Щурʹәк жь Пешанине

Бәлакьрьна Брошуре «Рʹийа Әʹдьлайе у Бәхтәԝарийе», дь Мәһа Һʹәзиранеда

Пешийе чаԝа кӧ бь әʹдәт лазьм ә, мәри сьлав кә у насийа хԝә бьде. Паше жи дькари ӧса бежи: «Иро әм тенә щәм мәрийа у хәбәр дьдьн дәрһәԛа ԝе йәке, кӧ чьрʹа рʹожа иройин һаԛас кӧл-дәрд рʹасти мә тен. Ча һун дьшьрмиш дьбьн, чьрʹа мәри дьчәрчьрьн?» [Һивийе бә, бьра щаба хԝә бьдә.] Әԝ кӧ мәри һаԛас дьчәрчьрьн у рʹасти кӧл-дәрда тен, ԛьрара Хԝәде нибу. Хԝәде мә һʹьз дькә у бона мә хәм дькә. Хенщи ԝе йәке ԛәԝата ԝи дьгьһиже, ԝәки кӧл-дәрда бьдә һьлдане. Әз дьхԝазьм әве брошуре ԝәрʹа нишан кьм, кʹидәре кӧ те шьроԝәкьрьне ԝәки сәре-серида ԛьрара Хԝәде сәва әʹрде чь бу». [Вәкә брошура «Рʹийа Әʹдьлайе у Бәхтәԝарийе», рʹупʹела 12 у 13 у шеԝьр бькә дәрһәԛа созед Хԝәде. Паше жи хԝәйе малерʹа брошуре бьһелә.] Кʹӧтасийе дькари ӧса бежи: «Дьбәкә һун дьшьрмиш дьбьн, кӧ һәрге Хԝәде мәрийа һʹьз дькә у ԛәԝата ԝи жи һәйә ԝәки кӧл-дәрда бьдә һьлдане, гәло чьрʹа әԝ һʹале мә рʹаст накә? Щарәкә дьн, әз дьхԝазьм бем у тʹәви ԝә хәбәр дьм дәрһәԛа ԝе йәке, кӧ чьрʹа Хԝәде дьһелә ԝәки кӧл-дәрд һәбьн». [Ль сәр сәрледана дӧбаре тӧ дькари дәстпеки хәбәрдане бь шеԝьркьрьна готаре, йа кӧ ль сәр рʹупʹела 24 һәйә дь ве брошуреда «Рʹийа Әʹдьлайе у Бәхтәԝарийе», йан жи шеԝьр бькә ль сәр һʹиме брошура «Мьзгинийа Хԝәде сәва Мәрийа» сәре 8.]

Йан жи тӧ дькари ӧса бежи: Иро әм тенә бал мәрийа у хәбәр дьдьн дәрһәԛа ԝе йәке, кӧ чь лазьм ә сәва кӧ малбәт бәхтәԝар бә. Щәм мьн брошурәк һәйә, кʹидәре кӧ те гьликьрьне сәрһати дәрһәԛа дӧ малбәта. Дь малбәтәкеда тʹьме әʹдьлайи һәбу, у һәләԛәтийа ԝан жи тʹәви һәв баш бу. Зарʹ ԛәдьре де-баве хԝә дьгьртьн. Чахе щәм ԝан проблем пешда дьһатьн, һьнге ԝана тʹәвайи әв проблем сафи дькьр. Ле дь малбәтәкә дьнда, әʹдьлайи тʹӧнә бу. Әԝана тʹьме тʹәв һәв шәр дькьрьн. Зарʹ, ԛәдьре де-баве хԝә нәдьгьртьн. Ча һун дьшьрмиш дьбьн, чьрʹа ортʹа ван дӧ малбәта фьрԛийа ӧса мәзьн һәбу? Әз дьхԝазьм әве брошуре ԝәрʹа бьһельм. У һун дькарьн әԝе бьхуньн у пебьһʹәсьн кӧ чьрʹа малбәта пешьн ӧса бәхтәԝар бу. Әз баԝәр ьм ԝәки хԝәндьна ве готаре ԝәрʹа ԝе һʹәԝас бә. [Паше ԝе йәке дькари әве брошуре «Рʹийа Әʹдьлайе у Бәхтәԝарийе» хԝәйе малерʹа бьһели.]