Щьватед сәва Даннасинкьрьне, Кʹаре Тиньн
1. Мәʹна щьватед сәва даннасинкьрьне чьда нә?
1 Щарәке, һʹәта кӧ һәрʹьн даннасинкьрьне, Иса тʹәви 70 шагьртед хԝә тʹоп бу (Луԛа 10:1- 11). Иса ԝана һелан кьр у кьрә бира ԝан кӧ әԝана ԝе тʹәне нибьн, чьмки «Хԝәйе нандьруне» демәк Йаһоԝа ԝе рʹебәрийа ԝан бькьра. Әԝи ӧса жи рʹебәри да ԝан, сәва кӧ бькарьбьн шьхӧле хԝә бьԛәдиньн у ԝана «дӧдӧ-дӧдӧ» шандә даннасинкьрьне. Анәгори ԝе йәке иро жи һәнә щьватед сәва даннасинкьрьне мәʹна кʹижана кӧ әԝ ә, ԝәки һелан кә, һазьр кә у аликʹарийе бьдә мә.
2. Щьвата сәва даннасинкьрьне чьԛас ԝәʹдә гәрәке бькʹьшинә?
2 Ньһа щьватед сәва даннасинкьрьне ԝәкә 10-15 дәԛә дәрбаз дьбьн, нава кʹижана кӧ дькʹәвьн сазкьрьна ԛӧльхкʹара, кʹьфшкьрьна територийе у дӧакьрьн. Ньһа әв йәк ԝе бе гӧһастьне. Дәстпебуйи жь мәһа Нисане, щьватед сәва даннасинкьрьне ԝе 5-7 дәԛә зедәтьр дәрбаз нәбьн. Хенщи ԝе йәке чахе щьвата сәва даннасинкьрьне паше щьвате дәрбаз дьбә, һьнге әԝ щьвата даннасинкьрьне гәрәке дьһа кем ԝәʹдә бькʹьшинә. Чьмки әԝед кӧ һазьр ьн ль сәр ԝе щьвате, ида гәләк тьштед керһати сәва хԝә жь шеԝьркьрьна рʹезед Кʹьтеба Пироз һьлданә. Жь бо ве йәке кӧ щьватед сәва даннасинкьрьне ԝе кем ԝәʹдә бькʹьшиньн, әв йәк мәщале дьдә мә ԝәки һе зедә ԝәʹдә дь ԛӧльхкьрьнеда дәрбаз кьн. Хенщи ԝе йәке һәрге пешәнг йан ԛӧльхкʹаред дьн дәстпекьрьн даннасин кьн пешийа һатьна ль сәр щьвата сәва даннасинкьрьне, һьнге әԝана ԝе ԝәʹде сәва ԛӧльхкьрьне зәʹф ӧнда нәкьн.
3. Чаԝа щьватед сәва даннасинкьрьне дькарьн саз кьн, ԝәки ԛӧльхкʹарарʹа аликʹарийа мәзьн бьдә?
3 Щьватед сәва даннасинкьрьне гәрәке ӧса бенә сазкьрьне, ԝәки ԛӧльхкʹарарʹа аликарʹийа мәзьн бьдә. Гәләк щьват сафи кьрьн дәрбаз кьн щьватед сәва даннасинкьрьне ль щийе башԛә бь кʹомед бьчʹук, нә кӧ гьшк тʹәвайи дь авайикида. Әв йәк аликʹарийе дьдә ԛӧльхкʹара ԝәки һеса бьгьһижнә ль щийе щьватед сәва даннасинкьрьне у територийа хԝә. Әв йәк нә кӧ тʹәне али ԛӧльхкʹара дькә ԝәки зу шьхӧлед хԝә сафи кьн ле ӧса жи али бәрпьрсийаред кʹоме дькә ԝәки рʹьнд дина хԝә бьдьнә һʹәԝщед хушк-бьред кʹома хԝә. Кʹома рʹуспийа дькарә дина хԝә бьдә һʹәԝщед мьһала хԝә у сафи кә чь ԝе баш бә. Һʹәта кӧ бь дӧакьрьна кьн щьвате хьлаз ки, һʹәмушк гәрәке бьзаньбьн ԝәки әԝана дьчьнә кʹидәре у тʹәви кʹе һәрʹьн ль даннасинкьрьне.
