироз мәзьн ки, гәләк тьшт нә лазьм ә. Дькари тʹәне Кʹьтеба Пироз ԝәки у ԝанарʹа нишан ки, ԝәки чь ль ԝе дәре те готьне. Гәләк ԛӧльхкʹар дьбежьн, кӧ ль сәр мәрийа гәләк һʹӧкӧм дькә нә кӧ гьлийе мә, ле әʹламәтийа жь Кʹьтеба Пироз (Ибрн. 4:12). Чахе гәләка дь Кʹьтеба Пирозда наве Хԝәде дьбиньн, әв йәк али ԝан дькә кӧ хԝәстьна хԝә һе мәзьн кьн, сәва кӧ һе зедә дәрһәԛа Кʹьтеба Пироз пебьһʹәсьн». Филиала Һьндьстане жи ӧса ньвиси: «Рʹасти дәрһәԛа жийине у мьрийа, бь рʹастийе жи дьле гәлә мәрьвед Һиндийайе дьгьрә. Әԝана дьхԝазьн пебьһʹәсьн, гәло дьнйакә ӧса рʹасти ԝе һәбә, кʹидәре кӧ мәри бь бәрәка ԝе нәйенә пʹараԝәкьрьне, у мәрик ль сәр йед дьнена хԝә бьльнд нәгьрә». Бәле, чахе мәри дәрһәԛа проблемед мьһала хԝә хәбәр дьдә, әв йәк мәщаләкә баш дьдә ԛӧльхкʹаре, сәва кӧ бь Кʹьтеба Пироз нишан кә, кӧ Пʹадшатийа Хԝәде ԝе һале дьнйайе рʹаст кә.

8. Чь әм дькарьн бежьн ԝан мәрийа, йед кӧ Кʹьтеба Пироз дькьнә бьн шьке?

⁸ Һәнә мәрьвед ӧса жи, йед кӧ жь бо һинкьрьнед мәсиһтийа, Кʹьтеба Пироз дькьнә бьн шьке. Һьнге дькари ԝанарʹа нишан ки, кӧ әв дьнйа йа кӧ хԝә һʹәсаб дькә ча мәсиһти, бь рʹастийе Кʹьтеба Пироз у һинкьрьнед ԝе, нәрʹаст шьроԝәдькә. Филиала Һьндьстане ӧса ньвиси: «Ԝәʹдә шунда әм гәрәке али мәрийа бькьн кӧ бьбиньн, ԝәки дер, рʹастийа Кʹьтеба Пироз хԝәй накьн». Әԝана ӧса жи дьньвисьн, кӧ ль сәр мәрьвед Һиндийайе тʹьме һʹӧкӧм дькә дәрса 4 жь брошура «В чем смысл жизни? Как же его найти?» Дь ве брошуреда те шьроԝәкьрьне, ԝәки дер жь алийе хԝәда чь дькьн, сәва кӧ Хәбәра Хԝәде нә рʹаст шьроԝәкьн у әԝ бьдьнә ӧндакьрьне. Пешәнгәк жь Бразилийайе пьрсәкә ӧса дьдә мәрийа: «Һун дьхԝазьн һе кʹур пебьһʹәсьн дәрһәԛа ԝе йәке, кӧ дь Кʹьтеба Пирозда бь рʹастийе чь ньвисар ә? Гәләк мәрьв бь дьл-әшԛ дьхԝазьн һе кʹур пебьһʹәсьн, у әԝана дьшьрмиш набьн кӧ борщдарьн ль сәр ве пьрсе һʹәма ӧса бьньһерьʹн, чаԝа кӧ рʹелигийа ԝан, ԝана һин дькә. Һун дькарьн әʹщебмайи бьминьн жь бо ԝе йәке, чь кӧ әԝана ԝе ԝәрʹа бежьн».

9. Һәгәр пешийе һʹәԝаса мәрийа найе кӧ Кʹьтеба Пироз һин бьн, чьрʹа ԝе дәме әм гәрәке ԝана нәһельн?

⁹ Йаһоԝа дьле һʹәму мәрийа дьбинә (1 Сам. 16:7; Мәтʹлк. 21:2). Әԝ незики ԝан мәрийа дьбә, йед кӧ дьле хԝә пʹак хԝәй дькьн, у һьндава һʹәбандьна раст жи, ньһерʹандьна рʹаст хԝәй дькьн ( Йуһʹн. 6:44). Гәләк мәрьвед ӧса дәрһәԛа Хԝәде тьштәк ньзаньбун, йан жи дьбәкә дәрһәԛа Кʹьтеба Пироз һьнәк заньбун. Ләма жи ԛӧльхкьрьна мә, ԝанарʹа мәщале дьдә, кӧ «хьлаз бьн у рʹастийе нас кьн» (1 Тимтʹ. 2:4). Демәк һәгәр пешийе һʹәԝаса мәри найе жь бо ве йәке, чь кӧ Кʹьтеба Пироз һин дькә, нәсәкьнә у ԝи наһелә! Тӧ дькари бьди хәбате һащәтед ӧса, сәва кӧ ԝана һелан ки. Ԝәʹдә шунда тӧйе ида бькарьби дина ԝи дәрбаз ки ль сәр һащәтәкә фәрз, демәк ль сәр кʹьтеба «Чь һин дькә Кʹьтеба Пироз?» у һинкьрьне жи дәстпеки.

