Щурʹәк жь Пешанине

Чаԝа Дәстпекьн Һинкьрьна Кʹьтеба Пироз Шәʹмийа Пешьн, дь Мәһа Тәшринеда, бь Кʹьтеба «Чь Һин Дькә Кʹьтеба Пироз?»

▪ Тӧ дькари бьди хәбате рʹупʹела 3. Дәстпекә хәбәрдан дәрһәԛа әʹламәтийед йан проблемед иройин, рʹасти кʹижани кӧ мәрьвед дь мьһала ԝәда тен. Ӧса жи дина мәрийа бьдә сәр пьрсед ль сәр рʹупʹела 3, кʹижани бь рʹәнге рʹәш кʹьфшкьри нә, у бьра щаба хԝә бьдә. Паше вәкә рʹупʹела 4-5.

▪ Йан жи дькари шькьл у рʹезед сәр рʹупʹела 4-5 бьди хәбате. Тӧ дькари бежи, «Һун дьхԝазьн ԝәки әԝ йәк бь рʹастийе жи бьԛәԝьмә?» Йан жи дькари бьпьрси, «Кʹижан жь ԝан пʹехәмбәртийа һун зәʹф дьхԝазьн ԝәки бенә сери?» Рʹьнд гӧһе хԝә бьде чахе әԝ щаба хԝә дьдә.

Һәрге рʹезәк жь Кʹьтеба Пироз мәрийа хԝәш һат, тӧ дькари жь кʹьтебе абзасәки бьхуни, кʹидәре кӧ әԝ рʹез те шьровәкьрьне (Бьньһерʹә чаргошә жь «Ԛӧльхкьрьна Мәйә Пʹадшатийе» йа мәһа Чьләйе, сала 2006, рʹупʹела 3). Әван рʹеза ӧса шеԝьр кә, ча тәйе ль сәр һинкьрьна Кʹьтеба Пироз бькьра. Әԝ метод тӧ ӧса жи дькари бьди хәбате чахе щарʹа пешьн тейи бал мәрийа, у һʹәма бәр дәри тӧ дькари 5-10 дәԛәда дәрбаз ки.