Бе Әгләкьрьн Әви Шьхӧли Бькьн

Рʹаст ә малпәра мәйә тʹәзәкьри рʹасти чәтьнайа һатьбу, ле һәжмара мәрьвед кӧ дькʹәвьнә ве малпәре у дьньвисьн ԝәки дьхԝазьн һинбуна Кʹьтеба Пироз дәстпекьн, һе мәзьн дьбә у пешда дьчә. Хенщи ве йәкә һәжмара ԝан мәрийа ӧса жи зедә дьбә бь сайа даннасинкьрьна ль ԝан щийа кʹидәре кӧ гәләк мәрьв тʹоп дьбьн. Ләма жи филиал рʹебәрийа ве йәке дькә, кӧ әв шьхӧл һе зу пешда бьвә. Бәс хәбәре, һәрге ль сәр jԝ.org сьфарәш жь мәрийа дьстиньн, кӧ әԝана дьхԝазьн һинбуна Кʹьтеба Пироз дәрбаз бьн, һьнге филиал дьжберә рʹуспийа кӧ дь мьһала ԝи мәрьвида дьжин у нава дӧ рʹожада нәʹме ԝан бьрара дьшиньн. Жь һʹәсабе даннасинкьрьне те кʹьфше, кӧ ӧса жи дьԛәԝьмә ԝәки чахе мәри дәрһәԛа хԝәстьна хԝә дьньвиси кӧ дьхԝазә һинкьрьна Кʹьтеба Пироз дәрбаз бә, чәнд һʹәфти тʹӧ кәс нәдьһатә щәм ԝи. Гәло чь әм дькарьн бькьн, сәва кӧ перʹа-перʹа бенә щәм ԝи мәрьви, һʹәта кӧ әԝ һʹәԝаса хԝә һьндава һинкьрьнеда ӧнда нәкьрийә? (Марԛос 4:14, 15).

Һәрге мәрьв нишан дькә кӧ дьхԝазә һе зедә пебьһʹәсә у әԝ мьһала тәда наминә, һьнге бе әгләкьрьне тʹьжә кә бланка лазьм (S-43). У паше жи пера-пера ль сәр щьвата кӧ те секретаррʹа бьдә. Секретар гәрәке әв әʹламәти нава рʹожәки йан дӧ рʹожа бьдә ве щьвате йа кӧ незики мьһала ви мәри йә, йан жи әв әʹламәти бьшинә филиале бь сайа ә-нәме йа кӧ ль сәр jԝ.org һәйә. У әв әʹламәти рʹуспи дь ԝе чаргошеда бьвиньн кӧ сәва щьвате һатийә кʹьфшкьрьне. Һәрге рʹуспийа нәʹмә сьтандьн кӧ кәсәк дь мьһала ԝанда дьхԝазә һе зедә пебьһʹәсә, у рʹуспи гәрәке ԝи мәрьвирʹа тʹеле хьн, һьнге әԝана гәрәке бе әгләкьрьн пера-перʹа әв шьхӧл сафи кьн. Һәр ԛӧльхкʹарәк кʹижанерʹа кӧ дьвежьн ԝәки әԝ һәрʹә сәрики ԝи мәрьви хԝә йан жи тʹелехә, гәрәкә әв шьхӧл һʹәсаб кә ча тьштәки гәләк фәрз кʹижанерʹа кӧ лазьмә дина хԝә бьде. Һәрге мәри малда нинә, һун дькарьн ԝирʹа нәʹме бьһельн, кӧ чаԝа әԝ дькарә ԝә бьвинә.