[Чаргошә сәр рʹупʹела 4]

Һәгәр хԝайе мале дьбежә, кӧ әԝ Хԝәде баԝәр накә, дькари әве йәке бьди хәбате:

• Пьрс кә, «Ԝә һәр гав ӧса дьгот?», у пебьһʹәсә чьрʹа.

• Һәгәр әԝ Будист ә, бьдә хәбате брошура «Прочный мир и счастье. Как их найти?», рʹупʹела 9-12.

• Һәгәр әԝ еволусийе баԝәр дькә, һьнге әв һащәт дькарьн али ԝи бькьн:

Журнала «Һьшийар Бьн!», рʹеза готара «Случайность или замысел?»

Видео «Чудеса творения прославляют Бога»

Брошура «Как найти удовлетворение в жизни» пʹара 4; «Была ли жизнь создана?»; у «У истоков жизни. Пять вопросов, которые требуют ответа»

• Һәгәр әԝ баԝәрийа хԝә һьндава Хԝәде ӧндакьрийә, жь бо нәһәԛийе у кӧл-дәрдед кӧ дьнйайеда дьԛәԝьмьн, дькари ван тьшта бьди хәбате:

Кʹьтеба «Существует ли заботливый Творец?» сәре 10

Бьрошура «На самом ли деле Бог заботится о нас?», пʹара 6 у «В чем смысл жизни?» пʹара 6

• Һәгәр хԝәйе мале дәстпедькә бе ль сәр ԝе нете кӧ Хԝәде һәйә, дькари перʹа-перʹа чаԝа мәщал чебә, дәрбаз би ль сәр кʹьтеба «Чь һин дьькә Кʹьтеба Пироз?». Ԝе баш бә, һәгәр һуне дәстпекьн жь сәре 2, йан жи дәрбази тʹема дьн бьн, йе кӧ лайиԛи һʹәԝще ԝи бә.

[Чаргошә сәр рʹупʹела 5]

Һәгәр хԝайе мале дьбежә, кӧ әԝ Кʹьтеба Пироз баԝәр накә, дькари әве йәке бьди хәбате:

• Жь кʹьтебе «Жизнь-как она возникла? Путем эволюции или путем сотворения?», бьньһерʹьн сәре 17 у 18

• Сәва мәрьвед Һиндийайе бьдә хәбате кʹьтеба «Шеԝьркьрьн ль сәр һʹиме Кʹьтеба Пироз» (ru), рʹупʹела 23 (йан жи дькари бьди хәбате брошура, “Why Should We Worship God in Love and Truth?”)

• Сәва ибранийа бьдә хәбате брошура «Будет ли когда-нибудь мир без войны?», рʹупʹела 3-11.

• Хәбәр дә дәрһәԛа ԝе йәке, кӧ чь кʹаре дькарә бинә әв йәк, чахе хԝә ль принсипед Кʹьтеба Пироз дьгьри. Чахе тӧ әʹдәбийәта бьди хәбате, дькари дина мәрийа дәрбаз ки ль сәр ԝе йәке, ԝәки чь алида Кʹьтеба Пироз керһати йә:

Журнала «Һьшийар Бьн!» рʹеза готара, “Помощь семье”

Видео: «Библия-сила, изменяющая нашу жизнь»

Брошура «Мьзгинийа Хԝәде сәва Мәрийа» дәрса 9 у 11; «Книга для всех», рʹупʹела 22-26; у «Как найти удовлетворение в жизни» пʹара 2

Сәва Будиста бьдә хәбате кʹьтеба «Шеԝьркьрьн ль сәр һʹиме Кʹьтеба Пироз» (ru), рʹупʹела 20 (йан жи брошура «Путь к миру и счастью», рʹупʹела  3-7.)

Сәва мусулмана бьдә хәбате брошура, «Настоящая вера-ключ к счастью», пʹара  3.

