Нава Мәрьвада Хԝә Пʹәргал Хԝәй кьн

1. Чьрʹа фәрз ә ԝәки рʹабун-рʹуньштандьна мә ԝәʹде һатьна сәр щьвата мәзьнә серʹожи, пʹәргал бә?

¹ Чахе әм тенә ль сәр щьватед мәзьн, йед кӧ һәр сал дәрбаз дьбьн, һьнге мәрьвед дор-бәр, дина хԝә дьдьнә мә. Ләма жи гәләк фәрз ә ԝәки рʹабун-рʹуньштандьна мә пʹәргәл бә, чьмки әв йәк дьдә кʹьфше кӧ Хԝәдаки чарʹа әм ԛӧльх дькьн (Ԛан. Кʹаһ. 20:26). Рʹабун-рʹуньштандьна мәйә баш, кʹьнщхԝәкьрьн у хәмьландьн гәрәке әшкәрә бьдьнә кʹьфше, кӧ әм шагьртед Исайә рʹаст ьн. Гәло чахе әм бенә сәр щьвата мәзьнә серʹожи, әм чь гәрәке һьлдьн һʹәсаб сәва кӧ рʹабун-рʹуньштандьна мә нава мәрьвада пʹәргал бә, у бь ве йәке Баве хԝәйи әʹзмана рʹумәт кьн? (1 Пәт. 2:12).

2. Чь мәщалед мә һәнә, сәва кӧ ԝәʹде щьвата мәзьн нишан кьн, кӧ мәсиһи гәрәке ча бьн?

² Нишан кә, кӧ Мәсиһи Гәрәке Йәки Ча бә: Әԝе һʹьзкьрьне йа кӧ әм һьндава һәв у мәрьвед дьн, дьдьнә кʹьфше, гәләк щӧда дьбә жь рʹӧһʹе дьнйайе (Колс. 3:10; 4:5; 2 Тимтʹ. 3:1-5). Әм ӧса жи гәрәке һьндава хәбаткʹаред ресторане у отеле, бәрбьһер у сәбьр бьн, у һәла һе ԝи чахи жи гава һьнә проблем пешда тен. Хенщи ве йәке бь пʹәргалийа хԝә әм ӧса жи дькарьн һьнә пʹәрә бьһельн ԝан мәрийарʹа, йед кӧ дь отелада йан жи ресторанада бәр мә дьчьн тен.

3. Чь ширʹәт де-баварʹа те дайине, у чьрʹа?

³ Де-бав гәрәке рʹьнд дина хԝә бьдьнә зарʹед хԝә, чахе әԝана дь щьвата мәзьнда ньн, ресторанада йан жи отелда ньн (Мәтʹлк. 29:15). Мәзьне ресторанәке щӧтәкә зәԝьщирʹа ӧса гот: «Әм зәʹф ԝә һʹьз дькьн. Чьмки малбәтед ԝә у зарʹед ԝә, рʹабун-рʹуньштандьна пʹәргали дьдьнә кʹьфше у бәрбьһер ьн. Һʹәму хәбаткʹаред мә, дәрһәԛа ԝә хәбәр дьдьн, у мәйе бьхԝәста ԝәки һун һәр һʹәфти ль вьр буна».

4. Ль щийе дәрбазкьрьна щьвата мәзьн, кʹьнщхԝәкьрьна мә гәрәке чь щурʹәйи бә?

⁴ Кʹьнщхԝәкьрьна Лайиԛ у Бәрбьһери: Кʹьнщхԝәкьрьна мә ԝәʹде щьвата мәзьн, гәрәке лайиԛ у бәрбьһер бә. У кʹьнщед мә гәрәке стила ве дьнйайә бе шәрм, нәдә кʹьфше (1 Тимтʹ. 2:9). Хенщи ве йәке әм дьхәбьтьн, ԝәки кʹьнщхԝәкьрьна мә дь отеледа у ԝәʹде дьнда, пешийа у паше щьвата мәзьн ԛьреж у нә лайиԛ нибә. Һәгәр әм ӧса бькьн, әме фьрнаԛ бьн плакетке ль сәр хԝә бьгәриньн, у нә жи шәрм бькьн шәʹдәтийе бьдьн чахе мәщал чебә. Һатьна мә у рʹабун-рʹуньштандьна мәйә пʹәргали ль сәр щьвата мәзьнә серʹожи йа сала 2014, ԝе нә кӧ тʹәне дина мәрийа бькʹьшинә ль сәр мьзгинийа жь Кʹьтеба Пироз кӧ әʹмьр хьлаз дькә, ле ԝе ӧса жи дьле Йаһоԝа ша кә (Сефн. 3:17).

