Бьдә Хәбате jw.org Ԝәʹде Даннасинкьрьне; «Бьбә Досте Йаһоԝа»
Ль сәр jw.org һәйә пʹара бь наве «Һинкьрьнед Кʹьтеба Пироз», дь кʹижанеда һәйә диса пʹарәк ле ида сәва зарʹа у бь наве «Бьбә Досте Йаһоԝа». Дь ве пʹареда кӧ сәва зарʹа нә, һәнә кʹьлам, видео у кʹаркьрьн. Тӧ әве йәке дь ԛӧльхкьрьнеда дьди хәбате? Һәрге тӧ дәрбаз дьки һинкьрьна Кʹьтеба Пироз тʹәви ԝан, зарʹед кʹижана кӧ һәнә, дькари әве пʹаре жь jw.org ԝанарʹа нишан ки. Чьмки әв йәк дькарә ԝи мәрьви һелан кә, ԝәки әԝ диса тьштед дьн дь Малпәреда хԝәрʹа бьвинә у леколин бькә.
Бьраки мә, йе кӧ бәла дькьр «Мьзгинийа Пʹадшатийе» № 38, рʹасти кʹӧлфәтәке һат. Чәнд зарʹед ԝе кʹӧлфәте жи тʹәви ԝе бун. Әԝе перʹа-перʹа дәстпекьр хԝәндьна ве бәлавоке. Һʹәԝаса ван зарʹа ве бәлавокерʹа һат. Бьре мә кьн гьли кьр дәрһәԛа ве бәлавоке у дина хԝә да ль сәр Малпәра мә, йа кӧ ль сәр рʹупʹела пашьн дь бәлавокеда кʹьфш кьрийә. Кʹӧлфәте әв йәк бәгәм кьр, у бьре мә жи, мәщал да хәбате у бь һʹащәта хԝәйә әләктроник кʹӧлфәтерʹа у зарʹед ԝерʹа вехьст видеойа зарʹа, дәрһәԛа Арам.
Хушкәкә мә, дьхәбьти тʹәви кʹӧлфәтәке, зарʹед кʹижани кӧ һәбун. Ләма жи хушка мә дина ԝе да ль сәр Малпәра мә, у ӧса жи ль сәр һьнә әʹламәтийа дәрһәԛа малбәта. Әв кʹӧлфәт тʹәви зарʹед хԝә jw.org ньһерʹин. Һьнә ԝәʹдә шунда әԝе готә хушка мә, кӧ зарʹед ԝе нав маледа дьчьн-тен у дьстьрен кʹьлама «Хәбәре Даннасин Бькә», йәк жь кʹьлама «Бьбә Досте Йаһоԝа».
Әм дькарьн һе рʹьнд насийа хԝә бьдьнә ве пʹаре жь jw.org у ль сәр һʹащәта хԝәйә әләктроник, һьнә видео, кʹьлам йан кʹаркьрьн хԝәрʹа бьдьнә кʹьшандьне. Һьнге тӧйе ида һазьр би дь ԛӧльхкьрьнеда әве пʹара жь jw.org бьди хәбате. Бь рʹастийе жи әв һʹащәтәки чьԛас ԛимәт ә, чьмки али мә дькә, ԝәки чаԝа хӧлам Хӧданрʹа ԛӧльх кьн! (Кʹар. Шанд. 20:19).