Һәгәр тӧ ль мьһаләки ӧса ԛӧльх дьки, кʹидәре кӧ мәри Кʹьтеба Пироз дькьнә бьн шьке, һьнге ԝе баш бә нә кӧ тʹәне дина ԝан бьдьнә ль сәр гьлийе хԝә ле дькарьн:

• Шьроԝәкьн кӧ чаԝа пʹехәмбәртийед Кʹьтеба Пироз, бь рʹастийе һатьнә сери. Һун дькарьн әʹдәбйәтед ӧса бьдьнә хәбате:

Видео: «Библия: точность истории, достоверность пророчеств»

Бьрошура: «Книга для всех», рʹупʹела  27-29

• Һәгәр мәри дәстпедькә пьрс кә, кӧ чь дьбежә Кʹьтеба Пироз дәрһәԛа тʹемед дьн, дькари перʹа-перʹа чаԝа мәщал чебә, дәрбаз би ль сәр кʹьтеба «Чь һин дьькә Кʹьтеба Пироз?».

[Чаргошә сәр рʹупʹела 6]

Һәгәр хԝайе мале дьбежә: «Әз Хԝәде баԝәр накьм», тӧ дькари ӧса бежи:

• «Һәгәр һун изьне бьдьн, әз дькарьм кьн ԝәрʹа шьроԝәкьм, ԝәки чь мьн гӧман кьрийә баԝәрийа хԝә Әʹфьрандар биньм?» Паше дькари һьнә фькьра бьди хәбате жь кʹьтеба «Шеԝьркьрьн ль сәр һʹиме Кʹьтеба Пироз», рʹупʹелед 84-86 (ru), йан жи дькари бежи, кӧ тӧйе әʹдәбийәтәке бини, йе кӧ ԝерʹа хԝәш бе.

• «Бь дьшьрмишбуна ԝә Хԝәде йәки ча нә?». Һәгәр мәри дьбежә кӧ Хԝәде бь һʹәзкьрьне тʹьжә йә, рʹәʹм у дьлшәԝат ә, у гәләк щар мәрьв һʹәма ӧса жи дьбежьн. Һьнге дькари ԝирʹа бежи кӧ Кʹьтеба Пироз жи дьбежә, ԝәки Хԝәде хԝайе хәйсәт-һʹӧнӧред ӧса нә. (Һәгәр дәст дьдә дькари бьди хәбате кʹьтеба «Чь һин дькә Кʹьтеба Пироз?», у дина ԝи бьди ль сәр сәре 1 у дәстпеки жь абзаса 6).

Һәгәр хԝайе мале дьбежә: «Әз Кʹьтеба Пироз баԝәр накьм», тӧ дькари ӧса бежи:

• «Бәле, гәләк мәри ӧса дьшьрмиш дьбьн. Һьнәка дьбежьн кӧ Кʹьтеба Пироз, нә кʹьтеба зандарийе йә, йан жи кӧ принсипед ԝе керһати ниньн. Жь кʹәрәма хԝә бежьн, ԝә ԛә әв кʹьтеб хԝәндийә?» [Һивийе бә бьра щаба хԝә бьдә. Паше дина ԝи бьдә ль сәр рʹупʹела 3 жь брошура «Книга для всех», брошуре жи ԝирʹа бьһелә.] Бәле, гәләка баԝәрийа хԝә Кʹьтеба Пироз найиньн, чьмки гәләк религийа, һинкьрьед ве кʹьтебе, нә рʹаст у бь щурʹе хԝә шьроԝәдькьн. Щарʹәкә дьн, мьне бьхԝәста тʹәви ԝә хәбәрда дәрһәԛа һьнә мәсәла жь рʹупʹела 4 у 5».

• «Гәләк мәри мина ԝә дьшьрмиш дьбьн. Әз дьхԝазьм тьштәки жь Кʹьтеба Пироз ԝәрʹа нишан кьм, йе кӧ ньһерʹандьна мьн һьндава Кʹьтеба Пироз гӧһаст? [Бьхунә Ибо 26:7 йан Ишайа 40:22, йе кӧ нишан дькә кӧ Кʹьтеба Пироз алийе зандарийеда рʹаст ә.] Дь Кʹьтеба Пирозда ӧса жи гьли-готьнед билани һәнә, йед кӧ али малбәта дькьн. Щарʹәкә майин мьне бьхԝәста һьнә мәсәла ԝәрʹа нишан кьра».

• «Зәʹф рʹази мә, сәва фьркьред ԝә. Гәло һәгәр әв кʹьтеб Хԝәде сәва мәрийа да ньвисаре, демәк әм гәрәке дьшьрмиш бьн, һәла әв кʹьтеб дәрһәԛа чь йә?» Паше дькари мәрьврʹа тьштәки ӧса жь Кʹьтеба Пироз нишан ки, чь кӧ щаба ԝива гьредайи бә.

[Спартьн]