Рʹебәри Бона Щьвата Мәзьнә Серʹожи йа Сала 2014

◼ Сьһʹәта Дәрбазкьрьне: Дәре авайе сьһʹәта 8:00 вәдьбә. Һәр се рʹож, бәрнамә ԝе 9:20 дәстпебә. Чахе бьра әʹлам кә кӧ мьԛам ньһа ԝе дәстпебә, һьнге һәр кәс гәрәке щийе хԝә бьгьрә, сәва кӧ бәрнамә лайиԛ дәрбаз бә. Рʹожа Инийе у Шәмийе кʹьлам у дӧакьрьна хьлазийе, ԝе 16:55 бьбә. Ле Ләʹде сьһʹәта 15:50.

◼ Щьватед Мәзьнә Һʹәмдьнйайе: Дь һьнә ԝәлатада ԝе щьватед мәзьнә һʹәмдьнйайе дәрбаз бьн. Бир нәкьн кӧ филиал хԝәха сафи дькә, кӧ кʹижан щьвата у мәрийа тʹәглиф кә. Ле пешийа ԝе йәке кӧ ԝана тʹәглиф кьн, филиал дьжмерә ԝәки чьԛас щийед рʹуньштьне, щийе сәкьнандьна автойа һәйә, ӧса жи кӧ дь отелада ԝе чьԛас отʹах дәсткʹәвьн. Һәгәр ԛӧльхкʹар бьхԝазьн һәрʹьн ль сәр щьвата мәʹзьнә һʹәмдьнйайе, ле щьвата ԝан нәһатә тʹәглифкьрьне, у әԝана йәкә сафи дькьн бе тʹәглифкьрьне һәрʹьн, дькарә ӧса бьԛәԝьмә кӧ жь бо ве йәке, ль щийе дәрбазкьрьна щьвата һʹәмдьнйайеда дькарьн проблем чебьн. Һәгәр щьвата тә һатийә тʹәглифкьрьне ль сәр щьвата мәзьнә серʹожи, ле тӧ жь бо дәрәща хԝә нькари һәрʹи, у дьхԝази һәрʹи ль сәр йәки майин, һьнге тӧ хԝәха нькари сафи ки ԝәки һәрʹи ль сәр щьвата мәзьнә һʹәмдьнйайе.

◼ Щийе Сәкьнандьна Автойа: Жь кʹәрәма хԝә автед хԝә бәрбь дәре ода щьвата мәзьн нәдьнә сәкьнандьне, сәва кӧ мәрийа пәйа кьн. Әв йәк накʹәвә ԝан мәрийа, йед кӧ әʹмьре хԝәда мәзьн ьн у нькарьн рʹе һәрʹьн. Һәр щийада дәрәщә жь һәв щӧдә дьбә, ләма жи сәва кӧ тʹәрбәтийе хԝәй кьн, һәр ажован гәрәке һьлдә һʹәсаб ԝан рʹебәрийа кʹижан кӧ әԝ бьра дьдьн, йед кӧ щабдар ьн сәва щийе сәкьнандьна автойа.

