Щурʹәк жь Пешанине
Ча Дәстпекьн Һинкьрьна Кʹьтеба Пироз Шәʹмийа Пешьн, дь Мәһа Тирмәһеда, бь кʹьтеба «Сәрһатийед Кʹьтеба Пироз»
Пешийе чаԝа кӧ бь әʹдәт лазьм ә, мәри сьлав кә у насийа хԝә бьде. Паше жи дькари ӧса бежи: «Һәр кәс жь мә дәрһәԛа Бьраһим пʹехәмбәр бьһистийә. Әԝ бь рʹастийе жи мәрики бь нав у дәнг бу. Әм дьхԝазьн ԝәрʹа дәрһәԛа ԛәԝьмандьнәки гьли кьн, йа кӧ дь әʹмьре Бьраһимда ԛәԝьми». Хԝәйе малерʹа гьликә сәрһати дәрһәԛа шьванед Бьраһим у Лут. Әв сәрһати ль сәр һʹиме кʹьтеба Дәстпебун, сәре 13:1-12 һатийә ньвисаре. (Һәрге тӧ дьвини кӧ мәри Кʹьтеба Пироз ԛәбул накә, ԝе баш бә ԝәки ԝәʹде сәрледана хԝәйә пешьн Кʹьтеба Пироз вәнәки у нәжи дина хԝә бьди сәр.) Паше ве йәке дькари пьрс ки: «Әм чь дькарьн жь ве сәрһатийе һин бьн?» Һивийе бә, бьра мәри щаба хԝә бьдә у гӧһ бьде чахе әԝ хәбәр дьдә. Паше дькари зедә ки: «Бьраһим мәрики шкәсти бу; у әԝ һишт ԝәки пешийе кӧрʹе бьре ԝи бьжартьна пешьн бькә. Бь кьред хԝәйә ӧса, Бьраһим һьндава кӧрʹе бьре хԝә ԛәнщи да кʹьфше». Диса зедә кә: «Һәрге әм чʹәʹв дьдьнә Бьраһим у ԛәнщи мәрийарʹа дькьн, һьнге Хԝәде ԝе мә ча Бьраһим ԛәбул кә. Ле те бира ԝә, ԝәки кӧрʹе бьре ԝи Лут, әԝ әʹрд хԝәрʹа бьжарт, йа кӧ гәләк баш дьһатә кʹьфше? [Хԝәйе малерʹа нишан кә кʹьтеба «Сәрһатийед Кʹьтеба Пироз», у сәре 15 вәкә.] Щарәкә дьн әз дькарьм бем у ԝәрʹа гьли кьм кӧ чь һатә сәре Лутʹ у малбәта ԝи». Кʹьтебе, хԝәйе малерʹа бьһелә.
«Мьзгинийа Хԝәде сәва Мәрийа».
Пешийе чаԝа кӧ бь әʹдәт лазьм ә, мәри сьлав кә у насийа хԝә бьде. Паше ве йәке дькари бежи: «Гәләк мәри жь бо һʹале дьнйайе бәрхԝә дькʹәвьн. Ча һун дьшьрмиш дьбьн ԝе бе ԝʹәде ӧса чахе һʹале дьнйайе алийе башда ԝе бе гӧһастьне?» [Һивийе бә, бьра щаба хԝә бьдә.] Гәләк мәри әʹщебмайи дьминьн жь бо ԝе йәке гава педьһʹәсьн кӧ дь Ньвисаред Пирозда те готьне дәрһәԛа мьзгинийа хере, йа кӧ гӧмане дькарә бьдә мә. Ль вьр чәнд пьрс һәнә, щаба кʹижани кӧ Кʹьтеба Пироз дьдә». Брошуре бьде, у бежә кӧ бьра хԝәха бьжберә әԝ пьрса кӧ ԝирʹа гәләк һʹәԝас ә у йе кӧ ль сәр рʹупʹела пашьн дь ве брошуреда һәнә. Паше жи дәрбази сәри бә у һинкьрьне нишан кә. Һәврʹа дәрһәԛа сәрледана дӧбарә хәбәр дьн, у пьрса дьн жь ви сәри щарәкә майин шеԝьр бькьн.
«Гӧһ бьдә Хԝәде» йан «Гӧһ Бьдә Хԝәде у Бьжи Һʹәта-Һʹәтайе».
Пешийе чаԝа кӧ бь әʹдәт лазьм ә, мәри сьлав кә у насийа хԝә бьде. Паше дькари бежи: «Иро әм тʹәви мәрийа дәрһәԛа мьлйакʹәта хәбәр дьдьн. Гәләкә ԛайил дьбьн бь ԝе йәке, кӧ ча мьлйакʹәтед баш ӧса жи мьлйакʹәтед зӧлм һәнә. Ле һун чь дьшьрмиш дьбьн? (Һивийе бә, бьра щаба хԝә бьдә) Дь Ньвисаред Пирозда те гьликьрьне дәрһәԛа ԝе йәке кӧ чаԝа мьлйакʹәтед зӧлм кʹәтьнә дьне. Ӧса жи әв мә һин дькә, ԝәки чаԝа әм дькарьн хԝә жь ԝан мьлйакʹәта хԝәй кьн. Мәсәлә, Ньвисаред Пироз дәрһәԛа Нӧһ пʹехәмбәр мәрʹа гьли дькьн. Һьлбәт ԝә жи дәрһәԛа Нӧһ пʹехәмбәр бьһистийә?» (Һивийе бә, бьра щаба хԝә бьдә) Паше жи кьн гьли кә дәрһәԛа ԛәԝьмандьнәкә фәрз, йа кӧ дь әʹмьре Нӧһда ԛәԝьми. Тӧ дькари брошуре ль сәр рʹупʹела 12 вәки у һәрге дәрәщә дәст дьдә, дькари тʹәви хԝәйе мале шеԝьр бьки һʹәта рʹупʹела 15) паше дькари бежи: «Щарәкә дьн әм дькарьн һе зедә шеԝьр бькьн кӧ чаԝа дькарьн хԝә жь мьлйакʹәтед зӧлм хԝәй кьн». (Сәр сәрледана дӧбарә тӧ дькари бьди хәбате фькьред сәрәкә жь ве бьрошуре «Рʹӧһʹед Мьрийа»).