4. Чьрʹа әм гәрәке һьндава щьватед сәва даннасинкьрьне бетʹалаш нибьн у һʹәсаб нәкьн ԝәки әԝ нә жи ӧса фәрз ьн?
4 Щьватед Даннасинкьрьне Анәгори Щьватед дьн, Гәләк Фәрз ьн: Рʹаст ә щьватед сәва даннасинкьрьне саз кьрьнә сәва кӧ кʹаре бьдьнә ԛӧльхкʹара, ле сәр ԝана тʹәмамийа щьвате найе. Чь жи һәбә әв найе һʹәсабе кӧ әм гәрәке һьндава ԝе йәке бетʹалаш бьн йан жи һʹәсаб кьн кӧ әԝ нә жи ӧса фәрз ьн. Анәгори һʹәму щьватед мәйә дьн, щьватед сәва даннасинкьрьне дайина жь Йаһоԝа нә, кӧ али мә дькә ԝәки һʹьзкьрьнеда у ԛәнщикьрьнеда һелана бьдьнә һәв (Ибрн. 10:24, 25). Хенщи ԝе йәке бьре кӧ әве щьвате дәрбаз дькә, гәрәке рʹьнд һазьркьри бә кӧ шеԝьркьрьна ԝи Йаһоԝа рʹумәт кә у кʹаре бьдә хушк-бьра. Ләма жи ԛӧльхкʹаред кӧ дәрдькʹәвьн ль даннасинкьрьне, гәрәке ԛәԝате бьдьнә хәбате кӧ бенә ль сәр щьвате сәва даннасинкьрьне.
5. а) Чьданә рола бәрпьрсийаре хьзмәтийе һьндава дәрбазкьрьна щьватед сәва даннасинкьрьне? б) Чаԝа хушк гәрәке дәрбаз кә щьвата сәва даннасинкьрьне?
5 Һазьрбуна Бьред Щабдар: Сәва кӧ кәсәк рʹьнд һазьркьри бә сәва щьвате, әԝ гәрәке пешда дәрза хԝә бьстинә. Әԝе йәке әм дькарьн бежьн дәрһәԛа щьватед сәва даннасинкьрьне жи. Һәмьки чахе кʹомәкә даннасинкьрьне башьԛә тʹоп дьбә, һьнге бәрпьрсийаре кʹоме йан аликарчийе ԝи, гәрәке сәва кʹома хԝә әԝе щьвате дәрбаз кьн. Ле чахе кʹомед сәва даннасинкьрьне тʹәвайи тʹоп дьбьн ль сәр ве щьвате, ԝи чахи бәрпьрсийаре хьзмәтийе ԝе кәсәки кʹьфш кә сәва кӧ щьвата даннасинкьрьне дәрбаз кә. Һьнә бәрпьрсийаред хьзмәтийе, навнише демәк гьрафике дьдьнә һʹәму бьред щабдар, у копйа ве гьрафике сәр тʹәхте әʹламәтийе дарда дькьн. Бәрпьрсийаре хьзмәтийе гәрәке сәрԝахт бьн чахе кʹьфш дькьн бьред кӧ щьвата даннасинкьрьне дәрбаз кьн. Бәрпьрсийар ӧса жи гәрәке бира хԝәда хԝәй кьн, ԝәки дәрбазкьрьна рʹьнд йа ве щьвате гьредайи йә тʹәви фәрәсәтед һинкьрьне у тʹәрбәтийа ԝи бьрайи кӧ дәрбаз дькә. Һәрге дь ԝан рʹожада нә рʹуспи, нә бәрдәстийе щьвате у нә жи бьред дьнә щерʹьбанди нькарьн әԝе щьвате дәрбаз кьн, һьнге бәрпьрсийаре хьзмәтийе гәрәке кʹьфш кә хушка ньхӧманди у щерʹьбанди, сәва кӧ щьвате дәрбаз кә. (Бьньһерʹә готаре «Кʹәнге Хушк Гәрәке Дәрбаз кә»).