◼ Щийед Рʹуньштандьне: Рʹаст ә һәр шәбәԛа дәре ода щьвате ԝе вәкьри бьн, жь кʹәрәма хԝә һьлдьн һʹәсаб кӧ әм гәрәке ләз нәкʹәвьн ԝәки щийед пешьн ча сәва хԝә ӧса жи сәва мәрьвед майин бьгьрьн. Ле дәԝсе рʹӧһʹе хԝәԛӧрбанкьрьне мә һелан дькә, ԝәки хушк-бьрарʹа ԛәнщийе бьхԝазьн. Чьмки әв йәк дьдә кʹьфше кӧ әм мәсиһийед рʹаст ьн, у йед дьнена жи һелан дькьн кӧ пәсна бьдьнә Хԝәде (Йуһʹн. 13:34, 35; 1 Корн. 13:4, 5; 1 Пәт. 2:12). Щи һун дькарьн тʹәне сәва ԝан мәрийа бьгьрьн, йед кӧ тʹәви ԝә дь маләкеда дьжин, йан жи йед кӧ тʹәви ԝә автокеда һатьн, ӧса жи бона ԝан дькарьн щи бьгьрьн тʹәви кʹижана кӧ һинкьрьна Кʹьтеба Пироз дәрбаз дькьн.

◼ Хԝарьн: Дәԝса кӧ ԝәʹде нанхԝарьне ода щьвата мәзьн бьһельн у һәрʹьн ԝе баш бә, ԝәки хԝарьна сьвьк тʹәви хԝә биньн. Һәгәр лазьм ә дькарьн ӧса жи, тʹәви хԝә һьлдьн чәнтʹәкә ӧса кʹидәре кӧ хԝарьне бькарьбьн хԝәй кьн кӧ хьраб нәбә, у кʹижан кӧ бьн кʹорсийе щи дьбә. Ле чәнтʹед ви щурʹәйи йед кӧ мәзьн ьн, у фьраԛед шуше изьн тʹӧнә кӧ ль сәр щьватед мәзьн биньн.

◼ Ԛӧрбанкьрьн: Әм дькарьн бь ԝе йәке рʹазибуна хԝә һьндава һазьркьрьна щьвата мәзьн бьдьнә кʹьфше, һәрге ԛӧрбанкьрьна бь рʹәзәдьли бькьн, йед кӧ тенә хәбьтандьне ль сәр шьхӧлед мәйә һʹәмдьнйайе бона щьвата мәзьн.

◼ Дәрман: Һәгәр һун нәхԝәш ьн у дохтор ԝәрʹа дәрмана ньвиси кӧ вәхԝьн, жь кʹәрәма хԝә дәрманед хԝә бир нәкьн кӧ ль сәр щьвата мәзьн биньн. Чьмки дьԛәԝьмә кӧ дәрманед ви щурʹәйи ль сәр щьватед мәзьн тʹӧнәнә. Һʹәму щурʹә дәрзийа изьн тʹӧнә кӧ бавежьнә ԛӧтʹийед гәмара, йед кӧ ль сәр територийа щьватед мәзьн ьн у отелада ньн. Чьмки әв йәк гәләк хоф ә.

◼ Хԝәхԝәйкьрьн жь Ԛәзийа: Жь кʹәрәма хԝә, сәва кӧ һун бькарьбьн хԝә жь ԛәзийе хԝәй кьн, фәсал бьн кӧ ләз нәкʹәвьн у нәшьмьтьн. Һәр сал гәләк ԛәзи дьԛәԝьмьн жь бо ԝе йәке, кӧ солед пәʹнибьльнд пʹе дькьн. Сол гәрәке лайиԛ бьн, һьнге ԝе ԝәрʹа һеса бә у һуне нәтьрьсьн ль сәр пʹепʹәлунга йан жи щийед дьн бьгәрʹьн.

◼ Әʹрәбә Бона Зарʹа (Каләскә), у Кʹӧрсийед кӧ Тенә Тʹопкьрьне: Ль щийе дәрбазкьрьна ода щьвата мәзьн, изьн тʹӧнә бьдьнә хәбате әʹрәбә бона зарʹа у кʹӧрсийед кӧ тенә тʹопкьрьне. Ле изьн һәйә кӧ тʹәв хԝә биньн кʹӧрсийед ӧса бона зарʹа, дь кʹижанада кӧ зарʹ бе хоф ьн. У әв кʹӧрсийе зарʹа, һун дькарьн кʹелака кʹӧрсийа хԝә бьшьдиньн.

