Һин бә ԝәки дь Ԛӧльхкьрьнеда Һе Щерʹьбанди би; Чахе Пешхәбәра Һазьр Дьки
Әв йәк Чьрʹа Фәрз ә: Һәрге пешхәбәра мә һʹәԝас нинә, һьнге хԝәйе мале дькарә хәбәрдана мә бьдә бьрине. У әме нә жи пера бьгьһиньн кӧ шәʹдәтийе бьдьн. Пешхәбәр, пʹарәкә гәләк фәрз ә дь пешанинед мәда. Һьнә щурʹә жь пешанина, дь «Ԛӧльхкьрьна Мәйә Пʹадшатийеда» һәнә, йан жи дь ве кʹьтебеда, «Шеԝьркьрьн ль сәр Һʹиме Кʹьтеба Пироз» (рӧ). Һʹәму пешанинед кӧ дь ван әʹдәбйәтада һәнә, һур бь һур нәһатьнә ньвисаре, сәва кӧ әм бькарьбьн ԝана ль гора мьһала хԝә бьгӧһезьн у бьдьнә хәбьтандьне. Һәла һе ԝи чахи жи һәрге пешанин һур бь һур һатийә ньвисаре, ԛӧльхкʹар йәкә дькарә хԝәха бьжберә, кӧ чаԝа әве пешанине бь гьлийе хԝә һазьр кә. Ләма жи чахе әм пешхәбәра хԝә рʹьнд һазьр дькьн, у нә кӧ сәро-бәро дьбежьн чахе хԝәйе мале дәри вәдькә, әв йәк али мә дькә, ԝәки дь ԛӧльхкьрьнеда һе щерʹьбанди бьн (Мәтʹлк. 15:28).
Әве Йәке Ве Мәһеда Бьдә Хәбате:
Ԝәʹде ԛӧльхкьрьна тʹәви малбәте, ԝәʹдә бьвинә сәва кӧ пешхәбәра хԝә һазьр ки, у нишан кә кӧ чаԝа әԝ дькари бьди хәбате.
Чахе дәрдькʹәви даннасинкьрьне, бежә һәвал-хьзмәткʹаре хԝә дәрһәԛа ԝе йәке, кӧ чь дьхԝази бежи хԝәйе мале (Мәтʹлк. 27:17). Бьгӧһезә пешхәбәра хԝә, һәрге әԝ кʹаре найнә.