6. Чьрʹа фәрз ә ԝәки бьре кӧ щьвата даннасинкьрьне дәрбаз дькә, рʹьнд хԝә һазьр кә?
6 Чахе әм дь Мәкʹтәба Даннасинкьрьнеда йан жи Щьвата Ԛӧльхийеда дәрза дьстиньн, бе шьк әм әԝе йәке һьлдьдьн һʹәсаб у рʹьнд һазьр дьбьн. Ле тʹәне һьнәка жь мә дәстпедькьн һьнге һазьр кьн дәрза хԝә у дьшьрмиш бьн, кʹәнге рʹеда ньн у дьчьнә щьвате. Анәгори ԝе йәке чахе бьра кʹьфш дькьн кӧ әԝ дәрбаз кә щьвата даннасинкьрьне, әԝ гәрәке әԝе йәке һьлдә һʹәсаб у пешда рʹьнд һазьр бә. Ньһа жь бо ԝе йәке кӧ ԝәʹде щьвата даннасинкьрьне ԝе кем бә, гәлә фәрз ә рʹьнд һазьр бьн, сәва кӧ керһати дәрбаз бә у ԝәʹде хԝәда хьлаз бә. Нава һазьрбуне ӧса жи дькʹәвә, ԝәки пешда територийа даннасинкьрьне хԝәрʹа һьлдьн.
7. Дәрһәԛа чь гәрәке шеԝьр бькә бьре кӧ щьвата даннасинкьрьне дәрбаз дькә?
7 Чь Шеԝьр Бькьн: Рʹаст ә територийәк жь йе дьн щӧдә дьбә, ләма жи хӧламе амьн сәва һәр щьвата даннасинкьрьне бәрнаме һазьр накә кӧ чь шеԝьр бькьн. Әԝ чаргошә «Ԝәʹде Щьвата Даннасинкьрьне, Дькари Шеԝьр Бьки», дьдә кʹьфше кӧ чь дькарьн шеԝьр бькьн. Бь тʹәмами, щьвата даннасинкьрьне ԝе бь шеԝьркьрьне дәрбаз бә. Һәрге дәст дьдә дькари нава ԝе шеԝьркьрьнеда тʹәмаша рʹьнд һазьрькьри нишан ки, йан видеойә жь jw.org. Чахе бьра һазьр дьбә дәрбаз кә щьвата даннасинкьрьне, ԝи чахи әԝ гәрәке дьшьрмиш бә һәла ԝе чь хушк-бьра һелан кә у аликʹарийе бьдә ԝан ԝәʹде даннасинкьрьне.
8. Ль сәр щьвата даннасинкьрьне рʹожед Шәмийа у Ләда чь ԝе керһати бә кӧ шеԝьр кьн?