◼ Хәбьтандьна Парфийуме: Һьнә щьватед мәзьн щийед дадайида дәрбаз дьбьн. Ләма жь бо һʹьзкьрьна һьндава йед дьнена, ԝе баш бә ԝәки әм тьштед парфийумейә ӧса нәдьнә хәбате, бина кʹижана кӧ зәʹф ԛайим ә. Чьмки әв йәк дькарә һʹӧкӧм кә ль сәр сьһʹәт ԛәԝата ԝан мәрийа, алержийа кʹижана кӧ ль сәр тьштед ӧса һәнә (1 Корн. 10:24).

◼ Әв Кʹи кӧ Дьхԝазьн Һе Зедә Дәрһәԛа Хԝәде Пебьһʹәсьн: Һәгәр ԝәʹде периода щьвата мәзьнә серʹожи, ԛӧльхкʹар ԝәʹде даннасинкьрьна нәформал кәсәкирʹа даннасин кьрьн, у әԝ мәрьв хԝәст һе зедә пебьһʹәсә һьнге дькарьн тʹьжәкьн әԝ бланка кӧ лазьм ә (С-43). Бланкед тʹьжәкьри гәрәке бьдьнә идара әʹдәбийәтарʹа, йан жи чахе жь щьвата мәзьн ԝәгәрʹьн дькарьни бьдьнә секретарʹе щьвата хԝә.

◼ Хԝарьн Паши Щьвата Мәзьн: Чахе һун паши щьвата мәзьн сафи кьн һәрʹьн щикида хԝарьне бьхԝьн, бира хԝәда хԝәй кьн кӧ бь рʹабун-рʹуньштандьна хԝә гәрәке Йаһоԝа һӧрмәт кьн. Кʹьнщед хԝә ӧса хԝә кьн, чаԝа кӧ лайиԛи ԛӧльхкʹаре Хԝәде йә. Һәгәр һун һәрʹьн щикида кʹидәре кӧ һун гәрәке хԝарьне сьфарʹәш кьн кӧ бьхԝьн, һьнге дькарьн һьнә пʹәред зедә жи бьһельн хәбаткʹаред ԝан щийа, һәгәр әԝ бь әʹдәта ви щийе йә.

◼ Щийе Жийине:

Чахе һун дьхԝазьн дь маләкеда щиԝар бьн, һьнге гәрәке ԝан тьштед жере ньвисар һьлдьнә һʹәсаб.

(1)Жь кʹәрәма хԝә, дь һʹәму дәрәщада сәва кӧ дәрһәԛа һʹәԝщед хԝә тьштәки кʹьфш кьн, бьдьнә хәбате бланка лазьм (CO-5a)

(2) Жь кʹәрәма хԝә бир нәкьн кӧ дь маләкида һун дькарьн һаԛас ԝәʹдә бьминьн, чьԛас кӧ лазьм ә сәва кӧ һун ль сәр щьвата мәзьн бьн.

(3)Лазьм ә рʹьнд дина хԝә бьдьнә зарʹед хԝә, у ԝана тʹәне нәһельн.

(4) Меванһʹьзийа хушк-бьра ԛәбул кьн, у рʹазибуна хԝә бьдьнә кʹьфше.

(5) Һәгәр һун мәщбур ьн бланка хԝә рʹәт кьн, һьнге гәрәке әʹсәйи, чьԛас дькарьн зу секретарʹе щьвата хԝәрʹа бежьн.

◼ Ԛӧльхийа Рʹәзәдьли: Һәр кәс кʹи кӧ дьхԝазә аликʹарийе бьдә сәва тʹәмьзкьрьна ода щьвата мәзьн, дькарә бежә ԝе идаре, кʹижан кӧ сәва аликʹарийа тʹәмьзкьрьна щьвата мәзьн щабдар ә. Зарʹед һʹәта 16 сали жи дькарьн дь шьхӧле тʹәмьзкьрьнеда кʹар бькьн, у әԝана әве йәке дькарьн бькьн йан тʹәви де-баве хԝә, йан жи тʹәви ԝан мәрийа,йед кӧ мьԛати ԝан дьбьн у кʹижанарʹа кӧ де-бав изьн данә ԝәки бона ԝан щабдар бьн.