Ширәтед кӧ Дькарьн Щьвина бона Хьзмәтийе Дьһа Керһати Бькьн

Щьвинед бона хьзмәтийе чаԝа щьватед дьн, жь Йаһоԝа нә у гәләк фәрз ьн. Әв щьвин мәщале дьдьнә мә һʹьзкьрьн у ԛәнщикьрьнеда һелана бьдьнә һәв (Ибр. 10:24, 25). Әв щьвин гәрәке жь пенщ һʹәта һʹәфт дәԛа бькʹьшиньн, у нава ви ԝәʹдәйида гәрәке перʹа бьгьһиньн сафи кьн кʹе тʹәви кʹе дәркʹәвә хьзмәтийе, мьһалед бона хьзмәтийе бьжберьн у дӧа бькьн (һәрге әв щьвин паши щьватәкә дьн дәрбаз дьбә, әв гәрәке һе кем бькʹьшинә). Бьре кӧ щьвина хьзмәтийе дәрбаз дькә, гәрәке тьштәки керһати һазьр бькә бона ԝан, кʹе кӧ ве рʹоже ԝе дәркʹәвьн хьзмәтийе. Мәсәлә, гәләк хьзмәткʹар тʹәмамийа һʹәфтийе нькарьн дәркʹәвьн хьзмәтийе у чахе рʹожа Шәмийе тенә сәр щьвина бона хьзмәтийе, ԝе баш бә һәма пешанинәке бькьнә бира ԝан. Диса кʹижан тьштед керһати дькарьн бенә шеԝьркьрьне?

• Пешанинед жь щурʹе бәлакьрьна мьзгинийе йа «Мина Иса Мәсиһ Бьжин у Хьзмәт кьн; Бәрнама Щьвине»

• Ча дькарьн ԛәԝьмандьнәк йан нучәйәке бьдьнә хәбате, ԝәки хәбәрдане дәстпекьн

• Ча щаба нәԛайилбунәке, кӧ мьһала ԝәда бәлабуйи йә, бьдьн

• Ча щаба мәрьвәки атеист йан еволусионист бьдьн, ӧса жи ча хәбәр дьн тʹәви мәрьве кӧ сәр зьманәки дьн хәбәр дьдә, йан жи чь бежьнә ԝи мәрьви, религийа кʹижани кӧ мьһала мәда бәлабуйи нинә

• Ча бь һостәти малпәра jw.org, JW Library^®, йан жи Кʹьтеба Пироз бьдьнә хәбате

• Ча һащәтәкә жь Һащәтед Сәрәкә бона Һинкьрьне бьдьнә хәбате

• Ча методәкә бәлакьрьна мьзгинеда дьһа пешдачуйи бьн, мәсәлә хьзмәткьрьна бь телефоне, ньвисандьна нәʹма, хьзмәткьрьна бь стенда, сәрледанед дӧбарә йан һинбунед Кʹьтеба Пироз

• Бькә бира хьзмәткʹара дәрһәԛа бехофийе, мәʹрифәтийе, бәшәра хԝәш, кӧ чьԛас фәрз ә ньһерʹандьна мәрьва һьлдьн һʹәсаб у тьштед майин

• Дәрс йан видеойәк жь брошура «Хԝәндьн у Һинкьрьнеда Щерʹьбанди бә»

• Ча хушк йан бьра, тʹәви кʹижани кӧ хьзмәт дькьн, һелан кьн у аликʹарийе бьдьнә ԝи

• Рʹезәкә жь Кʹьтеба Пироз хьзмәтийева гьредайи, йан жи ԛәԝьмандьнәкә жь хьзмәтийе кӧ һелане дьдә