Меванед Хwә Сьлав кьн

Ль 23 Адаре, wәкә 12 милийон мәрьв йан һе зедә wе бьбьнә меванед мә у бенә ль сәр Евара Биранине. Бь рʹасти жи әwана wе шәʹдәтикә баш бьстиньн, чахе бьбьһен шеwьркьрьна хәбәрван дәрһәqа пʹешкʹеша Йаһоwа, демәк кʹьрине. Ӧса жи хәбәрван wе шеwьр кә дәрһәqа кʹәрәмед ахьрийе кӧ wе инсанәт бьстинә! (Иш. 11:6-9; 35:5, 6; 65:21-23; Йн. 3:16). Ль сәр ве щәжьнәкә мӧһим, нә кӧ тʹәне хәбәрван wе шәʹдәти бьдә. Ле әм жи дькарьн шәʹдәти бьдьн, чахе бь дьл у щан сьлав кьн меванед кӧ wе бенә ль сәр Евара Биранине (Рʹм. 15:7). Ль вьр һьнә рʹебәри тенә дайине.

• Дәwса кӧ һәрʹьн щийе хwә рʹунен у һивийе бьн һʹәта кӧ бәрнама дәстпебә, сьлав кә меванед кӧ тен. Ӧса жи дькари бь бәшәра хwәйә хwәш у ша, сьлав ки wана жи, йед кӧ рʹӧһʹанида сьст бунә у һатьнә

• Рʹаст ә тӧ гәрәке дина хwә бьди мәрьвед кʹижана кӧ шәхси тә тʹәглиф кьрьбу, ӧса жи бир нәкә дина хwә бьди wана жи, йед кӧ жь кәсәки тʹәглифе стандьн у һатьнә ль сәр ве щәжьне. Йед тʹәзә тʹәглиф кә кӧ тʹәви тә рʹунен. Wәʹде бәрнаме дькари Кʹьтеба Пирозә хwә wанарʹа нишан ки кӧ бьхуньн у кʹьтеба кʹьлама хwә жи нишан ки, кӧ тʹәви тә бьстьрен

• Паши готаре, һазьр бә щаба пьрсед wана бьди. Һәрге wәʹде wә һьндьк ә, у паши щьвата wә гәрәке щьвата дьн тʹоп бә кӧ Евара Биранине дәрбаз кьн, һьнге һәврʹа хәбәр дьн кӧ нава чәнд рʹожада һун бькарьбьн һәв бьвиньн. Һәрге адрес йан һәжмара тʹела wи мәрьви щәм тә тʹӧнә, дькари бежи: «Мьнрʹа һʹәwас ә пебьһʹәсьм һәла һун дәрһәqа ве бәрнаме чь дьфькьрьн. Әм дькарьн щики рʹасти һәв бен?»