Нәʹма жь Кʹома Рʹебәрийе

Һәвал-Хьзмәткʹаред Мәйә Дәлал:

Әм гәләк ша нә кӧ дәстпека ве сала мәхсусда, дькарьн ԝәрʹа бьньвисьн! Чьмки хьлазийа сала 2014, ԛьрʹнә тʹәмам дьбә, ча Пʹадшайи мәйи һʹьзкьри демәк Иса Мәсиһ, дәстпекьр нава дьжмьнед хԝәда сәрԝертийе бькә (Зәб. 110:1, 2).

Дәстпебуна ве сала хьзмәтийе, ль сәр «Щьвака Бьрща Ԛәрәԝьлийе» йа һәрсали, Комитейа Ԝәлгәрʹандьна Кʹьтеба Пирозә Дьнйа Тʹәзә, дәрхьст Ԝәлгәрʹандьна Дьнйа Тʹәзә йа тʹәзәкьри, ль сәр зьмане Инглизи. Әв ԝәлгәрʹандьна Кʹьтʹеба Пирозә пʹьрʹ баш ә, йе кӧ һәр кәс дькарә бьстинә. Йаһоԝа, рʹункьрийа йед кӧ бь рʹӧһʹ һатьнә кʹьфшкьрьне дабу хәбате, сәва кӧ «Ԝәлгәрʹандьна Дьнйа Тʹәзә» дәрхә (Рʹом. 8:15, 16). Ләма, һʹәма жь бо ве йәке, әв ԝәлгәрʹандьн мәхсус дьбә. Дәбәкә һун жи бь ве йәке ԛайил ьн?

Нава гәләк сала Комитейа Ньвискʹарийе йа Кʹома Рʹебәрийе һе зедә дина хԝә дьданә ԝәлгәрʹандьна Кʹьтеба Пироз. Иро жи «Ԝәлгәрʹандьна Дьнйа Тʹәзә», педа йан жи бь пʹара ль сәр 121 зьмана дәст дькʹәвә. Әм ԝә һелан дькьн, ԝәки Йаһоԝарʹа нишан кьн, кӧ һун чьԛас дьшекьриньн Кʹьтеба Пироз. Ләма жи һәр рʹож әве кʹьтебе бьхуньн у ль сәр ԝе дьшьрмиш бьн. Бь ве йәке, һуне һе незики Авторе ве кʹьтебе бьн, демәк Йаһоԝа Хԝәде (Аԛуб 4:8).

Чахе әм дьбьһен кӧ хушк-бьред мәйә әʹзиз рʹасти щерʹьбандьна тен, әм хәмгин дьбьн. Әм фәʹм дькьн, кӧ щарна дькарә бьԛәԝьмә ԝәки хушк-бьред мәрʹа чәтьн дьбә шабуне хԝәй кьн, чахе әԝана рʹасти щерʹьбандьна тен. Мәсәлә ԝан пашԝәхтийа, малбәтәк дь Асйайеда ньшкева рʹасти чәтьнайикә мәзьн һат, чахе дәст-пʹийе дайике кʹьшийа. Жь бо ве йәке әʹмьре ве малбәте педа һатә гӧһастьне. Сәд һәйф, кӧ ԛә һәкимәк жи нькарьбу али ԝе бькьрана у һʹале ԝе һьнәк сьвьккьрана! Мере ве кʹӧлфәте шәв у рʹож бона ԝе хәм дькә у кʹеләка ԝе йә. Кӧрʹ у дӧ ԛизед ԝан жи бь дьл у щан пьштгьрийа де-баве хԝә дькьн. Бь ве йәке әԝана мәсәләкә баш дьдьнә мәсиһийа. Әв малбәта баш, у ӧса жи һәр кәс жь ԝә, йед кӧ рʹасти щурʹә-щурʹә щерʹьбандьна тен, дькарьн шабуне хԝәй кьн жь бо ԝе йәке, кӧ карьбун ԝәʹде щерʹьбандьна, баԝәрийа хԝә ԛәԝи хԝәй кьн (Аԛуб 1:2-4). Йаһоԝа гӧман дькә рʹункьрийед хԝә у пәзед дьн, ԝәки әме бәхтәԝар бьн, һәгәр щерʹьбандьна тәйах кьн. Чьмки жь бо ве йәке әме бенә кʹәрәмкьрьне у әʹмьре һʹәта-һʹәтайе бьстиньн! (Аԛуб 1:12).