8 Рʹожед Шәмийа һәчи зәʹф жь хушк-бьра бәла дькьн «Бьрща Ԛәрәԝьлийе» у «Һʹьшйар Бьн!». Гәләк хушк-бьра тʹәне рʹожед Шәмийа дькарьн ԛӧльх кьн, ләма жи дьԛәԝьмә ԝанарʹа ԝе чәтьн бә бира хԝәда хԝәй кьн пешанинед кӧ ԝана ль сәр Ԛӧльхкьрьна хԝәйә Тʹәви Малбәте һазьр кьрьнә. Ләма жи дькарә керһати бә ԝәки бьре кӧ щьвата даннасинкьрьне дәрбаз дькә, шеԝьр бькә дәрһәԛа щурʹәк жь пешанине йа кӧ ль сәр рʹупʹела пашьн ә жь «Ԛӧльхкьрьна Мәйә Пʹадшатийе». Ӧса жи бьра дькарә шеԝьр бькә, ԝәки чь щурʹәйи дькарьн дәнг у бәсе тʹәзә, ԛәԝьмандьнед мьһале йан щәжьна, тʹәви пешанина хԝә гьредьн кӧ бькарьбьн паше сәрледане бькьн у ԝәки хԝәйе мале жи журнале ԛәбул кә. Һәрге һьнәк жь һазьра ида данә хәбате әԝ журнал сәва бәлакьрьне, һьнге бьре кӧ дәрбаз дькә гәрәке бежә кӧ әԝана кьн ньһерʹандьна хԝә бежьн сәва ԝе йәке йан ԛәԝьмандьнед баш гьли кьн. Рʹожа Ләʹда жи бьре кӧ щьвате дәрбаз дькә гәрәке анәгори ԝе йәке бькә. Әԝ әʹдәбйәтед сәва һинбуне «Мьзгинийа Хԝәде сәва Мәрийа», «Гӧһ Бьдә Хԝәде», у кʹьтеба «Чь Һин Дькә Кʹьтеба Пироз?» әм дькарьн һәр рʹож бәла кьн. Ләма жи ль сәр щьвата даннасинкьрьне, әԝед кӧ щьвате дәрбаз дькьн, дькарьн кьн шеԝьр бькьн, ԝәки чаԝа йәк жь ԝан әʹдәбйәта бәла кьн.
9. Дәрһәԛа чь бьра дькарә шеԝьр бькә, һәрге Шәми Ләда щьват дь кампанийа мәхсусда кʹар дькә?
9 Һәрге Шәми Ләда щьват дь кампаниа мәхсусда кʹар дькә, һьнге бьра дькарә шеԝьр бькә ԝәки ча бәлакьн журналед тʹәзә тʹәви тʹәглиф кьрьне йан жи бәлавока. Йан жи әԝ дькарә шәԝьр бькә кӧ чь гәрәке бькьн һәрге хԝәйе мале һʹәԝаса хԝә да кʹьфше. Хенщи ԝе йәке сәр ԝе щьвате хушк-бьра дькарьн һьнә ԛәԝьмандьна гьли кьн, йед кӧ ԛимәта ԝан кампанийа дьдьнә кʹьфше.
10, 11. Чьрʹа һазьрбуна ԛӧльхкʹара фәрз ә, сәва кӧ щьвата даннасинкьрьне керһати бә?
10 Һазьрбуна Ԛӧльхкʹара: Ԛӧльхкʹар жи дькарьн дь ве йәкеда кʹар бькьн, демәк тьштәки бькьн кӧ әԝ щьват керһати бә. Чахе әԝана пешда сәва даннасинкьрьне хԝә һазьр дькьн ԝәʹде ԛӧльхкьрьна хԝәйә тʹәви малбәте, һьнге бал ԝана ԝе һәбә ԝәки чь ԛӧльхкʹаред дьненарʹа гьли кьн. Нава һазьрбуна башда ӧса жи дькʹәвә, чахе ԛӧльхкʹар пешийа һатьна ль сәр щьвата даннасинкьрьне пешда һазьр дькә әԝ журнал у әʹдәбйәта, кʹижана кӧ әԝе бьдә хәбате. Чьмки бь сайа ԝе йәке һәр кәс ԝе бькарьбә бе әʹгләкьрьн жь оде дәркʹәвә у һәрʹә даннасинкьрьне.
