Малпәра Мә Ԛӧльхкьрьнеда Бьдьнә Хәбате; «Щабед жь Кʹьтеба Пироз»
Сәр jԝ.org һәйә пʹарәк бь наве «Һинкьрьнед Кʹьтеба Пироз» у бьнсәри, «Щабед жь Кʹьтеба Пироз». Тӧ гәрәке рʹьнд бьзаньби ԝәки ԝе бьнсәрийеда дәрһәԛа кʹижан пьрса те ньвисаре. Чьмки һәрге хԝәйе мале пьрсәке бьдә тә, тӧйе бькарьби дина ԝи бьди Малпәра мә, у нишан ки щаба жь Кʹьтеба Пироз. Әԝ пьрс ӧса жи дькарьн бьдьнә хәбате, сәва кӧ бькарьбьн хәбәрдане дәстпекьн. Әм дькарьн пьрсәки бьжберьн, йе кӧ мәрьвед мьһала мәрʹа һʹәԝас ә у пьрс кьн һәла әԝ дәрһәԛа ве йәке чь дьшьрмиш дьбә. Паше беже, ԝәки Кʹьтеба Пироз дәрһәԛа ԝе йәке чь дьбежә, у бьдә хәбате jԝ.org, кʹидәре кӧ әԝ пьрс те шьровәкьрьне. Паше ԝе йәке әм дькарьн шьровәкьн, йан жи нишан кьн һәла кʹидәре әԝ әʹләмәти һәйә. Дәрәща дӧдада тӧ дькари әʹләмәтийе мәрийарʹа нишан ки, ԝәки әԝана хԝәха жь Малпәре бьхуньн. Жьна бәрпьрсийаре мьһалә әве методе дьдә хәбате у хәбәрдане ӧса дәсьтпедькә: «Гәләк мәрьв әʹщебмайи дьминьн ‘Гәло Хԝәде йә нәһәԛ, ԝәки әм дьчәрчьрьн?’ Һун дьхԝазьн нава 51 сәнийада щаба ве пьрсе бьстиньн?» Паше әԝ хушк щаба ԝе пьрсе бь версийа аудиойе мәрьвирʹа дьдә бьһистьне, йа кӧ әԝе сәр тʹела хԝә кьшандийә. Хьлазийе, әԝ нишан дькә сәре 11 жь кʹьтеба «Чь Һин Дькә Кʹьтеба Пироз?», у бь ве йәке хәбәрдана хԝә хьлаз дькә.