Сала пар, ль сәр Евара Биранине 19 241 252 мәрьв һатьн. Бь рʹастийе жи шабунәкә чьԛас мәзьнә кӧ бьвиньн, ԝәки һаԛас мәри пәсне Йаһоԝа у Иса Мәсиһ дьдьн бь ԝе йәке, кӧ тенә ль сәр ве щьвина сале, йа кӧ сәва щьмәʹта Хԝәде гәләк фәрз ә! Ԝәʹде Евара Биранине, демәк нава мәһа Адаре у Нисанеда, дәнге мәзьнә пәсьндайине дьһат жь ԝан дӧ милйона мәрьва зедәтьр, йед кӧ ча пешәнгед кʹомәкдар ԛӧльх дькьрьн. Бь рʹастийе жи, әв чьԛас һʹәԝас ә! Гәло тӧ ша нәдьбуйи гава пеһʹәсийаи, ԝәки әԝед кӧ ԝәде сәрледана бәрпьрсийаре мьһале ԛӧльх дькьрьн чаԝа пешәнгед кʹомәкдар, дькарьбун бьһатана ль сәр щьвате бона пешәнга йе кӧ бәрпьрсийаре мьһале дәрбаз дькьр у шабунәкә мәзьн бьстандана һәла һе ԝи чахи жи, һәгәр сәрледана бәрпьрсийаре мәһа Адар у Нисанеда нибу? Ԛӧльхкʹаред билан фәʹм дькьн, кӧ чьԛас фәрз ә дь шьхӧле даннасинкьрьнеда у щьватеда, хирәт бьн. Чахе әм педа нав шьхӧле Хԝәдеда нә, һьнге әв али мә дькә кӧ ԛәԝи бьминьн у бькарьбьн жь ԝан тьшта хԝә хԝәй кьн, йе кӧ Шәйтʹан дькә ԝәки баԝәрийа мә сьст кә у мә жь рʹийа рʹастийе дәрхә (1 Корн. 15:58).

Хенщи ве йәке чьԛас баш ә кʹьфш кьн, ԝәки сала хьзмәтийейә пар, ԝәкә 277 344 мәрьв, тʹәсмилкьрьна хԝә бь ньхӧмандьне данә кʹьфше у ньһа әԝана тʹәви хушк-бьред хԝәйә һʹәмдьнйайе ль сәр рʹийа жийине сәкьнинә! (Мәт. 7:13, 14). Әв хушк-бьред мә, йед кӧ тʹәзә һатьнә ньхӧмандьне, һʹәԝще пьштгьрийа мә нә, сәва кӧ тʹьме баԝәрийеда «шьдийайи һʹимгьрти бьн» (Колс. 2:7). Бәрдәԝан кьн һәв дӧ һелан кьн, кӧ бькарьбьн һʹәта хьлазийе тәйах кьн (Мәт. 24:13). «Дьл бьдьнә бәр тьрсонәка, кери кʹәтийа ԝәрьн, һьндава һʹәмуйада сәбьра ԝә һәбә» (1 Тʹеслн. 5:14). Хьлазийе жи, ԝәрен һәр кәс жь мә «һәр гав дӧа бькьн», у бежьн: «Бьра Пʹадшатийа тә бе» (1 Тʹеслн. 5:17; Мәт. 6:10, ДТʹ).

Бьра хԝәндьна ве кʹьтеба «Һәрсали», ԝә хԝәш бе. Хенщи ԝе йәке бьзаньбьн ԝәки әм һәр кәси жь ԝә һʹьз дькьн, чьмки һун Йаһоԝа һʹьз дькьн!

Бьред ԝә,

Кʹома Рʹебәрийейә Шәʹдед Йаһоԝа