11 Ӧса жи гәләк фәрз ә ԝәки хԝәрʹа бькьнә хәйсәт һьнәк зу бенә ль сәр щьвата даннасинкьрьне. Һьлбәт әм ԝәʹде хԝәда тенә ль сәр һʹәму щьвата. Хенщи ԝе йәке чахе әм дәрәнги дькәвьн ль сәр щьвата даннасинкьрьне, әԝ йәк дькарә һьнә чәтьнайа чекә. Чь щурʹәйи? Бьре кӧ щьвате дәрбаз дькә, рʹебәрийе һьлдьдә дәсте хԝә кӧ һьлдә һʹәсаб һьнә тьшта, пешийа кӧ кʹоме саз кә. Һәрге гәләк ԛӧлькʹар нәһатьнә ль сәр ве щьвате, һьнге бьра дькарә һәр кәса жь ԝан бьшинә ль сәр територийа кӧ бь тʹәмами нәһатийа хәбьтандьне. Һәрге һьнәка жь рʹийа дур тенә ль сәр щьвата даннасинкьрьне у дьчьнә дур ль сәр територийе, һьнге бьра дькарә әԝан ԛӧльхкʹара вәрекә тʹәви ԝан кʹе пе авте йә. Ӧса жи һәрге хушк дьчьнә ль сәр територийа хоф кʹидәре кӧ зӧлми дьԛәԝьмьн, һьнге бьре щабдар дькарә бьра тʹәви ԝан кʹьфш кә йан ԝана бьшинә кӧ незики ԝи щи бьн кʹидәре кӧ кʹома хушка даннасин дькә. Ԛӧльхкʹаред сьһʹәт-ԛәԝата кʹижана кӧ сьст ә, бьра дьшиньн ль ԝан щийа кʹидәре кӧ рʹийа баш ә, йан жи ль ԝан авайа кʹидәре кӧ һьнә ԛәт һәнә. Ԛӧльхкʹаред тʹәзә жи, бьра кʹьфш дькә тʹәви ԝан йед кӧ щерʹьбанди нә. Ле чахе ԛӧльхкʹар дәрәнги дькʹәвьн ль сәр щьвата даннасинкьрьне, һьнге бьрарʹа лазьм ә һʹәму тьшт тʹәзәда сафи кә ԝәки али ԝан бькә йед кӧ дәрәнги кʹәтьнә. Тʹәбйәтийә ԝәки щарна щәм мә дькарьн мәʹнийед фәрз һәбьн сәва чь жи әм дәрәнги дькʹәвьн. Ле һәрге әԝ мәрʹа буйә хәйсәт, әм дькарьн жь хԝә бьпьрсьн: «Дьбәкә әз дәрәнги дькʹәвьм жь бо ԝе йәке кӧ дьшьрмиш дьбьм ԝәки щьвата даннасинкьрьне нә жи ӧса фәрз ә. Йан жи дьԛәԝьмә әз пешда хԝә һазьр накьм, сәва кӧ бемә сәр щьвата даннасинкьрьне».
12.Чь тӧ гәрәке һьлди һʹәсаб чахе хԝәха сафи дьки тʹәви кʹе һәри даннасинкьрьне?
12 Ԛӧльхкʹаред кӧ тенә ль сәр щьвата даннасинкьрьне, дькарьн хԝәха пешийа дәстпекьрьна щьвате һәврʹа хәбәр дьн кӧ ԝе тʹәви кʹе дәркʹәвьн у кʹӧда һәрʹьн. Һәрге гәләк щар тӧ хԝәха һʹәвал-хьзмәткʹар хԝәрʹа дьжбери, дькари дьшьрмиш би ԝәки һьнәк дь ԛӧльхкьрьнеда «фьрә би». Демәк дәԝса кӧ һәр щар тʹәви һәвалед хԝәйә незик даннасин бьки, дькари тʹәви щурʹә-щурʹә ԛӧльхкʹара шьхӧлкʹари бьки (2 Корн. 6:11-13). Тӧ дькари щар-щара тʹәви ԛӧльхкʹаред тʹәзә даннасин бьки, кӧ али ԝан бьки фәрәсәтед хԝәйә һинкьрьне баш кьн? (1 Корн. 10:24; 1 Тимтʹ. 4:13, 15). Рʹьнд гӧһ бьдә ԝан рʹебәрийа кӧ тәрʹа дьдьн, ӧса жи әԝан рʹебәрийа ԝәки кʹидәре гәрәке дәстпеки даннасин бьки. Чахе щьват хьлаз дьбә, пьланед кӧ һатьнә сафикьрьне нәгӧһезә у бе әгләкьрьн дәркʹәвә у һәрә ль даннасинкьрьне.
