Чʹәʹв Бьдә Сефанийа Пʹехәмбәр
1. Сефанийа кʹижан дәрәщада ча пʹехәмбәр ԛӧльх дькьр, у чьрʹа әԝи мәсәләки баш ә сәва мә?
1 Әв йәк Б.Д.М, дь ортʹа ԛьрʹна һʹәфтада ԛәԝьмийә, чахе ԛӧльхкьрьн Баәʹлрʹа һе пешда дьчу у сәрфьраз дьбу. Амон Пʹадше хьраб, чәндәкә ча һатьбу кӧштьне, у ньһа Йошийа Пʹадша сәрԝертийе дькьр (2 Дир. 33:21–34:1). Нава ԝи ԝәʹдәйида, Йаһоԝа кʹьфш кьрьбу Сефанийа, сәва кӧ әԝ дәрһәԛа диԝанкьрьна Хԝәде әʹлам кә. Дьԛәԝьмә Сефанийа әндәме жь малбәта пʹадше бу, ле әԝи йәкә бь мерхаси сәрт әʹлам дькьр дәрһәԛа диԝанкьрьна Йаһоԝа (Сефн. 1:1; 3:1-4). Анәгори ве йәке, әм жи чʹәʹв дьдьнә мерхасийа Сефанийа пʹехәмбәр, у наһельн ԝәки һәвгредана мә тʹәви малбәте, хьраб ль сәр ԛӧльхкьрьна мә Йаһоԝарʹа һʹӧкӧм кә (Мәт. 10:34-37). Гәло Сефанийа дәрһәԛа чь әʹлам дькьр, у ахьрийа ве йәке чаԝа бу?
2. Чь әм гәрәке бькьн, сәва кӧ жь рʹожа Йаһоԝайи һерсе хьлаз бьн?
2 Бьгәрʹьн Рʹебәрийа Йаһоԝа: Тʹәне Йаһоԝа дькарә мәрийа жь рʹожа хԝәйә һерсе хьлаз кә. Ләма жи Сефанийа әʹлами мәрьвед Щьһудайе дькьр, сәва кӧ әԝана бьгәрʹьн Йаһоԝа, бьгәрʹьн рʹастийе у мьлуктийе, һʹәта кӧ ԝәʹдә һе һәбу (Сефн. 2:2, 3). Әве йәке әм дәрһәԛа рʹожед иройин жи дькарьн бежьн. Мина Сефанийа, әм мәрийа һелан дькьн ԝәки әԝана бьгәрʹьн Йаһоԝа. Ле әм жи гәрәке тьштәки бькьн, демәк хԝәрʹа сафи кьн, кӧ чь жи һәбә, жь Йаһоԝа дур нәкʹәвьн (Сефн. 1:6). Чахе әм бь дьл щан Хәбәра Хԝәде һин дьбьн у дӧа дькьн сәва рʹебәрийа ԝи, бь ве йәке әм Йаһоԝа дьгәрʹьн. Чахе әм бь әʹмьрәки намус у тʹәмьз дьжин, бь ве йәке әм рʹастийа ԝи дьгәрʹьн. Чахе әм дьхәбьтьн кӧ гӧһдарийа хԝә бьдьнә кʹьфше һьндава рʹебәрийе, йа кӧ тʹәшкиләта Йаһоԝа дьдә, бь ве йәке әм мьлуктийа ԝи дьгәрʹьн.
3. Чьрʹа әм гәрәке ль сәр ԛӧльхкьрьна хԝә бь позитив бьньһерʹьн?
3 Ахьрийа Баш: Әʹламкьрьна Сефанийа дәрһәԛа диԝанкьрьне, дьле һьнә мәрьвед Щьһудайе гьрт. Ле дьԛәԝьмә нава гәләка жь ԝан мәрийа, әԝ щаһьл бун йед кӧ бьчʹуктайеда тʹәви Йошийа дәстпедькьрьн Йаһоԝа бьгәрʹьн. Һьнә ԝәʹдә шунда Йошийа дәстпекьр һе зедә мьԛабьли пʹутпʹарьстийе һәрʹә, йе кӧ дь ви әʹрдида пешда дьчу (2 Дир. 34:2-5). Рʹаст ә иро жи һьнә тʹохьмед Пʹадшатийе дькʹәвьн дәве рʹе, ль сәр әʹрде кәвьри, йан нава стьрийа. Ле йәкә һәнә йед ӧса жи, йед кӧ дькʹәвьн ль сәр әʹрде ԛәнщ у бәр дьдьн (Мәт. 13:18-23). Әм баԝәр ьн ԝәки Йаһоԝа ԝе бәрдәԝан кә ԛәԝата мә кʹәрәм кә, һәрге әм шьхӧлед ԝива мьжул ьн у тʹохьме Пʹадшатийе һʹәму дәра дьрʹәшиньн (Зәб. 126:6).
4. Чьрʹа әм гәрәке һивийа рʹожа Йаһоԝа бьн?
4 Һьнә мәрьвед Щьһудайе дьшьрмиш дьбун, ԝәки Йаһоԝа диԝана хԝә тʹӧ щар ԝе нәкә. Чь жи һәбу, Йаһоԝа һʹәмушка гӧман дькьр ԝәки рʹожа ԝийи мәзьн незик бу (Сефн. 1:12, 14). Хьлазкьрьн ԝе тʹәне сәва ԝан мәрийа бә, йед кӧ щи-сьтʹаре щәм Йаһоԝа дьгәрʹьн (Сефн. 3:12, 17). Ләма ԝәрен әм һивийа Йаһоԝа бьн, у ләзәте бьвиньн дь ԛӧльхкьрьна йәктида тʹәви хушк-бьра! (Сефн. 3:8, 9).