ԚӦТʹИЙА ПЬРСА
◼ Лазьм ә кӧ хьзмәткʹар интернете бьдә хәбате сәва шәʹдәтикьрьне, йан жи чахе дәрбаз дькә һинкьрьна Кʹьтеба Пироз тʹәви кәсәки, йе кӧ дь ԝәлате дьнда дьжи?
Һьнә ԛӧльхкʹар интернете дьдьнә хәбате, сәва кӧ дәстпекьн һинкьрьна Кʹьтеба Пироз ль ԝәлатада, кʹидәре кӧ шьхӧле мә синоркьри йә, йан жи кʹидәре кӧ тʹәне чәнд хьзмәткʹар һәнә. Һьнә дәрәщада, әве йәке кʹарәкә мәзьн ани. Ле дькарә һьнәки хоф бә жи, чахе хьзмәткʹар бь ә-нәʹме шеԝьр дькә тʹәви мәрьве нәнас. (Бьньһерʹә «Ԛӧльхкьрьна Мәйә Пʹадшатийе», йа мәһа Тирмәһе сала 2007, рʹупʹ. 3 (ru).) Чахе әм тʹәви ԝана ӧса шеԝьр дькьн, нета мә әв ә, кӧ мьзгинийа Пʹадшатийе бьгьһиньнә мәрьвед һәлал, ле щар-щара дькарә ӧса бьԛәԝьмә кӧ әв йәк дькарә мә бькә нава тʹәлька һәвалтийа хьраб у рʹабәра (1 Корн. 1:19-25; Колс. 2:8). Хенщи ԝе йәке дь ԝан ԝәлатада кʹидәре кӧ шьхӧле мә синоркьри йә, йан жи ԛәдәхәкьри йә, һьнә нәʹмә дькарьн бьн чʹәвньһерʹандьна һʹӧкӧмәтеда бә. У әв йәк дькарә сәва һьнә хушк у бьред ԝи ԝәлати зийан бә. Ләма жи хьзмәткʹар, гәрәке нәкʹәвә онлайне, сәва кӧ дь ԝәлатед дьнда кәсәки бьвинә у шәʹдәтийа мьзгинийа хере бьдә.
Һәрге филиала ԝә рʹебәрийа щурʹәки дьн надә, һьнге һәрге әм нәформал шәʹдәтийе дьдьн кәсәки, йе кӧ жь ԝәлате дьн һатийә, чахе кӧ әԝ ԝәгәрә мал, әм гәрәке бәрдәԝам нәкьн жерʹа даннасин кьн. Дәԝсе дькарьн ԝирʹа нишан кьн кӧ чаԝа әԝ дькарә jԝ.org бьдә хәбате сәва кӧ һе зедә әʹламәти бьстинә, йан жи чаԝа әԝ дькарә тʹәви Филиала ԝәлате хԝә текли бә. Әм ӧса жи дькарьн әԝи һелан кьн, кӧ һәрʹә Ода Щьвате незики мала хԝә. Һәмьки һьнә ԝәлатада, Ода Щьвата тʹӧнә. Һәрге әԝ дьхԝазә кӧ кәсәк жь Шәʹдед Йаһоԝа жь мьһала ԝи бе щәм ԝи, әм гәрәке тʹьжә кьн әв бланка лазьм (S-43) у бьдьнә секретар, йе кӧ әве бланке ԝе бьшинә бь сайа jԝ.org. Филиала ԝи ԝәлати, кʹидәре кӧ әԝ мәрьв дьжи, дина хԝә дьдә шьхӧле ԝи ԝәлати у дәрәща ԝи ԝәлати рʹьнд занә, ләма жи филиал ԝе бькарьбә рʹебәрийа баш бьдә сәва аликʹарийа рʹӧһʹани. (Бьньһерʹә «Ԛӧльхкьрьна Мәйә Пʹадшатийе», йа мәһа Һʹәзиране сала 2014, рʹупʹ. 7; у «Ԛӧльхкьрьна Мәйә Пʹадшатийе» йа мәһа Тәшрине, сала 2011, рʹупʹ. 2 (ru).)
Һәрге әм мәрикирʹа ньһа сәрледане дькьн, йе кӧ гәрәке дәрбази ԝәлате дьн бә, йан жи дьԛәԝьмә әм ньһа бь интернете дәрбаз дькьн һинкьрьне, тʹәви мәрьве кӧ дь ԝәлате дьнда дьжи, у әм ԝи тʹәне бь интернете нас дькьн, һьнге әм гәрәке дина хԝә бьдьнә рʹебәрийа жоре готи. Ле әм һе дькарьн бәрдәԝам кьн һʹәԝаса ԝи мәрьви һьндава мьзгинийеда мәзьн кьн, һʹәта кӧ әԝ тʹәви ԛӧльхкʹаред ԝәлате хԝә текли бә. Чь жи һәбә, һәрге мәрьв дьжи дь ԝи ԝәлатида, кʹидәре кӧ шьхӧле мә синоркьри йә, йан ԛәдәхәкьри йә, һьнге лазьм ә гәләк фәсал бьн, чахе дәрһәԛа тʹемед Кʹьтеба Пироз бь нәʹма, бь тʹеле, йан һащәтед әләктронейә дьн, шеԝьр дькьн (Мәт. 10:16).