Ида Ԛьрнәк ә, Ча Әм Дәрһәԛа Пʹадшатийе Әʹлам Дькьн!
1. Ԝәкә ԛьрʹнәке пешда, щьмәʹта Йаһоԝа чь һелан бун бькьрана?
1 «Аһан, Пʹадша Пʹадшатийе дькә! Һун әʹламдаред ԝи нә. Ләма жи әʹлам кьн, әʹлам кьн, әʹлам кьн дәрһәԛа Пʹадше у Пʹадшатийа ԝи». Әв гьлийе бь хирәте тʹьжә, йед кӧ ԛьрʹнәк пешда Бьре Рутерфорд готьбу, щьмәʹта Йаһоԝа һелан кьрьн, ԝәки бь рʹадио һʹащәта мьзгинийа Пʹадшатийе һʹәму дәра бәла кьн. У әв һʹәма әԝ ә, чь кӧ әм ньһа дькьн! Анәгори Мәсиһийед ԛьрʹна йәке, әм мьзгинийа хере дәрһәԛа Пʹадшатийе даннасин дькьн «ԝан һʹәмуйарʹа, йед кӧ бьн пʹәрʹе әʹзменда дьминьн» (Колс. 1:23). Гәло нава ве ԛьрʹнеда чь һатийә кьрьне, сәва кӧ дәрһәԛа Пʹадшатийа Хԝәде әʹлам кьн? Жь бо ве йәке кӧ әм незики сәдсалийа буйина Пʹадшатийе дьбьн, әм чь дькарьн бькьн, кӧ диса дәрһәԛа Пʹадшатийе әʹлам кьн?
2. Чь щурʹәйи дь әʹдәбйәтед мәда щийе әʹԝльн Пʹадшатийа Хԝәде дьгьрә?
2 Чь Һатийә Кьрьне: Ида чьԛас сал ә, ча дь әʹдәбйәтед мәда щийе әʹԝльн Пʹадшатийа Хԝәде дьгьрә. Дәстпебуйи жь сала 1939, журнала мәйи сәрәки бь наве ӧса дәрдькʹәвә: «Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам дькә». Дь ве журналеда тʹьме те шеԝьркьрьне дәрһәԛа Пʹадшатийе, у ӧса жи ԝәки әв Пʹадшати ԝе чь бькә. Ле журнала «Һьшийар Бьн!» дина мәрийа дьдә сәр ԝе йәке, кӧ тʹәне Пʹадшатийа Хԝәде гӧмана инсанәте йә. Бь рʹастийе жи чьԛаси лайиԛ ьн әв дӧ журнал, йед кӧ ньһа нав тʹәмамийа дьнйайеда, жь журналед дьн, даһа зәʹфтьр тенә ԝәлгәрʹандьне у бәлакьрьне (Әʹйан. 14:6).
3. Чь һьнә метода мә дьда хәбате, сәва кӧ дәрһәԛа Пʹадшатийе әʹлам кьн?
3 Щьмәʹта Йаһова щурʹә-щурʹә метода дьда хәбате, сәва кӧ дәрһәԛа Пʹадшатийе әʹлам кьн. Мәсәла епʹещә ԝәхт пешда, мә әʹрәбед дәнгбьһистьне дьда хәбате, сәр кʹижана кӧ бори датанин, ӧса жи радио һʹащәт, у фонограмед портатив дьдан хәбате. Рʹаст ә һʹәжмара мьзгиндаред Пʹадшатийе ԝан чаха һьндьк бу, ле әв метод али мә кьрьн, ԝәки мьзгинийа хере бьгьһиньнә гәләк мәрийа (Зәб. 19:4). Ван ахьрийа мә ӧса жи ль сәр jԝ.org дани информасийа, бь сайа кʹижани милйонарʹа дәрһәԛа Пʹадшатийе һатьбу әʹлам кьрьне. У һәла һе ԝан мәрийарʹа жи, йед кӧ дь ԝан щийада дьминьн, кʹидәре кӧ чуйин-һатьна даннасинкʹара зәʹф тʹӧнә.
4. Әм диса чь һьнә метода даннасинкьрьнеда дьдьнә хәбате?
4 Щьмәʹта Йаһоԝа диса методәк дабун хәбате сәва кӧ мьзгинийа хере дәрһәԛа Пʹадшатийе әʹлам кьн. Мәсәлә, дәстпебуйи жь сала 1990, мә дәстпекьр ԛәԝате бьдьнә хәбате, сәва кӧ нә кӧ тʹәне мал бь мал даннасин кьн. Ле мә ӧса жи дәстпекьр даннасин кьн дь паркада, ль щийе сәкьнандьна авта у щийе хәбате. Ван пашԝәхтийа мә диса методәки саз кьрийә. Мә дәстпекьр ԛӧльхкьрьна хԝә ль ԝан щийа кʹидәре кӧ гәләк мәрьв тʹоп дьбьн. Әв йәк дь шәһәред мәзьнда нав тʹәмамийа дьнйайе дәрбаз дьбә. Хенщи ԝе йәке, гәләк щьват мьһала хԝәда жи даннасинкьрьна ви щурʹәйида кʹар дькьн. Әԝана даннасин дькьн бь ве йәке, кӧ әʹдәбйәта сәр тʹәхта датиньн, йан жи ль сәр әʹрәбед дәста щи дькьн дь ван щийада, кʹидәре кӧ чуйин-һатьна мәрийа гәләк ә. Чь жи һәбә даннасинкьрьна мәйә мал бь мал, диса жи ча метода мәйә сәрәкә дьминә (Кʹар. Шанд. 20:20).
5. Сала хьзмәтийейә тʹәзә, чь мәщалед тʹәзә мәрʹа вәдькә?
5 Чь ԝе Бе Кьрьне: Жь дәстпека сала хьзмәтийейә тʹәзә дь мәһа Илонеда, гәләка ԝе дәстпекьн ча пешәнгед һәртʹьм ԛӧльх кьн. Ле тӧ дькари тʹәви ԝан бьби йәк? Һәрге нькари, һәла дьшьрмиш бә: Дьбәкә тӧйе бькарьби щар-щара ча пешәнге кʹомәкдар ԛӧльх ки? Чь жи һәбә Йаһоԝа ԝе әʹсәйи тә кʹәрәм кә сәва һʹәму ԛӧрбанед тә, йед кӧ тӧ дьки сәва кӧ бь тʹәмами дәрһәԛа Пʹадшатийе әʹлам ки (Малх. 3:10).
6. Чьрʹа мәһа Щӧтмәһе йа сала 2014, ԝе мәһәкә мәхсус бә?
6 Мәһа Щӧтмәһе йа сала 2014, ԝе мәһәкә мәхсус бә, чьмки әв ԝәʹде сәдсалийа буйина Пʹадшатийе бә. У журнала ве мәһе йа «Бьрща Ԛәрәԝьлийе» ԝе дина мә бьдә сәр Пʹадшатийа Хԝәде, йа кӧ лайиԛ ә бона ве мәһе. Ләма жи әм дькарьн жь алийе хԝәда һʹәму тьшти бькьн, ԝәки әв журнал чьԛас кӧ мә те, гәләк мәрийарʹа бәла кьн. Ԝәрен бьра һәр кәс жь мә бәрдәԝан кә бь гӧман дәрһәԛа «мьзгинийа ... бона Пʹадшатийа Хԝәде» әʹлам кә, ԝан һʹәму мәрийарʹа йед кӧ ԝе һазьр бьн гӧһ бьдьнә мә (Кʹар. Шанд. 8:12).