13. Һәрге һәр кәс бь хирәт бькә әԝе йәке чь кӧ жь ԝи те хԝәстьне, һьнге чаԝа щьватед сәва даннасинкьрьне ԝе бона мә керһати бьн?
13 Паше даннасинкьрьне, 70 шагьртед Иса кʹижана кӧ әԝи шандьбу, «бь әшԛ у ша вәгәрʹийан» (Луԛа 10:17). Бе шьк Иса тʹәви шагьртед хԝә тʹоп бу пешийа дәркʹәтьна ԝан ль даннасинкьрьне, у али ԝан кьр кӧ сәрфьраз бьн. Рʹожа иройин жи нета щьватед даннасинкьрьне ԝе йәкеда нә, ԝәки кʹаре бьстиньн у сәрфьраз бьн. Һәрге һәр кәс бь хирәт әԝе йәке дькә чь кӧ жь ԝан те хԝәстьне, һьнге щьватед сәва даннасинкьрьне ԝе мә һелан кьн, һазьр кьн у али мә бькьн бьԛәдиньн әԝ шьхӧле хԝә кӧ «һʹәму мьләтарʹа» шәʹдәтийе бьдьн (Мәт. 24:14).
[Чаргошә сәр рʹупʹела 4]
Әм гәрәке һʹәсаб нәкьн кӧ щьватед сәва даннасинкьрьне, жь щьватед дьнена гәләк фәрз ниньн
[Чаргошә сәр рʹупʹела 5]
Чахе бьре щабдар сәва щьвата даннасинкьрьне хԝә һазьр дькә, әԝ гәрәке дьшьрмиш бә һәла ԝе чь һелан кә хушк-бьра у аликʹарийе бьдә ԝан, ԝәʹде даннасинкьрьне
[Чаргошә сәр рʹупʹела 6]
Кʹәнге Хушк Гәрәке Дәрбаз кә
Хушк гәрәке сәре хԝә гьредә, рʹуне у ӧса щьвате дәрбаз кә. Әԝ чь кӧ әԝе шеԝьр бькә, анәгори ԝе йәке бә дәрһәԛа чь жи ԝе бьра шеԝьр бькьра. Дәԝса кӧ ширәта бьдә гӧһдара, әԝ гәрәке тʹәви кʹоме шеԝьр бькә. Һәрге әԝ хушк, хушкәкә дьне тʹәглиф дькә кӧ дӧа бькә, әԝ жи гәрәке сәре хԝә гьредә. Һәрге хушке щьват дәстпекьр, у һьнә ԝәʹдәда бьре ньхӧманди те, һьнге хушк гәрәке ԝи тʹәглиф кә кӧ әԝ щьвате бәрдәԝан кә у хьлаз кә. Бәрпьрсийаре хьзмәтийе гәрәке һивийа дәрәщед ӧса бә у рʹебәрийа лазьм бьдә, кӧ дәрәщед ӧса һьндьк бьн. Мәсәлә бьре гәләк щаһьл, дьԛәԝьмә нәгһишти у ньхӧманди те ль сәр ԝе щьвате чахе хушк дәрбаз дькә, ле рʹуспи һʹәсаб дькьн кӧ әԝ бьра һәла һе щерʹьбанди нинә сәва кӧ әԝе щьвате дәрбаз кә. Дәрәщед ӧсада бәрпьрсийаре хьзмәтийе дькарә әʹлам кә ԝанарʹа йед кӧ тенә ль сәр ԝе щьвате ԝәки хушк һатийә кʹьфшкьрьне сәва дәрбазкьрьна ԝе щьвате. Ле паше бьра гәрәке дӧа бькә, һәрге рʹуспи дьшьрмиш дьбьн кӧ әԝ сәва ԝе йәке щерʹьбанди йә. Йан жи дьԛәԝьмә ԝәки ль сәр ве щьвате бьре гьһишти һазьр ә, йе кӧ жь бо һьнә мәʹнийа, дәрһәԛа кʹижана кӧ рʹуспи заньн, әԝ нькарә щьвате дәрбаз кә йан дӧа бькә. Бьра, хушкерʹа әван мәʹнийа әʹйан накә, ле пешда ԝерʹа дьбежә кӧ һәрге әԝ бьра жи һазьр ә, йәкә әԝ хушк гәрәке щьвате дәрбаз кә у дӧа жи бькә. Рʹуспи дькарьн ӧса жи бежьн ԝи бьрайирʹа ԝәки кʹижан рʹожа әԝ хушк ԝе щьвата даннасинкьрьне дәрбаз кә.
