«Хԝә нава Һʹәзкьрьна Хԝәдеда Хԝәй кә»

¹ Әм чьԛас ша нә, кӧ дәстпебуйи жь һʹәфтийа 19 Щотмәһе сала 2015, ль сәр Һинбуна Кʹьтеба Пироз дь Щьватеда әме дәрбаз бьн кʹьтеба «Хԝә нава Һʹәзкьрьна Хԝәдеда Хԝәй кә»! Әԝ нәʹма, йа кӧ Кʹома Рʹебәрийе ль сәр рʹупʹела пешьн сәва һәр кәса ньвиси, бь ван гьлийа хьлаз дьбә: «Гӧмана мә һәйә кӧ әва кʹьтеба ԝе али тә бькә ԝәки һәртʹьм бьжийи анәгори рʹастийе у бь ԝи щурʹәйи хԝә нава һʹәзкьрьна Хԝәдеда хԝәй ки. У әԝ йәк ԝе тәрʹа әʹмьре һʹәта-һʹәтайе бинә» (Щьһуд. 21).

² Кʹара ве Кʹьтебе: Чаԝа әм дькарьн принсипед Кʹьтеба Пироз һʹәму алийава жийина хԝәда бьдьнә хәбате, мәсәлә һәләԛәтийа хԝәда тʹәви мәрьва, ԝәʹдәдәрбазкьрьнеда, ԛәдьргьртьна һʹӧкӧмәтеда, хәйсәт-һӧнӧред шәхсида, зәԝащеда, хәбәрданеда у әʹйд-ԛәйдада? Исафа мә ԝе ль гора принсипед рʹаст, йа кӧ дь Хәбәра Хԝәдеда һәнә, рʹебәрийа мә бькә (Зәб. 19:7, 8). Чахе әм һе зедә дәрһәԛа ньһерʹандьна Йаһоԝа педьһʹәсьн, һьнге гӧһдарийа мә ԝе һʹәму алийед жийина мәда, мә һелан дькә дьле Йаһоԝа ша кьн (Мәтʹлк. 27:11; 1 Йуһʹн. 5:3).

³  Һазьр бә Щаба Хԝә Бьди: Чахе хԝә һазьр дьки, бьра нета тә әԝ бә кӧ дь щьватеда пәсна бьди Йаһоԝа (Ибрн. 13:15). Тʹәмамийа щьвате, ԝе тʹәвайи шеԝьр кә әве кʹьтеба тʹәзә сәва һинбуне. Пʹаред бьчʹук йа тʹемайе кӧ ԝе бенә шеԝьркьрьне, мәщале бьдьнә һәр кәса кӧ рʹьнд хԝә һазьр кьн у паше щаба хԝә бьдьн у бежьн кӧ чь сәва хԝә һин бунә. Щабед мәйә рʹьнд һазьркьри, ԝе йед дьнена жи һелан кьн щаба хԝә бьдьн. У бь ве йәке шеԝьркьрьна тʹеме, ԝе гәләк һʹәԝас дәрбаз бә (Ибрн. 10:24). Хенщи ԝе йәке шабуна мә дь ве йәкеда ԝе һе зедә бә, чьмки бь ԝе йәке әм баԝәрийа хԝә дьдьнә кʹьфше.

⁴ Шәва пешийа мьрьна хԝә, Иса дина хԝә да ԝе йәке кӧ тʹәмийед Хԝәде бьԛәдиньн у нава һʹьзкьрьна ԝида бьминьн (Йуһʹн. 15:10). Бь аликʹарийа ве кʹьтебе «Һʹәзкьрьна Хԝәде», әме һе зедә һелан бьн жийина хԝәйә һәр рʹожида принсипед Кʹьтеба Пироз бьԛәдиньн, у ‹хԝә нава һʹәзкьрьна Хԝәдеда› хԝәй кьн (Щьһуд. 21).

[Пьрсед сәва һинбуне]