[Иллюстрация на странице 6]
Ԝәʹде Щьвата Даннасинкьрьне, Дькари Шеԝьр Бьки:
• Щурʹәк жь пешанине жь «Ԛӧльхкьрьна Мәйә Пʹадшатийе».
• Видеойәк дәрһәԛа ԛӧльхкьрьне жь jw.org.
• Һьнә тьштед кӧ дькәʹвьнә нава пешанина баш. Мәсәлә пешхәбәра мә, чекьрьна һим сәва сәрледана дӧбарә йан жи чахе әʹдәбйәтед мә һьлдьдьн чаԝа әм дькарьн дина ԝан бьдьн ль сәр ԛӧрбанкьрьна пʹәра кӧ ԝе йәкева гьредайи нә.
• Рʹезед һеланкьрьне йан һинкьрьне, йед кӧ ԛӧльхкьрьнева гьредайи нә.
• Ԛәԝьмандьнед ԝәʹде даннасинкьрьне, кӧ һатьнә нәшьр кьрьне йан жи мьһаледа ԛәԝьминә.
• Әʹламәти жь готаре йа «Ԛӧльхкьрьна Мәйә Пʹадшатийе».
• Әʹламәтийа жь пʹарәкә Щьвата Ԛӧльхийе кӧ дәрбаз буйә.
• Әʹламәтийа дәрһәԛа даннасинкьрьне жь «Бьрща Ԛәрәԝьлийе».
• Әʹламәтийа дәрһәԛа даннасинкьрьне жь әʹдәбйәтед ӧса, ча «Мәкʹтәба Даннасинкьрьне» у «Пәй Мьн Ԝәре».
• Тьштәки жь jw.org йед кӧ ԛӧльхкьрьнеда дькарьн бьдьнә хәбате.
• «Ԝәлгәрʹандьна Дьнйа Тʹәзә» йа тʹәзәкьри, кӧ әм дькарьн ль даннасинкьрьнеда бьдьнә хәбате.
• Чаԝа дәстпекьн хәбәрдане чахе дь мьһала хԝәда рʹасти атеиста, еволусиониста, Индуса у Будиста тен.
• Чаԝа щаба ԝан бьдьн, йед кӧ хәбәрдана мә дьбьрьн.
• Чаԝа дькарьн али һʹәвал-хьзмәткʹаре хԝә бькьн, сәва кӧ даннасинкьрьна ԝи бәр дәри һе керһати бә.
• Чаԝа щаба ԝан бьдьн, йед кӧ ль сәр зьмане дьн хәбәр дьдьн.
• Чаԝа шәʹдәтийе бьдьн щурʹед даннасинкьрьна ӧсада, мәсәлә бь тʹеле, ль щийед кӧ гәләк мәрьв тʹоп дьбьн, ԝәʹде сәрледанед дӧбарә, йан жи һинкьрьна Кʹьтеба Пироз.
• Бира хԝәда хԝәй кьн рʹебәрийе дәрһәԛа бехофийе, мәрʹифәти, рʹабун-рʹуньштандьна баш, ньһерʹандьна позитив у тьштед ви щурʹәйи.